TITUS
Lancelot und Ginover I: Prosalancelot
Part No. 139
Previous part

Page: (286) 
Sentence: 1956    Da sie allesampt in die pforten kamen, da der man die porten zu und beschloß sie vast, man ließ die schoßporten riyder, und die fallebrucken off gezogen wurden, Phariens und Lambe- gus ritten zu dem großen thum als müd lút die sere gestritten hetten und sere gewunt waren an maniger statt.
Sentence: 1957    Das sahen die dry ritter, die mit Phatiens gefangen waren fur Claudas, und wurden sete erfert das sie Pharien und synen nefen so zurhauwen sahen.
Sentence: 1958    Lambegus sprach zu sym öheim:
Sentence: 1959    »Herre lieber oheim, warumb laßt ir mich diße dry verteter nicht zu dot slagen?« Das horten sie und wurden fast sere erfert.
Sentence: 1960    »Das ist war«, sprach er, »wir mögen dem ungetruwen Claudas beide, schand und zorn, da mit thun.« »Des ensolt ir nicht thun!« sprach Phariens, »mit anders mannes boßheit hant sie den dot nit verdient; ir herre der konig Claudas getet nye verreterye wiedder mich dann zu einem mal.« Alsus geschweigte Phariens synen nefen und bracht yn mit großen pinen da von das er sie all dry nicht dot schlug.
Sentence: 1961    Sie thaten ir helme von irn heubten.
Sentence: 1962    Uber ein kurcze wil darnach kam ein knapp zu yne und sagt Pharien das yn Claudas wolt besprechen vor der porten.
Sentence: 1963    Phariens und sin nefe saßen wiedder off und daten zwen knecht ir helm mit yn furen.
Sentence: 1964    Sie ritten zur pforten und hießen sie off thun.
Sentence: 1965    Phariens reyt uß und fand eynen gewapeten ritter ußerthalb haltende, den Claudas dar gesant hett.
Sentence: 1966    Er sprach zu Phariene das im der konig enbotten hett das er yn alleyn bespreche, und wißt yn wo der ritter alleyn hielt und hett sin lut allesampt hinder sich getriben ferre von im hindann.
Sentence: 1967    Phariens reyt zu im alleyn.
Sentence: 1968    Als schier als yn Claudas ersah, er fragt zuhant wie sin dry gefangen dethen, das er im die warheit seyte.
Sentence: 1969    Phariens sprach das sie gesunt weren und wol fúren.
Sentence: 1970    Er forcht sere das er sie dot getragen hett alle dry.
Sentence: 1971    Er wúst wol das Phariens und Lambegus stolcz waren und genendig, darumb forcht er sere das sie Lambegus dot hett geschlagen.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.