TITUS
Lancelot und Ginover I: Prosalancelot
Part No. 140
Previous part

Page: (288) 
Sentence: 1972    »Herre Phariens«, sprach Claudas, »ir hant mir uwer manschafft uffgegeben zu unrecht, wann ich uch nye keyn ding gedet darumb ich off uch zu recht verzihen solte; ich manen uch durch rechtes willen das ir uwer manschafft wiedder nement.« »Des enthun ich dheynes synnes nicht, wann myn hercz mag uch gemynnen nicht; so wurd ich ungetruwe, und neme ich sie wiedder.« Er versucht es menig wise, und Phatiens wolt es nicht thun.
Sentence: 1973    »Nu hút dich«, sprach er, »das mynen rittern keyn arg geschehe, und rytt wiedder, sitt das du myne herbe nit thun wilt!
Sentence: 1974    Seh hien, ich wil thun des du mich gemant hast mit myner truw.
Sentence: 1975    Ich han dir gelobet als mynem manne in din gefengniß zu komen wann du wilt.
Sentence: 1976    Sieh hien, werestu nu myn man als du zu denselben zyten were da du myn truwe empfingest, ich fur zuhant mit dir war du wolltest, wann du must mir zu allererst off den heiligen schweren das mir kein arg in dyner gefengniß geschehe, noch das du keyn mere enhabst gehort von des konigs kinden!
Sentence: 1977    Wiltu des nicht thun, so rytt hinweg von mir, wann ich enwil nymer men mit dir rat gehaben wedder gut noch bösen, dwil du myn man nicht wilt werden.
Sentence: 1978    Heiß mir herre komen zehen der höhsten barune die in der stat sint, ich wil mit yn reden!« Phariens reyt hinweg und sant Claudasen zehen der türsten die in der stat waren.
Sentence: 1979    Claudas sprach zu yn one gruß:
Sentence: 1980    »Ir herren allesampt, ir sint myn man allesampt«, sprach er, »ir enkónnent des nicht geleuckenen, ir hant fast sere wiedder mich mißethan.
Sentence: 1981    Solt ich von uch beßserung nemen nach dem rechten, es keine uch uneben.
Sentence: 1982    Ir hant Pharien zu mir gesant, das er uch eynen fried gewinne, Er hatt myner manschafft geleuckent und hatt sie mir offgeben.
Sentence: 1983    Ir sint so torecht das ir synes rates volgent und wollent nicht wißen das ir mir die statt nicht lang mögent vorbehalten, ich gewinne sie uwers undanckes.
Sentence: 1984    Und beytent ir des, so muß mir gott helffen:
Sentence: 1985    es sy uwer keyner den ich darinn ergriff, ich heiß im ein glied von dem andern schnyden.
Sentence: 1986    So mir gott muß helffen und alle die heiligen die inn der stat sint, ich gebe uch nymer andern frieden dann also als ich uch gesagt han und noch wil sagen.
Sentence: 1987    Ich wil das ir sampt schwerent off den heyligen das myn sun Dorin mit uwerm radt und mit uwer hilft noch von uwern schulden nicht erdetet wurde.
Sentence: 1988    Darnach wil ich das ir mir einen man gebent genczlich in mynen willen, das ich den mit im thu.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.