TITUS
Lancelot und Ginover I: Prosalancelot
Part No. 196
Previous part

Page: (8) 
Sentence: 430    Der wiß ritter reyt den berg off biß das er fur die burg kam.
Sentence: 431    Die port was beschlossen fast; sie stunt keyn zitt unbesloßsen.
Sentence: 432    Die burg was geheißen die Dolorose Garde, darumb das kein ritter dar enkame, er stúrbe zuhant oder er múst zuhant gefangen werden, wann er uberwunden wart.
Sentence: 433    Diß geschah allen den die dar kamen, wann nymant mit den wapen halb als viel mocht gethun als im da geburt zu thun.
Sentence: 434    Umb die burg gingen zwo muren, und yglich mure hett ir porte.
Sentence: 435    Zu yglicher porten musten fechten der fremden ritter einer allein wiedder zehen ander ritter; und hörent wie er fechten must: als schier als ein ritter von den zehenen so viel gefochten her das yn ducht das er múd were und nicht me mocht fechten, so sante man dem fremden ritter einen frischen zu.
Sentence: 436    Also must er wiedder die ritter alle vehten.
Sentence: 437    Alsus enkunde sie ein ritter nicht gemeistern: als ein man einen andern man múd gemacht hatt oder zwen oder dry oder vier, so mag der funfft man licht mannes syn der yn erschlecht, oder der sehßt, ich laß zehen ritter syn.
Sentence: 438    Darumb wurden sie all erschlagen oder gefangen die dar kamen, er were dann so gut ritter das er mit gluck einen nach dem andern zu tode schlug gar zuhant.


Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.