TITUS
Lancelot und Ginover I: Prosalancelot
Part No. 217
Previous part

Page: (29) 
Sentence: 1280    Uns saget die historie furter das der konig Artus frú was offgestanden da er den wechter hort off dem thorn der by dem großen sale stunde.
Sentence: 1281    Under im in eyner kamern waren zwo jungfrauwen besloßen, das waren dieselben die die frauw von dem Lack dem wißen ritter hett gesant.
Sentence: 1282    Die jungfrauw die im die dry schilt bracht hett was gende siczen in ein fenster und besah die konigin.
Sentence: 1283    Sie rieff zu ir und sprach: »Frauw, ir hettent hut gut herberg und ich böse.«
Sentence: 1284    »Werlich«, sprach die konigin, »ich wust uwer da nit, jungfrauw, und möcht ich uch geholfen han mit dheinen dingen, ich hett es gethan.«
Sentence: 1285    »Ja ir, frauw«, sprach die jungfrauwe.
Sentence: 1286    »Wie wer das?« sprach die konigin.
Sentence: 1287    »Das enwil ich uch nicht sagen«, sprach die jungfrauw, wann sie gedacht das der wiß ritter die konigin minnete und sie yn wiedder, by dem das er die burg nit wolt rumen, er hett dann die kónigin ee gesehen; und ir gesellin hett ir gesaget wie er nit enwust was er thun solt da er die konigin vor der porten sah.
Sentence: 1288    Underdes das sie also retten kam ein groß rott zur porten inn rytende, das was myn herre Gawan und syn gesellschafft.
Sentence: 1289    Des wart der konig Artus frower dann er ye me wart und kuͦst synen neven und darnach die andern all.
Sentence: 1290    Die konigin was ußermaßen fro das myn herre Gawan noch lebte.
Sentence: 1291    Der konig fragt zuhant wo sie gewest hetten.
Sentence: 1292    »Ich enkans uch nit fast wol bescheiden«, sprach myn herre Gawan, »wann so viel das man uns zu eyner burg leytet, da hien man uns gelobet wol zu herbergen.
Sentence: 1293    Da wir geherberget wonden wesen, da waren wir allesampt gefangen.
Sentence: 1294    Ich wene nicht das wir ummer uß komen weren, hett uns ein ritter nit erlößt.
Sentence: 1295    Der furt ein schilt mit dryn roten barren in belung und sprach das wirs uch dancketen und myner frauwen der konigin.«
Sentence: 1296    »Werlich herre«, sprach die konigin, »das was unser ritter der nechten von hinnen reit, uff den das volck so sere rufft das ir yn fingent.«
Sentence: 1297    »Sahent ir yn an wapen bloß?« sprach der konig zu mym herren Gawan.
Sentence: 1298    »Neyn ich, herre«, sprach er, »er enwolt synen helm nye von synem heubt gethun.
Sentence: 1299    Da by wen ich wol das er forcht, und hett ern abgethan, das wirn hetten bekant.«
Sentence: 1300    »So mir got«, sprach der konig, »ich mag nuͦ frölich farn wann ich wil, es ist nit lang das ich fast unfro was.«
Sentence: 1301    Und die jungfrauw die in dem thom was die rieff heruß: »Konig Artus«, sprach sie, »wiltu alsus hinweg farn und mich hie in gefengniß laßen?
Sentence: 1302    Du enweist noch ein teil nicht des thuͦndes von der burg.«
Sentence: 1303    »Das ist mir leyt«, sprach der konig, »das ichs nit enweiß.«
Sentence: 1304    »Was ist das?« sprach myn herre Gawan, und die ritter die by im stunden sagten im wie es was.
Sentence: 1305    Des wundert er sich sere.
Sentence: 1306    »Jungfrauw«, sprach der konig, »wie möcht ich uch erlösen ußer der gefengniß?«
Sentence: 1307    »Herre«, sprach sie, »da hort groß arbeit zu.«
Sentence: 1308    »Welch arbeit ist das?« sprach der konig, »ich wil sie gern understan, weiß ich wie.«
Sentence: 1309    »Jungfrauwe«, sprach myn herre Gawan, »sagent mym herren wie er uch gehelffen möge, er thuͦt es.«
Sentence: 1310    »Ich enkan nit erloßt werden«, sprach sie, »mir helff dann der ritter den myn herre der konig von im ließ farn.«
Sentence: 1311    »Wie möchten wir den erkennen?« sprach myn herre Gawan.
Sentence: 1312    »Zu der ersten vergaterung, die úmmer geschicht in dem konigrich von Logres, solt ir gnug von im vernemen«, sprach sie, »und zu der andern vergaterung und zu der dritten.«
Sentence: 1313    »Jungfrauw«, sprach myn herre Gawan, »ob er uch enböte das ir zu im kement, mochtent irselb ußkomen?«
Sentence: 1314    »Nein ich«, sprach sie, »ich sehe yn dann selber.«
Sentence: 1315    »Herre«, sprach myn herre Gawan, »ich wil wol das irs wißent das ich nummer me dann ein nacht in eyner statt belibe, ich werde gefangen oder siech, ich gefreisch dann wer der ritter sy, von dem diße jungfrauw gesprochen hatt.«
Sentence: 1316    Da diß der konig horte, da wart im sere ubel zu mut, und was im ußermaßen leit.
Sentence: 1317    »Herre«, sprach myn herre Gawan, »ich hore sagen das der konig von Uber den Marcken off uwer lant urlage und ist darinn gerant.
Sentence: 1318    Enbietent im das ir innwendig vier wochen in syn lant wollent ryten, alda sollen wir, ob gott wil, mere freischen.
Sentence: 1319    So mögen wir auch erfarn von dißem ritter.«
Sentence: 1320    »So mußent ir biß dann bliben«, sprach der konig.
Sentence: 1321    »Des enmag nit syn«, sprach myn herre Gawan.


Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.