TITUS
Lancelot und Ginover I: Prosalancelot
Part No. 216
Previous part

Page: (28) 
Sentence: 1272    Da der wiß ritter gescheiden was von dem konig und von der konigin, da reit er zuhant zu mym herren Gawan und zu synen gesellen.
Sentence: 1273    »Ir herren allesament«, sprach er, »ich laß uch alhie ledig uwer gelubde die ir mir gethan hant, also das ir dalang me hie blibent und morn frú zu der Dolorosen Garden rytent.
Sentence: 1274    Alda findent ir myn herren den konig und myn frauwen die koniginne, die solt ir mir beide grußen von mynentwegen und solt yn sere dancken das ir ußer gefengniß erlößt sint.«
Sentence: 1275    »Hey lieber herre, durch got«, sprach myn herre Gawan, »sagent uns wer ir sint!«
Sentence: 1276    »Ich bin ein ritter, als ir geseht«, sprach er, »nicht me mögent irs yczuͦnt wißen.
Sentence: 1277    Ich bitt uch das irs nit enzúrnent durch mynen willen, und wißent das, das ir erlößt sint, das das von nymans wegen ist dann von gottes wegen und darnach von myner frauwen der konigin.«
Sentence: 1278    Er nam urlub zu yn und reyt wiedder zu des einsiedels huß, da er syn knappen gelaßen hett, und reyt alle die nacht und den tag darnach und herbergt des andern nachtes zu eynes ritters huß, da man im groß ere dete; und der weg wart im alda gewiset darwert er da hien wolt.
Sentence: 1279    - Wir mußen noch ein wil schwigen wie er gefur, und sprechen furter von mym herren Gawan und von dem konig Artus, der syn öheim was, und von yrn gesellen.


Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.