TITUS
Lancelot und Ginover I: Prosalancelot
Part No. 215
Previous part

Page: (27) 
Sentence: 1107    Also treib sie der wiß ritter so sere das sie allesampt wundert wie es eins mannes lip fur mocht bringen, und wonden das des konig Artus here uff sie komen were und alles mit yn stritt.
Sentence: 1108    Alsus treib er sie so lang biß sie gegen der porten kamen von der burg.
Sentence: 1109    Und der wachter begund fast schrien: »Zun wapen, zun wapen!«
Sentence: 1110    Diß hort der wiß ritter und begund allererst mit den wapen zu thun.
Sentence: 1111    Er sah wo des koniges here hinder im zu kam schlagend, und er prufet jhenen der yn allerbest ducht gezieret und allerherlichst, und wonde das er der herre were, als er auch was.
Sentence: 1112    Er reit zu im und gab im große schlege uff jhenen helm, er vertort yn in kurczer wile mit großen schlegen, das er fuͦr sich uber synen sattelbogen must bucken und ergreiff das roß mit den armen umb den hals.
Sentence: 1113    Mit dem kamen des koniges lut zuslagende, und jhene fluhen allesampt, biß an den den der wiß ritter so sere geslagen hett.
Sentence: 1114    Er lag noch uff sim roß und west nit wie im geschehen was, und syn roß begund lauffen zu der Humbre wert was es úmmer gelauffen mocht.
Sentence: 1115    Der wiß ritter enwolt syn nit begeben und volget im alles mit und ergreiff yn umb den halß und brach im den helm von dem heubt.
Sentence: 1116    Er nam yn mit dem halß und warff yn off jhen erden, er reit mit dem roß uber yn und trett yn so sere das er in syner unmecht bleib ligen und in syner ungewelte.
Sentence: 1117    Er stunt ab und dete im die kufe von dem heubt: »Nu sichert mir gefengniß!« sprach er, »oder ich slag uch zuhant uwer heubt ab.«
Sentence: 1118    Jhener lag zuhant in syner ungewalt und antwurt im ein wort nit, und der wiß ritter wond das er dot were.
Sentence: 1119    Er was ußermaßen zornig umb das er myn hern Gawan und syn gesellen úmmer men wond verlorn han, ob der ritter tot were verliben.
Sentence: 1120    Der ritter lag lang in onmacht, des wart der wiß ritter so unfro das im die trehen zu den augen uß gingen.
Sentence: 1121    Er sprach das er nymer me off ritter wolt geryten, er wolt yn dann zuhant zu tot slagen.
Sentence: 1122    Uber ein lang wile kam der ritter wiedder zu imselber und begund sich sere clagen.
Sentence: 1123    Der wiß ritter gebart als ob er wenig darumb gebe, und sprach, er wolt im das heubt ab schlagen.
Sentence: 1124    Er rieff gnad und forcht im sere; er bekant synen schilt, das das derselb schilt was mit der einen barren da mit er vor der Dolorosen Garden gestritten hett.
Sentence: 1125    »Hey edel ritter«, sprach er, »enslagent mich nit tot, ob ir des konig Artus ere liep hant!«
Sentence: 1126    »So sichert mir gefengniß«, sprach der ritter, »war ich uch legen will«
Sentence: 1127    »Vil gern«, sprach der ritter, »in allen stetten wo ir wolt, dann in der burg hie ob uns, da wil ich uber ein nit inn komen.«
Sentence: 1128    »So wil ich uch mit gewalt darinn furen.«
Sentence: 1129    »Lebende enkum ich númmer darinn«, sprach er; »und wißent ir was ir da mit verliesent?
Sentence: 1130    Das wil ich uch sagen: schlagent ir mich dott, so verliesent ir myn hern Gawan und zwenczig syner gesellen, die allesampt des konig Artus gesellen sint und syne ritter; wolt ir mich anderswo legen wo ir wolt, ich wil uch diße morn allesampt in uwer gewalt geben, wann ich wol sehen das ir der best ritter sint von allen landen und der abenturlichst von aller der welt.«
Sentence: 1131    Des wart der wiß ritter so fro das er nye kein ding als gern gehort, und sprach, ob er das wolt thun das er gesprochen hett, er wolt yn in die burg nit furen.
Sentence: 1132    »Das wil ich uch mit myner trúw sichern«, sprach der ritter und gab im syn schwert off.
Sentence: 1133    »Herre«, sprach er, »war wolt ir mich in gefengniß legen?«
Sentence: 1134    »Ich wil uch legen«, sprach der wiß ritter, »in eins einsiedeln huß, wont hie by uns in dißem wald.
Sentence: 1135    Ir múßent mich selb dar leyten.«
Sentence: 1136    »Das wil ich thun«, sprach er.
Sentence: 1137    »Nu siczent off hinder mich!« sprach der wiß ritter.
Sentence: 1138    Jhener was so sere geqwetschet das er mit großen nöten off das roß kam.
Sentence: 1139    Sie ritten den rechten weg gein des einsiedeln huß, und des konigs lút kamen an denselben weg wiedder da sie jhene hien gejaget hetten, und hetten yn anders nicht gethan; wann jhene den walt wol kunden, da waren sie yne darinn entfarn.
Sentence: 1140    Der konig was gegen sym volck geritten und kam mit yn wiedder.
Sentence: 1141    Der wiß ritter was uber das velt gekeret da der púniez gewesen was, und was ein glene alda beliben ligen, die hett der wiß ritter in syn hant genomen.
Sentence: 1142    Er sah wo der konig kam, und der konig ersah sie auch beide.
Sentence: 1143    »Owe lieber herre«, sprach der gefangen, »seht wo des konigs lút gegen uns koment, ich wolt umb alle die welt inn syn gefengniß nit komen!
Sentence: 1144    Ich bitt uch off gerecht ritterschafft«, sprach er, »und manens uch das ir mich in kein ander gefengniß laßent komen dann in das uwer.«
Sentence: 1145    »Des forchtent nicht«, sprach der wiß ritter, »er solt mich ee dot schlagen ee dann er uch hinweg fúrte, oder ich sol so sere werden geslagen das ich uch nit gehelffen mag.«
Sentence: 1146    Er reyt synen rechten weg, und Key der truchses rieff im nah: »Haltent schon, herre ritter, myn herre der konig wil wißen wer ir sint!«
Sentence: 1147    Der ritter antwort im ein wort nit und reit syn straß.
Sentence: 1148    Key reit zu im.
Sentence: 1149    »Herre ritter«, sprach er, »ir sint zu hohfertig das ir nit antworten wollent.«
Sentence: 1150    »Wes fragent ir?« sprach der wiß ritter.
Sentence: 1151    »Ich bin ein ritter der das lant off und nyder fert.«
Sentence: 1152    »Hant ir den gefangen«, sprach Key, »den ir hinder uch furt?«
Sentence: 1153    »Ja herre«, sprach er, »was wolt ir sin?«
Sentence: 1154    Da erkant yn Key, das es der ritter was der die port hett heyßen off thun.
Sentence: 1155    »Ja«, sprach Key, »ir sint der der myner frauwen der konigin gestert spottet vor der porten, und der ritter den ir gefangen hant wolt myn herren den konig eins tags zu tot gestochen han, des ist nit lang, mit syner glenen; ich bekenne yn by synen wapen wol.«
Sentence: 1156    Der wiß ritter antwurt im ein wort nit und reyt alles fúrter synen weg.
Sentence: 1157    Das was hern Key unwert, und sprach: »Herre ritter, ir fúrt da des konigs fynt, und ich bin sin geschworn helffer und syn ritter; ließ ich yn uch also hinweg furen, so wurd ich meyneidig.
Sentence: 1158    Thund wol und gebt yn mynem herren dem konig, ich wil yn im bringen!«
Sentence: 1159    »Noch enkam der nit«, sprach der wiß ritter, »der yn mit gewalt hinweg fure.«
Sentence: 1160    »Ich wil yn uch mit gewalt nemen«, sprach myn herre Key und ergreif den gefangen ritter umb den hals.
Sentence: 1161    »Thunt bald uwer hant ab«, sprach der wiß ritter, »oder ich slag sie uch ab gewißlich!«
Sentence: 1162    Min herre Key det syn hant abe und sprach das er yn nyder seczt off die erden, und der yn dann mit jostiern mocht gewinnen, das ern hett.
Sentence: 1163    »Durch uwern willen kúmet er nummer abe!«
Sentence: 1164    Key reit von im und bereit sich zu jostiern.
Sentence: 1165    Der mone scheyn sere liecht, und sie kamen beid zuhauff gerant.
Sentence: 1166    Und herre Key stach syn glene inzwey, und der wiß ritter stach yn durch das diech zu der lincken syten und nagelt im das diech an den sattelbogen, das myn herre Key off die erden viel und die glene brach.
Sentence: 1167    »Herre Key, nu mögent ir wol sehen wie myner frauwen gespottet was!« und reyt zuhant hinweg.
Sentence: 1168    Der konig und syn volck kamen aldar geritten da myn herre Key darnyder lag in onmacht.
Sentence: 1169    Sie namen yn und furten yn in sym schilte da sie gelagiert hetten.
Sentence: 1170    Der wiß ritter was in den walt komen und reit so lang das er in des einsiedels huß kam.
Sentence: 1171    Sie ritten beid zu der porten yn, und der einsiedel ließ sie inn.
Sentence: 1172    Sie erbeißiten und gingen all dry in die capelle, und der wiß ritter sagt dem einsiedel wie im der ritter gesichert hett myn herrn Gawan wiedder zu geben und alle syn gesellen, er dett im dasselb anderwert off den heiligen schweren.
Sentence: 1173    »So mir der eydt den ir geschworn hant«, sprach der wiß ritter, »endut ir des nit, ich schlag uch uwer heubt von uwerm buch!«
Sentence: 1174    »Herre«, sprach der gefangen ritter, »wolt ir senden dißen herren zuhant nach mym truchseßen?«
Sentence: 1175    »Ja ich«, sprach er, »es ist mir lieb, wann er muß mir zum allerersten schwern das er die botschafft getrúlich thú.«
Sentence: 1176    »Das wil ich thun«, sprach der einsiedel zuhant und schwur off den heiligen.
Sentence: 1177    Er saß off synen esel und reyt zu der Dolorosen Kartre.
Sentence: 1178    Er bracht des herren truchseßen alleyn mit im mit dem wortzeichen das im der herre gegeben hett.
Sentence: 1179    Er sprach zu sym truchsessen das er bald hinweg riet und brecht myn herren Gawan und sin gesellen und alle die da gefangen legen von des koniges gesinde.
Sentence: 1180    Diß dete der wiß ritter den truchseßen schwern ee dann er von im schied, und das er sie all gewapent brecht.
Sentence: 1181    Der truchseß reyt hinweg und det als yn syn herre hett geheißen.
Sentence: 1182    Da er sie bracht hett, da fragt yn syn herre off was er sie uß gelaßen hett. »Herre«, sprach er, »sie hant mir allsampt gesichert von dißer statt númmer zu komen, es sy dann mit uwern willen.«
Sentence: 1183    »Ir herren«, sprach der ritter, »ich manen uch allesampt mit uwer sicherheit das ir dißem ritter gefengniß haltent wo er wil, und ich laß uch ledig von mynentwegen.«
Sentence: 1184    Der wiß ritter was gewapent und hett synen helm off sym heubt, das er wolt das sie sin nit erkenten.
Sentence: 1185    Min herre Gawan und syn gesellen sprachen, sie wolten gern syn gefangen sin wo er wolt; und der herre erließ sie ir truwen und reyt hinweg.
Sentence: 1186    »Wie herre«, sprach der einsiedel zu dem wißen ritter, »sol Behandiez alsus hinweg ryten?
Sentence: 1187    Ich sag uch werlich, und rytet er alsus hinweg, das die zaubery nymer me ab wirt gethan genczlichen hie in der Dolorosen Garden.«
Sentence: 1188    »Ich gelobet im mit myner trú also«, sprach der wiß ritter, »darumb enwil ich nit me darzu thun.«
Sentence: 1189    Und der einsiedel begund sere zu weynen.
Sentence: 1190    Der wiß ritter sprach zu mym herren Gawan und zu synen gesellen allensamen: »Ir herren«, sprach er, »ich bitt uch einer beth die uch allen guͦt ist und ersam und auch mirselber.«
Sentence: 1191    »Was ist das?« sprach myn herre Gawan.
Sentence: 1192    »Das ist«, sprach er, »das ir allesampt hieinn belibent biß ich herwiedder kume, ich wil noch hint herwieder komen oder morn frú zu dem lengsten.«
Sentence: 1193    Sie gelobentens im allesamen mit ir truwe.
Sentence: 1194    Er saß off und reyt zu der Dolorosen Garden, es was wol um tercie.
Sentence: 1195    Und der konig hett des morgens umb primzytt ein ritter fur die porten gesant; der wechter enwolt im die porte nicht off thun.
Sentence: 1196    Der wiß ritter reyt wiedder yn zu der posterne da er uß geritten was, und kam zu dem palast da die zwo jungfrauwen von dem Lack syn beyten.
Sentence: 1197    Die ein jungfrauw die im die schilt bracht hett sprach ob sie lang gnug in sym gefengniß gelegen hett.
Sentence: 1198    »Neyn ir, liebe jungfrauw, ir mußent so lang ligen biß das irs zu ende hant bracht myns hern Gawans sach und des konig Artuses, darumb er herre komen ist.
Sentence: 1199    Also diß alles geschicht, so sollen ich und ir, beyd mit einander, hinweg farn.«
Sentence: 1200    Er det den schilt von sim hals mit der ein barren und nam den mit den zweyn, er reyt zu dem portewechter und fraget ob der konig ymant dar gesant hett.
Sentence: 1201    »Ja herre, zu primzyt«, sprach der wachter.
Sentence: 1202    »Nuͦ hut«, sprach der wiß ritter, »als lieb als dir din augen syn, das du dalang dheynem manne die port offgethúst, es sy dann das Key der truchses dar fur kem, dem solt duß offthun!«
Sentence: 1203    Er reyt uß und fur umb jhenen berg, biß er des koniges pavilune nahen begund.
Sentence: 1204    Und das volck von der stat begund sere zu ruffen: »Konig Artus, din zyt geet hinweg, din zytt get hinweg!«
Sentence: 1205    Der konig was aber nieder off jhener bach gesesßen und was sere zu ungemach umb myn herren Gawan und umb syn gesellen, die er númmer me wonde gesehen.
Sentence: [... 
] Sentence: 1206    Da er das gerúff hort, er sant bald fur die porte,
Sentence: 1207    das man nymand anders die porten off thet dann mym herren Key, ob er dar fur kem, dem truchseßen, dem sol er sie off thun.
Sentence: 1208    Der ritter reyt bald zu dem konig und sagt im also.
Sentence: 1209    Da lag Key siech von der wunden die im des andern nachtes in sin diech gestochen was.
Sentence: 1210    Und der konig sprach, er wolt yn ee dahien laßen furen; und die konigin und manig ritter furen darwert.
Sentence: 1211    Der ritter mit dem schilt mit den zweyn barren kam fur die konigin geritten und grußt sie und sie yn.
Sentence: 1212    »Frauw«, sprach er, »war wolt ir ryten?«
Sentence: 1213    »Herre«, sprach sie, »fur die porten wolt ich ryten, umb das ich besehe ob myn herre der konig darinn mocht komen.«
Sentence: 1214    »Frauw«, sprach er, »woltent irselb icht gern darinn komen?«
Sentence: 1215    »Ja ich werlich«, sprach sie.
Sentence: 1216    »Ir mußent nemelich darinn«, sprach er und reyt fur die porten und rieff dem portener, und der ander det die port off.
Sentence: 1217    Der ritter besah anders nit dann die konigin, und da sie den berg kamen geritten, vergaß im sinselbs.
Sentence: 1218    Der wechter fragt yn ob er wolt ryten.
Sentence: 1219    Er reyt furter und sah wiedder zu der konigin wert, und die port ging wiedder zu und gab einen micheln schrey.
Sentence: 1220    Das hort der konig alda er saß uff der bach, und fragt was das were.
Sentence: 1221    Mit dem brachten vier knappen hern Key fur die porten getragen uff eim tuch von Pavey.
Sentence: 1222    Der wechter fragt wer da were.
Sentence: 1223    »Das ist myn herre Key«, sprachen sie.
Sentence: 1224    »So muß ich im die porten off thun«, sprach der wechter.
Sentence: 1225    Man det im zuhant die porten off.
Sentence: 1226    Mit dem kam der konig und sin geselleschafft fur die porten, und der wechter fragt yn ob er inn wolt.
Sentence: 1227    »Ja ich gern«, sprach der konig.
Sentence: 1228    »Ir múßent zum ersten schwern off den heiligen«, sprach der ander, »das ir nymant keynen gewalt thunt noch die mit uch sint weder mit worten noch mit wercken.«
Sentence: 1229    »Das wil ich gern thun«, sprach der konig und schwur also.
Sentence: 1230    Da wurden zuhant die porten beid off gethan.
Sentence: 1231    Sie ritten inn und funden eine ußermaßen schone burgk, und alle die hußer die in der burg waren waren gefenstert all, eintweder oben oder unden, und die fenster waren all vol ritter und frauwen und anders volks vil, die weinden allesament und sprachen ein wort nit.
Sentence: 1232    Das was alles darumb gethan das sich der konig des wundern solt und solt fro syn das er wiedder sie sprechen must, umb das sie gern gesehen heten das yn der konig ettlichen radt solt geben zu yren nöten.
Sentence: 1233    Der konig stund von sym pferd und ging in jhenen sal, der ußermaßen schön was und groß.
Sentence: 1234    Er wart aber nymands darinn, und der konig sprach zu der koniginn und zu synen rittern die mit im waren: »Als vil wúst ich hút vor der porten von der burg als ich nuͦ weiß, und bin doch hieinn.«
Sentence: 1235    Er was unfro und sere zu ungemach.
Sentence: 1236    »Herre«, sprach die konigin, »diß mußent ir alles dulden; der uch suß viel hatt lan wißen, ob got wil, er sol uch noch me thun verstan.«
Sentence: 1237    »Herre«, sprachen jhene ritter, »myn frauw hatt wol gesprochen, ir múßent also thun.«
Sentence: 1238    Herunder was der wiß ritter komen und het den schilt mit den dryn barren umb synen hals genomen, als er zu mym herren Gawan wiedder wolt ryten.
Sentence: 1239    Und alle die ee geweynt hetten begunden zu ruffen: »Vahent yn, vahent yn!«
Sentence: 1240    Und die port warent beyd beschloßen.
Sentence: 1241    Er sah umb und sah die konigin vor dem pallast steen; er gedacht das er nyrgent wolt farn, er hett die koniginne dann zum ersten gesehen.
Sentence: 1242    Er kerte wiedder umb und reyt darwert.
Sentence: 1243    Da er by sie kam, da erbeißet er und grußt sie.
Sentence: 1244    Alles das in der burg was begund aber ruffen: »Vahent yn, konig Artus, vahent yn!«
Sentence: 1245    Der konig kam zu dem ritter ryten und gruͦßt yne, und er genadet im.
Sentence: 1246    »Diße lút ruffent alle das ich uch vahe«, sprach der konig.
Sentence: 1247    »Herre«, sprach der ritter, »ir hant wol den gewalt, und wenent ir wol darmit thun.«
Sentence: 1248    »Warumb ruffen sie dann?« sprach der konig.
Sentence: 1249    »Ich enweiß«, sprach der ritter, »thunt sieß fragen!
Sentence: 1250    Ich wene das ich keyn ding wiedder uch hab gethan noch wiedder sie.«
Sentence: 1251    Der konig sant zu den luten und hieß sie fragen warumb sie also geruffen hetten; sie warent allsamen in die andern balgie gegangen.
Sentence: 1252    »Nu bin ich fast leydig«, sprach der konig, »das ich nichtes nit des thundes kan erfarn von der burg.«
Sentence: 1253    »Herre«, sprach der ritter, »wolt irs gern wißen?«
Sentence: 1254    »Ja ich ußermaßen gern«, sprach der konig und die koniginne alsam.
Sentence: 1255    Dem ritter was sere leyt das er dheyn stat hett noch dheyn muß der konigin zu sagen wies darumb stúnde, und die trehen sprungen im zun augen uß von großem zorn.
Sentence: 1256    »Herre«, sprach er zu dem konig, »gebent mir urlub hinweg zu ryten!«
Sentence: 1257    »Das wil ich sere gern thun«, sprach der konig.
Sentence: 1258    Er saß wiedder uff syn roß und fragt die konigin ob sie gern wolt wißen das thúnd von der burg, und begund hinweg zu ryten.
Sentence: 1259    »Ja ich«, sprach sie, »ußermaßen gern.«
Sentence: 1260    »Werlich frauw«, sprach er, »das ist mir leyt das ichs vor uch helen muß, ich vergiß mich sere darmit.«
Sentence: 1261    Er reyt hinweg allein und weinde sere; und ee das er von ir schied, da bat er sie das sieß vor ubel nit enhett, die zitt wer noch komen nit das mans ymant sagen möcht.
Sentence: 1262    Er reyt zu der posterne wiedder uß was er mit den sporn getriben mocht, biß er in den walt kam da myn herre Gawan mit sym einsiedel was.
Sentence: 1263    Und des konigs botten waren zu den luten komen und fragten sie warumb sie also geruffen hetten das der konig den ritter fing.
Sentence: 1264    Sie sprachen, und hett yn der konig gefangen, er hett im das thund alles geseyt von der burg.
Sentence: 1265    »Hey leyder«, sprach der konig, »wir sint betrogen das ich yn also von mir ließ farn!«
Sentence: 1266    Sie saßen also und sprachen, und die porte wart off gethan, und kamen vil ritter und frawen und taten spise mit yn bringen also bereytt.
Sentence: 1267    Das waren die lut von der stat, die gerufft hetten dem konig, umb das sie yn selber nicht schuldig waren zu vahen noch ir hant an yn zu thun; sie wonden das yn der konig gefangen solt han.
Sentence: 1268    Da sie vernamen das er hinweg was, da wart nye volck so unfro, und der konig was ußermaßen unfro das er yn nit gefangen hett.
Sentence: 1269    Die nacht was der konig und syn gesellschafft in der burg fast wol geherbergt, und daten im die von der statt groß ere.
Sentence: 1270    Des morgens, zuhant da der wechter den tag kuͦnte, da stund der konig uff und die konigin und all ir gesellschafft und bereyten sich wiedder nyder zu farn.
Sentence: 1271    - Nu mußen wir ein wil furter sprechen von dem wißen ritter, der mit des koniges urlub hinweg geritten was in den walt.


Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.