TITUS
Lancelot und Ginover I: Prosalancelot
Part No. 214
Previous part

Page: (26) 
Sentence: 1086    Der ritter kam wiedder off die statt da der einsiedel zu im komen was.
Sentence: 1087    
Er lag da biß gegen abent und gedacht das er den konig nit wolt warnen, wann erselbs alleyn guten rat darzu wolt geben.
Sentence: 1088    
Also lag er da biß nacht, und der mone begund off gan.
Sentence: 1089    
Da es ein gut wil in die nacht wart, sie stunden allesampt off die in der burg waren und wapenten sich.
Sentence: 1090    
Da sie bereit waren, sie ritten und furen uber das waßer.
Sentence: 1091    
Der wiß ritter lag also schon biß sie allesampt fur yn kamen einen guten weg.
Sentence: 1092    
Da er sah das sie all fur yn waren, er saß off syn roß und reyt yn nach.
Sentence: 1093    
Da sie alle kamen under die Dolorosen Garden, sie verburgen sich under den schetten von dem berg, wann der mon schon scheyn.
Sentence: 1094    
Sie wurden des zu rate das sie so stille in des koniges here wolten ryten das sies nicht solten gewar werden ee dann sie under sie kemen.
Sentence: 1095    
Sie ritten also biß sie so nahe kamen das sie yczo mit sporn wolten under sie schlagen.
Sentence: 1096    
Sie stunden ab und gurten ir roße baß und saßen wiedder off und wolten under sie ryten was sie mochten.
Sentence: 1097    
Der wiß ritter was allweg by yn off eim starcken roß, das was sere schnell; sin glene was sere starck und schneyt sere.
Sentence: 1098    
Er was kun und stolcz und gedacht das er sie alleyn wolt schumpffieren, ir waren doch wol anderthalb hundert.
Sentence: 1099    
Er reit under sie und schrey freischlich.
Sentence: 1100    
Sie wonden das sie verraten weren und wurden ser erschrocken, das nyrgent keyner under yn was der sich zu were stelt.
Sentence: 1101    
Er stach den ersten durch den buch und warffen dot ußer jheme sattel uff jhen erden, so das im die glene in dem lib bleib stecken.
Sentence: 1102    
Er raufft das schwert und schlug beidenthalben umb sich; dem er einen slag gab, der erbeit des andern nit.
Sentence: 1103    
Mit dem ruffen das er det da wart des koniges here alles erschrecket, und rieffen zu den wapen.
Sentence: 1104    
Da das jhene horten mit den der wiß ritter streit, sie machten sich zu fliehen und wurden enschumpfiert; und der ritter reit nach yn und gab yn große slege, er durchslug yn die schilt und die helm und entrant yn die halßberg und reit sie mit gewalt darnyder.
Sentence: 1105    
Er nam ettlichen mit dem halß und warff yn von dem roß off jhen erden.
Sentence: 1106    
Welchen er mit dem halß ergreif, der must von dem roß, oder das roß must under im darnyder ligen.


Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.