TITUS
Lancelot und Ginover I: Prosalancelot
Part No. 228
Previous part

Page: (40) 
Sentence: 1663    Myn herre Gawan kam des morgens fru und wolt den gewunten ritter besprochen han.
Sentence: 1664    Da er vernam das er hinweg was, da wart er sere unfro und reit wiedder dannen er komen was.
Sentence: 1665    Er fant den kónig und alle syn gesellen gewapent, und wapent er sich so er baldest mocht.
Sentence: 1666    Der kónig und syn ritter vergaderten sich an yne anderthalb.
Sentence: 1667    Das enwert nit lang, wann sich jhene nicht wern mochten wiedder den konig und syn krafft; er jagt sie biß in ir stat und jagt sie mit gewalt darinn.
Sentence: 1668    Der konig kert wiedder, und myn herre Gawan begegent im darwert rytende und hett syn schwert geraufft.
Sentence: 1669    »Gawan, lieber neve«, sprach der konig, »hant ir funden das ir suchtent?«
Sentence: 1670    »Neyn ich, herre«, sprach er.
Sentence: 1671    Underdes kompt ein ritter zu dem konig ryten wol gezieret und sprach das im der konig enbote von Uber den Marcken und der konig von den Hundert Rittern das sie das wol wusten das im nymant wiedderstan mocht.
Sentence: 1672    »Wann wolt ir, herre«, sprach er, »sie wollent von noch hut uber sieben wochen alhie wiedder uch thornyren, wollent ir alle die laßen wapen tragen die herr koment.«
Sentence: 1673    »Des enwil ich nicht thun«, sprach der konig.
Sentence: 1674    »Herre«, sprach myn herre Gawan, »myns herren gesinde wil den thorney zu einem lengren ziel, das sol sin des abendes an dem montag.«
Sentence: 1675    »Das ist uns lieb, herre«, sprach der ritter.
Sentence: 1676    Myn herre Gawan sante Lucanen den schencken zu den zweyn konigen ob sieß also wolten loben.
Sentence: 1677    Er fragt sieß, und sie sprachen, es were yn lieb.


Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.