TITUS
Lancelot und Ginover I: Prosalancelot
Part No. 229
Previous part

Page: (41) 
Sentence: 1678    Der konig Artus reyt zu lande und auch die koniginne.
Sentence: 1679    Das here schied sich, und wart der thorney also gerufft.
Sentence: 1680    Myn herre Gawan reit aber in syn suchung.
Sentence: 1681    Da er unferre gereit, da begegent im ein jungfrauw off eim mul und reit fast sere.
Sentence: 1682    Er grußt sie und fragt sie ob sie botschafft furte.
Sentence: [... 
] Sentence: 1683    »Ja ich, herre«, sprach sie, »fast jemerlichen«
Sentence: 1684    »und han mich also nicht gefordert als mir lieb were.
Sentence: 1685    Liebe jungfrauwe«, sprach er, »wißent ir keyn mere von dem ritter der mynen herren den konig Artus det inn laßen zu der Dolorosen Garden?«
Sentence: 1686    »Ich sage uch wol mere von im«, sprach sie, »wolt ir mir mere sagen der ich uch fragen wil.«
Sentence: 1687    »Nu fragent«, sprach er, »weiß ichs, ich sagens uch.«
Sentence: 1688    »Ich frag uch«, sprach sie, »ob der ritter dot sy mit dem roten schilt, der dißen thorney uberwant.«
Sentence: 1689    »Nein er nit«, sprach myn herre Gawan, »sin arczat saget mir, er genese wol.«
Sentence: 1690    Die jungfrauw wart so fro das sie inn unmacht kam und lag uff ir pferdes halß.
Sentence: 1691    Myn herre Gawan ergreiff sie mit beiden armen.
Sentence: 1692    Da sie wiedder zu irselber kam und sprechen mocht, er fragt sie warumb sie in unmacht gevallen were.
Sentence: 1693    »Herre«, sprach sie, »das dete ich von großen freuden.«
Sentence: 1694    »Bekennent ir yn, jungfrauw?« sprach er.
Sentence: 1695    »Ja ich, herre«, sprach sie.
Sentence: 1696    »Nuͦn sagent mir«, sprach er, »von dem ritter von dem ich uch fragete!«
Sentence: 1697    »Das ist derselbe herre«, sprach sie, »nu sagent mir uwern namen, herre!«
Sentence: 1698    »Jungfrauw«, sprach er, »ich heiß Gawan.«
Sentence: 1699    »Eya lieber herre«, sprach sie, »nu sint mir gott wilkumen!«
Sentence: 1700    »Wil ich mit uch farn, jungfrauwe?« sprach er.
Sentence: 1701    »Es ist mir sere lieb«, sprach sie.


Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.