TITUS
Lancelot und Ginover I: Prosalancelot
Part No. 243
Previous part

Page: (55) 
Sentence: 2236    Die hystory sagt uns das myn herre Gawan des nehsten tages wapen trug off dem thorney und det des tages sere vil mit dem wapen.
Sentence: 2237    Das buch bescheidet uns nit furter zu dißer stunt, wann das des konig Artus ritter den priß hetten von dem thorney.
Sentence: 2238    Der konig von Uber den Marcken verloß alles das er off das felt bracht und wart sere gewunt.
Sentence: 2239    Darumb bleib der thorney.
Sentence: 2240    Keheries, myns herren Gawans bruder, der het da den prise beidenthalb von dem thurney.
Sentence: 2241    Myn herre Gawan und syn gesellschafft ritten zu dem konig Artus und funden yn zu Cardoril.
Sentence: 2242    Da der konig myn hern Gawan sah, da was er syn ußermaßen fro, also was die koniginn und alle die in dem hofe waren.
Sentence: 2243    »Lieber nefe«, sprach der konig, »hant ir uwer suchen zu ende bracht?«
Sentence: 2244    »Ja ich, herre«, sprach er.
Sentence: 2245    »Wer was der ritter der uns zu der Dolorosen Garden det innlaßen?«
Sentence: 2246    »Das was Lancelot von dem Lack, herre«, sprach er, »des konig Bannes sun von Bonewig.
Sentence: 2247    Er uberwant den thurney da ir warent wiedder den konig von Uber den Marcken; da trug er rote wapen.
Sentence: 2248    Dißen thorney uberwant er auch dannen wir nuͦ komen; ich besprach ynselb alda.
Sentence: 2249    Wißent vorwar, herre«, sprach er, »das er ein der schonst ritter ist und der baß gemachtest an allen dingen der in der welt ist.«
Sentence: 2250    Diß erfuren ritter und frauwen und jungfrauwen; da vernam man allererst Lancelotes namen von dem Lack in konig Artus hofe und das er des konig Bannes sun was von Bonewig.
Sentence: 2251    Biß an die zytt wonden sie das des konig Bannes kint dott were.
Sentence: 2252    Alsus brachte myn herre Gawan Lancelotes namen zu hoff.
Sentence: 2253    - Nu sprechen wir ein wil von dem ritter des namen myn herre Gawan zu hofe bracht und yn det erkante.


Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.