TITUS
Author: Seuse 
Heinrich Seuse
Work: Wahrh. 
Das Buch der Wahrheit


On the basis of the edition
Heinrich Seuse,
Daz buͤchli der warheit,
Kritisch herausgegeben von Loris Sturlese und Rüdiger Blumrich,
Hamburg: Felix Meiner Verlag, 1993
entered by Harald Knaus
in cooperation with M. Becker, K. Hartmann, K. Kluckhohn, N. Ligniez, K. Schuster, K. Sponholz and P. Voigt,
Leipzig 1997;
TITUS version by Jost Gippert,
Frankfurt a/M, 28.2.1998 / 21.6.1998 / 6.10.1999 / 1.6.2000 / 2.3.2003


Die Satznumerierung ist fortlaufend.
Das Graphem hinter ^ erscheint in der gedruckten Ausgabe über dem Graphem, das vor ^ steht.




Chapter: I.    
Sentence: 1 
I. Von inrelicher gelazenheite und von guͦtem underscheide, der ze habenne ist in vernunftikeite


Sentence: 2    »Ecce enim veritatem dilexisti, incerta et occulta sapientie tue manifestasti michi.«

Sentence: 3    Es waz ein mensche in Christo, der hatte sich in sinen iungen tagen geuͤbet nach dem ussern menschen uf ellú dú stúke, da sich anvahendú menschen pflegent ze uͤbenne, und beleip aber der inr mensch ungeuͤbt in sin selbs \ nehsten gelazenheit, und bevand wol, daz im neiswaz gebrast, er enwiste aber nit waz.
Sentence: 4    Und do er daz langú zit und vil iaren getreib, do wart im eins males ein inker, in deme er wart getriben zuͦ im selben, und ward in im gesprochen also: Du solt wissen, daz inrlichú gelazenheit bringet den menschen zuͦ der nehsten warheit.
Sentence: 5    Nu waz im dis edel wort dennoch wild und unbekant, und hatte doch vil minne darzuͦ, und wart uf daz selbe und des glich gar vestiklich getriben - ob er vor sime tode iemer dar zuͦ me^ochte komen -, daz er daz selb bloz erkandi und ze grunde ervolgti.
Sentence: 6    Also kam er darzuͦ, daz er wart gewarnet und wart ime fúr geworfen, \ daz in dem schine des selben bildes verborgen legi valscher grunt ungeordenter friheit und bedecket legi grozer schade der heiligen kristenheit.
Sentence: 7    Und hier abe erschrak er und gewan etlich zit einen widerstoz des inren ruͦfes in im selben.
Sentence: 8    Und eins males do wart im ein kreftiger inschlag in sich selb und luhte im in von goͤtlicher warheit, daz er hier abe kein gedrang se^ote nemen.
Sentence: 9    Wan daz ist ie gesin und muͦz iemer wesen, daz sich daz be^ose birget hinder daz guͦte, und daz man dar-umb daz guͦte nút sol verwerfen von des be^osen wegen.
Sentence: 10    Und meinde, daz in der alten e, do got durch Moysen sinú waren zeichen tet, do wurfen die zo^vbrer irú valschen dar under.
Sentence: 11    Und do Christus der ware messias kam, do kament etlich andere und erze^ogten sich valschliche, daz sú der selb werin.
Sentence: 12    Und also ist es úberal in allen dingen, und darumbe ist daz guͦte nit mit dem be^osen ze verwerfenne, mer mit guͦtem underscheide ze uskiesenne, sam der ge^otlich mund tuͦt.
Sentence: 13    Und also meinde es, daz guͤtú vernúnftigú bilde nút werin ze verwerfenne, dú ir klaren vernúnftikeit underwúrfliche haltent nach meinunge der heiligen kristenheit, noch vernunftig sinne, die guͦt warheit inne tragent eins durnechtigen lebennes, werin nit ze schúhenne.
Sentence: 14    Wan sú entgrobent den menschen und ze^ogent im sinen adel und des ge^otlichen wesennes úbertreffenlicheit und aller andere dingen nihtikeit, daz den menschen von billich ob allen dingen reizet zuͦ rehter gelassenheit.
Sentence: 15    Und also kam er wider uf daz vorder getrifte, da er zuͦ vermant, waz einer warer gelassenheit.
Sentence: 16    Nu begerte er von der Ewigen Warheit, daz sú im guͦten underscheid gebi - als verre es muglich were - enzwúschent dien menschen, die da zilent uf \ ordenlicher einvaltikeit, und etlichen, die da zilent, als man seit, uf ungeordenter friheit, und in darinne bewisti, weles weri ein rechtú gelazenheit, mit der er kemi, da er hin se^olte.
Sentence: 17    Also wart im in liehtricher wise geantwúrt, daz dis alles \ se^olte geschehen nach der wise einer usgeleiten bischaft, als ob der Iunger fragti und dú Warheit antwúrti.
Sentence: 18    Und wart des ersten gewiset zuͦ dem kernen der heiligen schrift, us der dú Ewig Warheit redet, daz er da suͦchti und luͦgti, waz die aller gelertesten und geleptesten, dien got sin verborgenen wisheit hat uf getan, als da vor stat in latine, dur von hettin gesprochen, ald waz dú heilig kristenheit dur von hielti, daz er uf sicherre warheit blibi.
Sentence: 19    Und hier us luhte im in also:



Next part


This text is part of the TITUS edition of Heinrich Seuse, Buch der Wahrheit.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.