TITUS
Heinrich Seuse, Buch der Wahrheit
Part No. 2
Previous part

Chapter: II.    
II. Wie ein gelazener mensche beginnet und endet in einikeite.


Sentence: 20    Allen den menschen, die wider in gefuͤret son werden, den ist fúrderlich ze wissenne ir und aller dingen erstes begin, wan in deme selben ist och ire iungstes lenden.
Sentence: 21    Und hierumb sol man wissen, daz alle die, die von warheit ie gesprachen, die koment des úber ein, daz neiswaz ist, daz úber al daz erste ist und daz einveltigest und vor dem nút enist.
Sentence: 22    Nu hat dis grundelos wesen Dyonisius in siner blozheit angesehen und sprichet daz und o^vch ander lerer, daz daz einveltig, von dem geseit ist, mit allen namen blibet alzemale ungenemmet.
Sentence: 23    Wan als da stat an der kunst Loyca, der name se^olti ussprechen die nature und redelicheit des genemten dinges.
Sentence: 24    Nu ist daz kuntlich, daz des vorgenanten einveltigen wesennes natur endelos und ungemessen ist und unbegriffen aller kreatúrlicher vemúnftikeit.
Sentence: 25    Darumb so ist das kund allen wolgelerten phaffen, daz daz wiselos wesen o^vch namelos ist.
Sentence: 26    Und darumb sprichet Dyonisius \ in dem buͦche >Von den ge^otlichen namen<, daz got si »nit wesen« oder ein »niht«, und daz ist ze verstenne nach allem deme wesenne und ihte, daz wir ime mugen nach kreaturlicher wise zuͦ gelegen.
Sentence: 27    Wan »waz man ime des in se^olicher wise zuͦ leit, daz ist alles in etlicher wise valsch und ire le^oggenunge ist war«.
Sentence: 28    Und us dem so me^ohte man ime sprechen ein ewiges niht.

Sentence: 29    Aber doch so man von eime dinge reden sol, wie úbertreffenlich ald úbermerklich es ist, so muͦz man im etwaz namen schepfen.
Sentence: 30    Diser stiller ,einveltikeit wesen ist ir leben und ir \ leben ist ir wesen.
Sentence: 31    Es »ist ein lebendú wesendú istigú vernúnftikeit, daz sich selber verstat und ist und lebt selber in im selber und ist daz selb«.
Sentence: 32    Nu enkan ich es nit me fúrbaz her us bringen, und dis heis ich die ewigen ungeschaffen warheit.
Sentence: 33    Wan ellú ding da sint als in ir núwi und in ir ersti und in ire ewigen beginne.
Sentence: 34    Und hie beginnet und endet ein gelazener mensche in ordenlicher ingenomenheit, als hie nach wirt bewiset.



Next part


This text is part of the TITUS edition of Heinrich Seuse, Buch der Wahrheit.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.