TITUS
Heinrich Seuse, Buch der Wahrheit
Part No. 3
Previous part

Chapter: III.    
Sentence: 35 
III. Ob in der hoͤsten einikeit kein anderheit muge bestan.


Sentence: 36    Der Iunger fragte und sprach also: Mich nimt wunder, sid daz also ist, daz dis eine so gar einveltig ist, wannen denne kome dú manigvaltikeit, die man ime zuͦleit.
Sentence: 37    Eine kleidet in mit wisheit und sprichet im dú wisheit, eine mit guͤti, eine mit gerehtikeit und des glich.
Sentence: 38    So sagent die phaffen us dem glo^vben von der ge^otlichen drivaltikeit".
Sentence: 39    Warumbe lat man es nit beliben in siner einvaltikeit, die es selber ist?
Sentence: 40    Mich dunket \ alles, daz dis einig ein ze vil werkes habe und ze vil anderheite.
Sentence: 41    Ald wie mag es als gar ein blozes ein sin, da so vil menigheit ist?
Sentence: 42    Dú Warheit antwúrt und sprach: Disú mengheit ellú ist mit dem grunde und in dem bodme ein einveltigú einikeit.
Sentence: 43    Der Iunger sprach: Waz heissest du den grund und den ursprung, ald nit den grunt?
Sentence: 44    Entwúrt der Warheit: Ich heisse den grund den usqual und den ursprung, us dem die usflússe entspringent.
Sentence: 45    Der Iunger: Herr, waz ist daz?
Sentence: 46    Dú Warheit: Daz ist dú natur und daz wesen der gotheit.
Sentence: 47    Und in disem grundelosen abgrúnde siget dú driheit der personen in ire einikeit, und ellú mengi wirt da ir selbs entsetzet in etlicher wise.
Sentence: 48    Da ist o^vch nach diser wise ze nemenne nút fre^omdes werkes denne ein stillú inswebende dúnsterheit.
Sentence: 49    Der Iunger sprach: Ey lieber herre, sag mir, waz ist denne daz, daz den ersten usblik git disem selben ze werke, und aller meist zuͦ sinem eigenen werke, daz da ist geberen?
Sentence: 50    Dú Warheit sprach: Daz tuͦt sin vermugendú kraft.
Sentence: 51    Der Iunger: Herre, waz ist daz?
Sentence: 52    Dú Warheit: Daz ist ge^otlich natur in dem vatter.
Sentence: 53    Und da in dem selben o^vgeblicke ist es swanger berhaftikeit und werkes, wan al da hat sich in der nemunge únserre vernunft gotheit ze gotte geswungen.
Sentence: 54    Der Iunger: Lieber herre, ist dis nit eins?
Sentence: 55    Dú Warheit sprach: Ja, gotheit und got \ ist eins, und doch so »wúrket noch gebirt gotheit nit, aber got gebirt und wúrket«.
Sentence: 56    Und daz kumt allein von der anderheit, dú da ist in der bezeichnunge nach nemlicheit der vernunft.
Sentence: 57    Aber es ist eins in dem grunde.
Sentence: 58    | Wan in der ge^otlichen nature ist nit anders denne wesen und die widertragenden eigenschefte, und die legent úberal nihtes nit zuͦ dem wesenne, sú sint es alzemale, wie sú underscheit haben gegen dem sú sint, daz ist gegen ir gegenwurfe.
Sentence: 59    Wan ge^otlichú nature, nach dem selben grunde ze nemenne, ist nihtez nit einveltiger an ir selb denne der vatter, in der selben nature genomen, ald kein andrú persone.
Sentence: 60    Du bist allein in der inbildunge betrogen, dú daz an bliket nach der wise, als es in der kreature ist ingetragen.
Sentence: 61    Es ist an im selber einig und bloz.
Sentence: 62    Der Iunger sprach: Ich merk wol, daz ich bin komen uf die gruntruͤri der nehsten einveltikeit, fúr die nieman inbaz mag kommen, der warheit wil fuͤren.



Next part


This text is part of the TITUS edition of Heinrich Seuse, Buch der Wahrheit.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.