TITUS
Alexanderroman (Der Grosse Seelentrost)
Part No. 6
Previous part

Chapter: 0_6  
6. Rede an den Leser


Line: 8    Ik bidde alle de jenne, de dijt bok lesen ofte seen, oft se in anderen boken icht
Line: 9    anders vinden screuen, dat se dijt bock darumme nicht straffen, wente ik hebbe
Line: 10    des also geramet, suwar de rede to langk is vnde vordrotsam, dar wil ik wat
Line: 11    affbreken. Suwar se to kort is vnde vnverstandich, dar wil ik wat to setten.
Line: 12    Suwar wat vnnuttes is, dat wil ik ouerslan. Suwat so der warheyt nicht enliket,
Line: 13    dat wil ik vnderwegen laten vnde wille vt kesen alle dat nutte is, dat war ys,
Line: 14    dat suuerlijk is vnde dar to trostelijk is, likerwis also ein arcete vt kuset de
Line: 15    nuttesten worte to syner arcedie vnde de duue dat sconeste korn to erer spise
Line: 16    vnde ein juncfruwe de suuerlikesten blomen to ereme krance. Ik bidde alle de
Line: 17    jenne, de dijt bouck lesen, dat se ged vor my bidden, dat ik eres bedes mote
Line: 18    geneten, dat ik myt en mote komen, dar wij trost moten vinden ewichliken
Line: 19    an vnsen selen. Des helpe vns allen de vader vnde de sone vnde de hilge geyst.



Part: 1  
DAS ERSTE GEBOT


Page: 5  
Line: 1    Vader leue, ik bidde juw dor vnsen heren god, leret my, welk syn de teyn gebot
Line: 2    vnses heren. Kynt leue, de wil ik gerne leren dij, vppe dat du gode biddest
Line: 3    vor my. Dat erste bod is also: Non adorabis deos alienos. Mynsche, du enschalt
Line: 4    neyne afigode anbeden. Dijt schaltu mannigerhande wijs vornemen: To dem
Line: 5    ersten male also: Mynsche, du ne schalt neynerhande creature vor eynen god
Line: 6    anbeden alse de heyden don, de de sunnen anbeden edder den manen edder de
Line: 7    sternen edder den donre edder bome edder stene edder belde. Dat myssehaget
Line: 8    gode sere; dat heft he wol bewiset an deme yodeschen volke. Dar van wil ik
Line: 9    dij eyn cleyne seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.