TITUS
Alexanderroman (Der Grosse Seelentrost)
Part No. 23
Previous part

Chapter: 1_14  
14. Ein Reicher vor Lucifer


Line: 25    Dat was eyn ryke jungelingk, deme was grot gud angeuallen van synes vader
Line: 26    erue. De begaff sijk vnde wart eyn broder. Dar na, do he der guden spise
Line: 27    vormissede vnde des sachten legeres, do began eme dat to beruwene, dat he
Line: 28    synes groten gudes vortegen hadde, vnde hadde dat gud also leff, dat he des
Line: 29    gudes nicht vortigen wolde vnde wolde dor des gudes willen den orden vorwerpen.
Line: 30    Seyt, dar wart syn sele genomen van deme lichamme vnde wart
Line: 31    genoret to der helle. Dar sach he, dat dar bracht wart enes riken mannes sele vor
Line: 32    Lucifare myt groteme schalle, myt bungen vnde myt pypen, also he geleuet
Line: 33    hadde in der werlde. Do sprak Lucifer: 'Settet den heren vp eynen stol also he
Line: 34    gewonet is.' Do nemen se ene vnde satten ene vp eynen stol yserin, de was al
Line: 35    gloyendich. Do sprak Lucifer: 'Schencket deme heren vnde latet ene sere
Page: 24   Line: 1    drinken also he gewonet ys.' Dar nemen se sedende peck vnde goten eme in
Line: 2    den hals, dat yd eme ut alle synen leden vlot. Do sprak Lucifer: 'Nu halet eme
Line: 3    spellude, de ene blide maken also he bewonet is.' To hant quemen dar
Line: 4    gheghangende der basunen blesers twe mit vurigen asunen vnde blesen eme
Line: 5    to beyden oren in, dat eme de vlammen tho beyden oghen, to der nesen vnde to
Line: 6    deme munde vth vloghen. Do sprak Lucifer: 'Legget ene vp en sachte bedde
Line: 7    vnde bringhet eme ene schone vrowen.' Dar nemen se ene vnde worpen ene
Line: 8    in eyn gloyendich bedde, dat vol sedens pekes was vnde sweuels. Dar quemen
Line: 9    vurighe slanghen vnde slunghen eme vmme den hals, vnde grote poggen
Line: 10    kropen eme inden hals. Dar wart des iunghelinghes sele gebracht wedder to
Line: 11    deme lichamen, vnde he blef indeme orden vnde vorsmade alle dat gut, dat de
Line: 12    werlt hadde.

Line: 13    Kynt leue, lat dit dy ene lere wesen vnde en hebbe nicht alto grote leue to
Line: 14    desseme erdeschen gude, vnde sta na dem ewyghen ghude, dat got suluen is.
Line: 15    Dat vns allen dat werden mote, des help vns de vader vnde de sone vnde de
Line: 16    hilleghe gheyst. Amen.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.