TITUS
Alexanderroman (Der Grosse Seelentrost)
Part No. 39
Previous part

Chapter: 2_5  
5. Der Eid des Herodes


Line: 5    Konningk Herodes nam synem brodere syn wiff. Darumme straffede en Sunte
Line: 6    Johannes Baptista. Do leit he en leggen in den kerkenere. To eyner tijd hadde
Line: 7    he eyne grote blitschap. Do quam der fruwen dochter vnde spelede vor den
Line: 8    gesten. Do sprak de konningk to er: 'Bidde, wat du wult, dat wil ik dij geuen,
Line: 9    vnde bedestu my vmme myn koningkrike halff,' vnde swor, dat he er dat don
Line: 10    wolde. Do gink de dochter vnde vragede de moder, wat se bidden scholde.
Line: 11    Do sprak de moder: 'Du schalt bidden, dat men dij geue Sunte Johannes
Line: 12    Baptisten houet in eyme vate.' Dar genk se to Herodes vnde bat vmme Sunte
Line: 13    Johannes houet. Do en wolde he synen eyd nicht breken vnde leit eme dat
Line: 14    houet affslan. De eyd was bosliken sworen vnde basliken geleystet. Kint
Line: 15    leue, vor sogedanen eyden schaltu dijk bewaren.

Line: 16    Kynt leue, du en schalt neynen mynschen laten meyneyt sweren, offt du dat
Line: 17    bewaren machst. Ys dat also, dat sik eyn mynsche to den hilgen budet vnde
Line: 18    wil vnrecht sweren, lat eme den eyt dorch god, vppe dat god dij alle dynen
Line: 19    broke leite. Bistu so bose vnde so hart, dat du en lest vnrechte sweren, du deist
Line: 20    gode torne. Dar van wil ik dij eyn bilde seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.