TITUS
Alexanderroman (Der Grosse Seelentrost)
Part No. 43
Previous part

Chapter: 2_9  
9. Das Keuschheitsgelübde


Line: 31    Dat was eyn gud man, de hadde eyne bederue fruwen. De deden beyde eyne
Line: 32    louede, dat se ere kusheit wolden halden. Dar na geschach dat, dat de man de

Page: 42   Line: 1    louede brak tegen der bederuen fruwen willen. Do wart se vnduldich vnde
Line: 2    sprak: 'De duuel hebbe de vrucht, de my hijr getelet wert.' Do de tijd quarn,
Line: 3    do wart er eyn sone. Do he twelff jar alt wart, do quam de vient to der fruwen
Line: 4    vnde sprak: 'Gift my wedder myn kint, dat myn ys. Berede dijk dar to, ouer
Line: 5    dre jar, so wil ik dat hebben.' De fruwe de wart van herten sere bedrouet.
Line: 6    Wan se dat kint ansach, so beghan se to weynen. Dat begunde dat kint to
Line: 7    merkene vnde vragede se dicke, worumme dat dat were. Se en woldes eme
Line: 8    nicht seggen. De sone en leit nicht aff, he woldet yummer weten. Do segede se
Line: 9    em alle sake. He makede sijk vp vnde leip hen to dem pauwese vnde clagede
Line: 10    eme syne nod. De pauwes gaff eme synen breff vnde sande en to deme bisschuppe
Line: 11    to Iherusalem. De bisschup sande ene vort to eme hilgen eynsedelinge.
Line: 12    Do he den breff ansach, do sprak he: 'Dijt sint sware mere. Wij moten vnse
Line: 13    leuen fruwen Sunte Marien anropen, dat se dij to hulpe kome.' Do de dach
Line: 14    quam, alse he dat kint wolde hebben, do beredde sijk de hilge man vnde
Line: 15    sangk mysse vnde satte dat kint twisschen sijk vnde dat altar vnde bat vnse
Line: 16    leuen fruwen, dat se deme kinde to hulpe queme. Do dat stilnisse gedan wart
Line: 17    vnde to deme Pater noster gekomen was, do quam de vient vnde nam dat
Line: 18    kint vnde vordet enwech. Do quam vnse leue fruwe vnde namet ome wedder.
Line: 19    Do he sprak: 'Pax domini sit semper vobiscum,' do stunt dat kint bij eme vnde
Line: 20    sprak: 'Et cum spiritu tuo.' Do desse misse vte was, do vragede he, wo eme
Line: 21    geschen were. He segede, dat en de vient hedde geuoret to der helle. 'Do
Line: 22    quam vnse leue fruwe vnde nam my eme wedder.' Do sande he dat kint
Line: 23    wedder to syner moder. -- Kynt leue, dijt schal dij en lere sin, vnde su, wat du
Line: 24    louest.

Line: 25    Kynt leue, wultu dijt ander bot holden, so ne schaltu gode noch synen hilgen
Line: 26    nicht beschympen noch bespotten, wente myt den hilgen ys bose spotten.
Line: 27    Dar van wil ik dij eyn bilde seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.