TITUS
Alexanderroman (Der Grosse Seelentrost)
Part No. 161
Previous part

Chapter: 4_39  
39. Fünf Reimgebete


Line: 18    Kynt leue, ik wil dij leren viff bedeken: Dat erste schaltu spreken vnseme leuen
Line: 19    heren, dyneme hemelschen vader, dat ander vnser leuen fruwen, dyner hemelschen
Line: 20    moder, dat dridde dyneme engele, deme du beuolen bist, vnde alle den
Line: 21    hilgen engelen, dat verde dyneme apostele vnde allen apostelen vnde alle godes
Line: 22    hilgen, dat vifte allen kerstenen selen.


Line: 23    O benedide here Ihesu Crist, benediet sistu in dyner ewigen gotheit,
Line: 24    Benediet sistu in dyner vnbegripliken driuoldicheit:

Line: 25    Benediet sistu, here vader, vmme dyne alweldicheit,
Line: 26    Benediet sistu, here sone, vmme dyne gotliken wisheit,

Line: 27    Benediet sistu, here hilge geyst, vmme dyne milde barmherticheit,
Line: 28    Benediet sistu, otmodige god, vmme dyne hilgen mynscheit.

Line: 29    Benediet sij, leue here, din grote armode vnde dyn arbeit.
Line: 30    Benediet sij, leue here, dyn grote leue vnde din duldicheit.

Line: 31    Benediet sij, here, din hilge licham vnde dyn dure blot,
Line: 32    Benediet sij, leue here, din hilge cruce vnde dyn bittere dot.

Line: 33    Benediet sij, leue here, dyn dorne krone vnde dyn hilge sper,
Line: 34    Benediet sij, leue here, dyner benediden moder herteser.

Line: 35    Benediet sin, leue here, dyne hilgen negele vnde dyn gallen drank,
Page: 159   Line: 1    Benediet sistu, leue here, vmme dine vorrettenisse vnde vmme dynen anevangk.

Line: 2    Benediet sistu, leue here, vmme dyne bitteren geislunge,
Line: 3    Benediet sistu, leue here, vmme alle dyne smeliken bespottunge.

Line: 4    Benediet sin, leue here, de bende, dar du mede wordest gebunden,
Line: 5    Benediet sin, leue here, dyne hilgen viff wunden.

Line: 6    Benediet sij, leue here, din jungeste richte vnde dyn rechticheit,
Line: 7    Benediet sij, leue here, din ouerulodige barmherticheit.

Line: 8    O benedide leue here, richte my nicht na dyner rechticheit,
Line: 9    Sunder na dyner groten barmherticheit.

Line: 10    Irbarme dijk ouer my, benedide leue here, in myner lesten nod,
Line: 11    Vnde beware my, barmhertige leue here, vor den ewigen dot.

Line: 12    O benedide Maria, moder aller barmherticheyt,
Line: 13    Benedide tempel der hilgen driuoldicheit,

Line: 14    Du bist de benedide godes moder, de vore bewiset was
Line: 15    Van dem hilgen geiste dorch den propheten Isayas

Line: 16    An eyner wunnichliken bloyenden sommerloden,
Line: 17    De van der wortelen Hern Yesse ys vt gesproten.

Line: 18    Benediet sistu, bloyende rose der rechten duldicheit,
Line: 19    Benediet sistu, lylien blome der kuschliken rtynicheit.

Line: 20    Benediet sistu, eddele worte garde aller soticheit,
Line: 21    Benediet sistu, tordelduue der waren otmodicheit.

Line: 22    Benediet sij din vader, dyn moder vnde dyn hilge bort,
Line: 23    Benediet sin al dine werk, dyne danken vnde dyne wort.

Line: 24    Benediet sij din hilge sele vnde dyn hilge licham,
Line: 25    Benediet sij din eddele vrucht, de vns van dij to troste quam.

Line: 26    Benediet sij dyn hilge herte vnde dyne hilgen bruste,
Line: 27    Benediet sij din hilge munt, de en so dicke kuste.

Line: 28    Benediet syn dyne hilgen hende, de en handelden vnde boreden,
Line: 29    Benediet syn dyne hilgen oren, de sine benediden wort horden.

Line: 30    Bentdiet sin dine hilgen ogen, de en so vroliken hebben beschowet,
Line: 31    Benediet sij din hilge schoet, dar he so dicke heft ynne rowet.

Line: 32    O benedide Maria, help vns, dat wij en alle moten schouwen
Line: 33    Vnde dat wij ewichliken myt eme moten rouwen,

Line: 34    Vnde kome vns allen to troste in vnser lesten nod
Line: 35    Vnde beware vns, leue fruwe, vor den ewigen dot.

Line: 36    O hilge engel, de dar bist eyn hoder myn,
Line: 37    Vnde alle de hilgen engele, de myt gode sin,

Line: 38    Ik segge juw allen loff vnde ere,
Page: 160   Line: 1    Gelouet vnde bentdiet sint gij nu vnde yummer mere.

Line: 2    Benediet sint gij hilgen kore all negene,
Line: 3    Latet my armen sundigen mynschen nicht vnderweghene.

Line: 4    Benediet sint gij in dem ersten kore der hilgen engele,
Line: 5    Dar to in dem anderen kore der hilgen archangele.

Line: 6    Benediet sint gij in deme dridden kore, gij hilgen virtutes,
Line: 7    Darto in dem verden kore, gij hilgen potestates.

Line: 8    Benediet sint gij in dem viften kore, gij hilgen principatus,
Line: 9    Darto in deme sesten kore, gij hilgen dominaciones.

Line: 10    Benediet sint gij in deme seueden kore, gij hilgen throni,
Line: 11    Darto in deme achteden kore van chernbin all dar bij.

Line: 12    Benediet sint gij in dem negeden kore van seraphin,
Line: 13    Darto de hilge engel, dem ik beuolen byn.

Line: 14    Benediget sin gij hilgen engele alle,
Line: 15    Gij singen vor godes trone myt wunnichlikem schalle:

Line: 16    Sanctus, sanctus, sanctus dominus deus Sabaoth
Line: 17    Hillich, hillich, hillich sistu here, alweldige god!

Line: 18    O ghij benediden hilgen engele alle bewaret my
Line: 19    Vor sunden vnde vor al, dat my schedelyk sij,

Line: 20    Vnde komet my tho troste in myner lesten nod
Line: 21    Vnde bewaret my vor den ewigen dot.


Line: 22    O hilge Sunte Peter vnde Pauwel, hilgen apostele myn,
Line: 23    Vnde alle gij hilgen apostele, de myt gode sin,

Line: 24    Juw schal bilken benediden alle herte vnde alle munt,
Line: 25    Wente gij sint godes vt yrkorene frunt.

Line: 26    Gij sin predekere der rechten warheit,
Line: 27    Gij sint lerere der rechten wisheit,

Line: 28    Gij sint fursten der hilgen cristenheit,
Line: 29    Gij sint richtere der iungesten richticheit,

Line: 30    Gij sint leydesternen der ewigen salicheit,
Line: 31    Gij sind beschouwere der hilgen dreuoldicheit,

Line: 32    Gij sint spegele aller hillicheyt,
Line: 33    Gij sint bilde aller dogetsamicheit,

Line: 34    Gij sint slutere des ewigen hemelrikes,
Line: 35    Gij sint luchtere des dusteren ertrikes ,

Line: 36    O benediden apostele, ik segge yuw allen loff vnde ere,
Line: 37    Benediet sint gij alle nu vnde yummer mere.

Page: 161   Line: 1    Benediet sint gij hilgen patriarchen myt Sunte Johannes Baptisten,
Line: 2    Benediet sint gij hilgen propheten mit Sunte Johanes Ewangelisten.

Line: 3    Benediet sint gij hilgen kindere vnde al gij mertelere,
Line: 4    Benediget sind gij hilgen bichteghere vnde alle lerere.

Line: 5    Benediet sin gij hilgen juncfruwen reyne,
Line: 6    Benediet sind gij leuen hilgen algemeyne.

Line: 7    Komet mi alle to troste in myner lesten nod
Line: 8    Vnde bewaret my vor den ewigen dot.

Line: 9    O benedide god, eyn orsprungk aller salicheit,
Line: 10    Eyn born aller gnade vnde aller mildicheit,

Line: 11    Irbarme dijk ouer alle de leffhouede myn
Line: 12    Vnde ouer alle de sele, de in deme vegevure sin.

Line: 13    Metege ouer se dyne swaren hant vnde dyne rode,
Line: 14    Wente du se geloset heffst myt dyme duren blode.

Line: 15    Here hemelsche vader, dorch dyne gotliken alweldicheit
Line: 16    Roke se to bringen to der ewigen salicheit.

Line: 17    Here Ihesu Christe, godes sone, dorch dynen bitteren dot
Line: 18    Irbarme dijk ouer ere bitteren grote nod.

Line: 19    Here hillige gheyst dorch dyne groten ghude
Line: 20    Irbarme dijk ouer ere grote armode,

Line: 21    Wente se sijk suluen nicht en mogen to hulpe komen
Line: 22    Noch myt neynen dingen sijk suluen vromen;

Line: 23    Wente se nu komen sin to sulken achten,
Line: 24    Dat se ander lude gnade moten wachten.

Line: 25    Eyn yowelijk sele ropet: irbarmet yuw ouer my,
Line: 26    We nu myn trowe frunt sij!

Line: 27    O benedide god, du werest yu werlde de truweste frunt,
Line: 28    Du wordest dorch der sele willen in den dot gewunt.

Line: 29    Wes nu ir truwe frunt in so groter not
Line: 30    Vnde kum en to troste dorch dynen bitteren dot

Line: 31    Vnde beware vns allen dorch dynen hilgen namen
Line: 32    Vor der ewigen pyne in secula secolorum. Amen.

Line: 33    Kint leue, wan du geist ouer den kerkhoff, so schaltu yo denken der selen
Line: 34    vnde spreken dyn bedeken der selen vnde aller kerstenen selen.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.