TITUS
Alexanderroman (Der Grosse Seelentrost)
Part No. 160
Previous part

Chapter: 4_38  
38. Das Paternoster und andere Gebete


Line: 28    Vader leue, berichte my, des ik dij vrage: Na dem male, dat god dat Parer
Line: 29    noster heft geleret, wat scholen de anderen bedeken? Ys des dar nicht genoch an,
Line: 30    dat eyn mynsche dat Pater noster sprekt? Kint leue, darup wil ik dij antworden:
Line: 31    Wan du kumst to deme dissche, hefstu win vnde brot, du en steruest nicht
Line: 32    hunger. Dij en nugede dar nicht an, du wult hebben vissche. Wan dij des
Page: 158   Line: 1    vordruth, so wultu hebben braden. Wan dij des vordrut, so wultu hebben
Line: 2    honre, so wultu hebben galreyden, so wultu hebben molken spise. Jo de spise
Line: 3    betere ys, yo dij leuer ys. Groten vlit lechstu an de spise dynes lichammes.
Line: 4    Noch grotteren flit schaltu leggen an de spise dyner sele. De spise, dede sele
Line: 5    lauet, dat ys dat innige beth. Dat schal sin mannigerhande also din degelikes
Line: 6    spise. Wan men de spise maket heft wol na dyme smake, wu du se aller
Line: 7    best bedenken machst, so en noget dij dar nicht an, dat men dij den munt
Line: 8    vullet vnde den buk. Men schal dij ok de ogen vullen myt gheler varwe.
Line: 9    Men schal de spise wol ghele maken myt safferane. Kint leue, also schaltu ock
Line: 10    don in dyme gebede. Du schalt spreken dat Pater noster. Dar ne schaltu dijk
Line: 11    nicht an laten genogen. Du schalt ok spreken andere gude bedeken; so dat
Line: 12    Aue Maria, so den Creden, so de seuen salmen vnde de Letanien, so den salter
Line: 13    vnde dat bok van der bort vnses heren, so van der martere, so van deme hilgen
Line: 14    cruce, so van den hilgen viff wunden, so van alle den stucken, de vnse leue
Line: 15    here dorch dynen willen heft ghedan vnde geleden, so van vnser leuen fruwen
Line: 16    vnde van dyneme hilgen engele, so van dyneme apostele, so vor alle de yenne,
Line: 17    der du genoten heffst, so vor alle kerstene sele.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.