TITUS
Alexanderroman (Der Grosse Seelentrost)
Part No. 163
Previous part

Chapter: 5_1  
1. Kain


Line: 10    Do Adam vte deme paradise wart geworpen, dar na ouer vefteyn yar wart
Line: 11    Kayn geboren. Vor Kayne hadde he vele kindere, der namen nicht bescreuen
Line: 12    sind. Do Kayn vefteyn yar olt was, do wart Abd geboren. Do Abd to synen
Line: 13    jaren quam, do wart he eyn herde, also dat sin neringhe lach an schapen.
Line: 14    Kayn de was eyn ackerman. Dat geschach to eyner tijd, dat se beide scholden
Line: 15    offeren vnsem heren gode malk eyn offer. Do offerde Kayn eyne snode gharue,
Line: 16    de totreden was bij deme weghe. Abel offerde dat beste lam, dat he hadde
Line: 17    mangk alle synen schapen. Dar quam dat vur van deme hemelrike vppe Abels
Line: 18    offer vnde nicht vppe Kayns. Dar bij bewisede god, dat eme Abels offer anneme
Line: 19    was vnde nicht Kayns. Darumme beghan Kayn synen broder to hatene. Eynes
Line: 20    dages sprak Kayn tho Abele: 'Gha wij hen vppe den acker.' Do se quemen
Line: 21    vppe den acker, do mordede Kayn synen broder Abel. Do quam vnse here
Line: 22    god to Kayn vnde sprak: 'War ys din broder Abel?' Kayn antworde vnde sprak:
Line: 23    'Here, des en wet ik nicht. Byn ik syn hoder, dat ik en bewaren schal?' Do
Line: 24    sprak vnse here: 'Su, de stemme des blodes dynes broder ropet to my van dem
Line: 25    ertrike. Darumme schaltu vorvloket sin vppe dusser erden. Wan du dat ertrike
Line: 26    arbeydest, dat neschal dij neyne frucht bringen. Du schalt werden eyn bister
Line: 27    mynsche vnde voruloket vppe desseme ertrike.' Also wart Kayn voruloket
Line: 28    vmme den mord, den he hadde beghan. Dar na ouer lange tijde do was eyn
Line: 29    man, de hette Larnech, de plach vele to yagen dat wilt in deme wolde. Do
Page: 164   Line: 1    Lamech was blint worden van oldere, nochtan so wolde he yo yaghen vnde
Line: 2    hadde eynen knecht, de en ledde. Eynes dages quam he in eynen dicken busch
Line: 3    vnde sochte eyn wilt, dat he scheten mochte. Do was Kayn in deme busche.
Line: 4    do mende Lamech, dat it eyn wilt deyr were vnde toch synen bogen vnde
Line: 5    schot Kayn dorch sin herte. Also nam Kayn synen ende. -- Kint leue, dijt schal
Line: 6    dij eyn lere wesen. Du neschalt neynen mynschen morden myt dyner hant.
Line: 7    Kynt leue, du neschalt nicht laten morden, also konningk Pharo dede; dat nam
Line: 8    eme eynen bosen ende. Dar van wil ik dij war seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.