TITUS
Alexanderroman (Der Grosse Seelentrost)
Part No. 171
Previous part

Chapter: 5_9  
9. Der Bischofsmörder


Page: 177  
Line: 1    Dat was in eyneme stichte eyn weldich pape, deme duchte des, ofte de bisschop
Line: 2    dod were, dat nement der herschop also na were alse he. Do dachte he eynen
Line: 3    rad, wo he den bisschop mochte van den dagen bringen. Do plach de bisschop
Line: 4    des nachtes vro vp to stane vnde gengk to der mettene. Do legede yenne pape
Line: 5    eynen steyn vppe de dore, dar de bisschop plach vt to ghaende. Do de bisschopp
Line: 6    to der mettene scholde ghan vnde de dore vp dede, do vel eme de sten vp
Line: 7    syn houet, dat he dod bleff. Do genot de pape syner frunt vnde syner gifte,
Line: 8    dat he wart koren to bisschoppe. Do he gekoren was, do makede he ene grote
Line: 9    blitschap. Do was dar eyn rydder, de brachte eme to eten vp synen knen alse
Line: 10    eyme heren. De rydder vel nedder vor der taflen vnde was dod. De sele wart
Line: 11    geuoret vor dat richte godes. Dar sach he, dat vnse leue fruwe quam myt
Line: 12    eyner groten schar vnde brachte den bisschop ledene, de dar gemordet was, vnde
Line: 13    he droch syn bregen in syner hant, dat eme de sten vte syneme houede geuallen
Line: 14    hadde. Do sprak vnse leue fruwe: 'Sone leue, ik clage dij ouer den mordere,
Line: 15    de mynen knecht gemordet heit. De sit nu in eyner groten blitschap vnde ys
Line: 16    sere blide darumme, dat he besitten schal dat bisschopdom.' Do sprak vnse
Line: 17    leue here: 'He schal hir komen vor gerichte; wene moge wij na eme senden?'
Line: 18    Do sprak vnse leue fruwe: 'Hijr ys eyn rydder, de denet eme to syner tafflen.'
Line: 19    Do sprak vnse leue here to deme ryddere: 'Gha hen to dyneme heren vnde s
Line: 20    egge eme, dat he snelliken kome vor gerichte.' Do quam des rydders sele
Line: 21    wedder to deme lichamme vnde stunt vp vnde wenede bitterliken sere vnde
Line: 22    segede vor al deme volke, wat he geseen hadde, vnde sprak to deme bisschuppe:
Line: 23    'Here, de hogeste richter en but yuw, dat gij snelliken komen schullen vor
Line: 24    dat gerichte.' To hant vd de bisschop nedder vnde was dod. Also nam de morder
Line: 25    synen ende.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.