TITUS
Alexanderroman (Der Grosse Seelentrost)
Part No. 173
Previous part

Chapter: 5_11  
11. Kaiser Nerva und der Zauberer


Line: 3    To Rome was eyn keyser, de hette Nerua. To deme quam eyn touere
Line: 4    vnde vormat sijk groter kunst. De keyser vragede, wat he kunde. He sprak, dat he
Line: 5    maken wolde eyn pert van eyre, dat wolde he lopene bringen. Do sprak de
Line: 6    keyser: 'Dat wolde ik gerne seen.' He ghot eyn pert van eyre, dat was
Line: 7    grot vnde was bynnen hol vnde hadde in der siden eyn vinster, dar wol eyn
Line: 8    mynsche in krupen mochte. Dar was eyn dore vore van ere. Do stack de mester
Line: 9    syne touerie in dat pert vnde sprak to deme keysere: 'Dijt pert ys al reyde. Nu
Line: 10    schal hir eyn mynsche in krupen, so schal men vur steken deme perde in den
Line: 11    munt, vnde de mynsche schal dar ynne vorbernen. De wile, dat dat vur bernt,
Line: 12    so schal dat pert lopen vnde springen.' Do sprak de keyser: 'Mach dat pert
Line: 13    anders nicht lopen, dat en scholde yo eynes mynschen lijff kosten,' De meyster
Line: 14    sprak: 'Dar mot yo eyn mynsche inne vorbernen.' Do sprak de keyser: 'Meyster,
Line: 15    gij hebben dat pert gemaket. Hir en ys neymant, de des perdes sede so wol
Line: 16    wette alse gij. Gij moten suluen in dat pert.' Dar leit he en nemen vnde leit
Line: 17    en suluen stecken in dat pert vnde leit vur to eme in stecken. De mester beghan
Line: 18    to bernende, vnde dat pert beghan to springene vnde to lopene vnde leip also
Line: 19    lange, wente de meyster al vorbrande. Do stunt dat pert. Also vorlos de mester
Line: 20    sijn lyff, de andere lude wolde lijfflos maken.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.