TITUS
Alexanderroman (Der Grosse Seelentrost)
Part No. 174
Previous part

Chapter: 5_12  
12. Königin Rosamunda


Line: 21    Dat was eyn konningynne, de hette Rosamunda. De hadde eren heren Albinus
Line: 22    gerne dot gehat. Do hadde se eyne maget, to der plach eyn rydder to ghane.
Line: 23    Dijt wart er to wetene vnde legede sijk vp der maget bedde eynes nachtes.
Line: 24    De rydder quam vnde sleip bij er. Do sprak se to deme ryddere: 'Westu
Line: 25    icht, we ik byn? Ik byn de konningkynne Rosamunda. Du heuest eyn dingk
Line: 26    gedan, dat mot dyn leuent kosten, wert yd deme koninge to wetene. Do eyn
Line: 27    dingk, dat ik dij hete: Sla den konningk dot. Deistu des nicht, ik willet also
Line: 28    vogen, dat mot dyn leuent kosten.' Do sprak de ridder: 'Ik en mach des suluen
Line: 29    nicht don, ik wil dar eynen anderen man to schicken, de en slan schal.' Enes
Line: 30    nachtes, do de konningk vp synem bedde lach, do nam he sin swert vnde
Line: 31    bandet also vaste, dat yd nement vt theen mochte. Do quam yenne wapent
Line: 32    ghane in de kemenaden vnde wolde den konningk morden. De konningk
Line: 33    quam vp vnde satte sijk to der were vnde grep to syneme swerde. Do en kunde
Line: 34    he des nicht vt theen. Do grep he eynen schemel vnde werde sijk langhe. To
Line: 35    lesten warthe doch geslagen. Do nam Rosamunda, wat se nemen mochte,
Page: 179   Line: 1    vnde toch myt deme manne vte deme lande vnde quam to eyner stad, de hette
Line: 2    Rauenna. Dar wouelen se beyde. Dar sach se eynen jungelingk, de behagede
Line: 3    er bat wan de man vnde dachte, wo se en van den dagen mochte bringen,
Line: 4    vnde makede eynen drank van vorgiftnisse vnde ghauen eme drinken. Do
Line: 5    he gedrunken hadde vnde volede de vorgiftnisse, do toch he sin swert vnde
Line: 6    dwangk se darto, dat se ock drinken moste. Do drank se ock. Also storuen se
Line: 7    beide van deme dranke. Also nam er mort eynen bosen ende.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.