TITUS
Alexanderroman (Der Grosse Seelentrost)
Part No. 175
Previous part

Chapter: 5_13  
13. Nero


Line: 8    Konningk Nero beghengk ock vele mordes. Dat nam eme eynen bosen ende.
Line: 9    He leit Sunte Peter an eyn cruce hengen vnde Sunte Pawel dat houet affslan
Line: 10    vnde leit vele anderer hilgen marteren. He hadde eynen mester, de hette
Line: 11    Seneca. De hadde syn mester gewesen in syner kintheit. He wachtede yo,
Line: 12    wente he eme lonen scholde synes arbeides vnde scholde eme gud vorlenen.
Line: 13    To deme sprak Nero: 'Du heuest myn mester gewesen vnde heuest my lange
Line: 14    gedenet; nu wil ik dij lonen. Nu kus welken bom du wult, dar schaltu an
Line: 15    hangen. Dat schal dyn lon syn.' Do vragede Seneca, wormede he des vordenet
Line: 16    hedde. Do leyt he to ghan eynen man myt eynem baren swerde vnde sprak
Line: 17    to eme: 'Scudde dat swert vaste bouen syneme houede, vnde wan ik dij hete
Line: 18    hauwen, so hou.' Do yenne dat bare swert vaste bouen syneme houede schudde,
Line: 19    so weck he yo vore myt deme houede. Do sprak Nero: 'Worumme wikestu
Line: 20    vor deme swerde myt deme honede?' Do sprak Seneca: 'Ik byn eyn mynsche,
Line: 21    darumme vruchte ik den dod, wan ik dat bare swert bouen my se.'Do sprak
Line: 22    Nero: 'Also vruchte ik dij, wan ik dij an se, alse ik do dede, do ik eyn kint
Line: 23    was. Darumme so mach ik neyne rasste hebben de wile dat ik dij leuendich
Line: 24    weyt.' Do sprak Seneca: 'Schal ik dan yo steruen, so lat my keysen eynen dod,
Line: 25    den ik wil.' Do sprak Nero: 'So kus snelliken.' Do leit Seneca eyn water bat
Line: 26    maken, dar gengk he in sitten vnde leit de aderen slan an beyden armen vnde
Line: 27    blodde also lange, wente he starff. Dar na scholde Nero ryden dor de stad.
Line: 28    Do horde he in eyneme huß eyne fruwen scrigen. Do leit he vragen, wat ere
Line: 29    were. Do ware eme geseget, dat se scholde eynes kindes genesen. Do he to
Line: 30    huß quam, do bot he, dat men syne moder scholde nemen vnde scholde er
Line: 31    dat lijff vp sniden. He wolde seen, wur he gelegen hedde. Dar na leit he vele
Line: 32    mestere halen vnde en bot en, dat se en scholden maken, dat he eyn kint droge,
Line: 33    edder se scholden altomale steruen. Do gengen se tho rade vnde geuen eme
Line: 34    eynen drank, dat eme eyn grot worm in deme liue wos, vnde de buk beghan
Line: 35    eme vp to stigene. To lest beghan eme dat lijff we to done. Do sprak he to den
Line: 36    mesteren: 'Helpet my nu, dat ik dijt kint to der werlde bringe.' Do geuen se
Page: 180   Line: 1    eme eynen drank, dat he den worm vorleit. Do Nero den worm sach, de was
Line: 2    greseliken gestalt. Do vragede he, wurumme syn kint so greseliken gestalt
Line: 3    were, vor dat andere kindere weren. Do spreken se, dat were darumme, dat
Line: 4    he dat kint nicht vul dregen hedde. Do leit he sin kint besluten vnde leit dat
Line: 5    vaden myt melk. Dar na leit he de stad to Rome to allen enden vntfengen
Line: 6    vnde leit se bernen seuen daghe vnde seuen nacht vnde leit ryddere vnde knapen
Line: 7    in dat vur werpen vnde leit se sijk vnder eyn ander hauwen vnde morden,
Line: 8    vnde he stunt vp eyneme hogen torne vnde sangk vnde sach to. Dar was eme
Line: 9    wol mede. To lesten worden de Romere tornich vnde ne wolden syne bosheit
Line: 10    nicht lenger lyden vnde nemen ene myt gewalt vnde worpen ene vte der stad.
Line: 11    Do he dat sach, dat he nicht vntkomen kouele, do nam he eynen staken vnde
Line: 12    scherpede ene myt synen tenen vnde sattene vor den buk vnde vel dar in vnde
Line: 13    palede sijk suluen. Also nam he synen dot, de mannigen mynschen hadde laten
Line: 14    doden. Also genget ock Pylatuse, de vnsen leuen heren to vnrechte vorordelde
Line: 15    to deme dode. Van syneme leuende wil ik dij wot seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.