TITUS
Alexanderroman (Der Grosse Seelentrost)
Part No. 176
Previous part

Chapter: 5_14  
14. Pilatus


Line: 16    Dat was eyn konningk, de hette Atus. De reyt to eyner tijd vnde yagede vnde
Line: 17    quam vere in den wolt, dat he nicht ne kunde bij dage to huß komen. Do vant
Line: 18    he dar eyne molen, dar bleff he de nacht. De molnere hadde eyne dochter, de
Line: 19    hette Pyla, bij der slep he de nacht, vnde se wart myt eyner bort. Dar na, do
Line: 20    dat kint to der werlde quam, do gaff se eme eynen namen na sijk suluen vnde
Line: 21    na deme vadere vnde hetene Pilatus. Do Pylatus dryer yar olt was, do brachte
Line: 22    en de moder to des konninges houe. Do hadde de konningk enen echten sone,
Line: 23    de was wol also alt alse Pylatus. De kindere twe wossen beyde to samne vp,
Line: 24    wente se to eren yaren quemen. Do spelden se so lange to samne, wente
Line: 25    Pylatus synen broder mordede. Do wart de konningk sere bedrouet vnde
Line: 26    nam rad, wat he Pylatus don scholde. Do spreken syne radgeuen, dat he sin
Line: 27    lijff hedde vorlorn vnde vorboret. Do nam de konningk Pylatuse vnde sande
Line: 28    ene to Rome vnde satte ene to ghisele vor den tyns, den he den Romeren
Line: 29    schuldich was. Do was dar to Rome ock des konninges sone van Vrankrijke
Line: 30    to ghisele gesat. Do wart Pylatus syn kumpan. Myt em beghan he to kinene
Line: 31    vnde mordede den ock. Do weren de Romere bedrouet vnde en wisten nicht,
Line: 32    wat se myt Pylatuse don scholden, vnde en dorsten en nicht doden vor dem
Line: 33    vadere. Do was dar eyn lant ouer mer, dat hette Pontus, dar weren bose lude
Line: 34    ynne, de plegen al ere vogede to morden. Dar satten se Pylatuse to vogede.
Page: 181   Line: 1    Do he dar quam, do was he so swinde, dat he se altomale to sijk toch myt
Line: 2    ghifte vnde myt schonen worden. Van deme lande Pontus so krech he den
Line: 3    namen, dat he hette Pontius Pylatus. Do vornam Herodes, dat Pylatus dat
Line: 4    lant bedwungen hadde. Do sande he eme boden vnde ladede ene to sijk vnde
Line: 5    sattene to vogede to Iherusalem ouer dat lant der yoden. Do sammede Pylatus
Line: 6    grot gut vnde toch to deme keysere van Rome vnde gaff deme keysere
Line: 7    dat gud, vppe dat he eme vorlenede to rechteme lene alle dat lant, dat eme
Line: 8    konningk Herodes beuolen hadde. Dar van worden se viende, Herodes vnde
Line: 9    Pylatus, also lange wente to der martere vnses leuen heren. Do sande Pylatus
Line: 10    vnsen leuen heren to Herodes. Dar van worden se wedder frunt. Darna, do
Line: 11    Pylatus vnsen leuen heren hadde myt vnrechte vorordelet to deme dode, do
Line: 12    hadde he angest, ofte dat queme vor den keyser van Rome, dat he vp en
Line: 13    tornich worde, vnde sande eynen boden to deme keysere, de ene vntschuldigen
Line: 14    scholde. Vnder des wart keyser Tiberius sek, also dat eme neyn arste helpen
Line: 15    mochte. Do wart eme geseget, dat to Iherusalem were eyn prophete, de hette
Line: 16    Jhesus, de makede alle seken gesunt myt eyneme worde, vnde en wiste des
Line: 17    nicht, dat he alrede ghemarteret was. Do sprak de keyser to syneme ryddere
Line: 18    Volucianus: 'Var hen to Jherusalem vnde segge Pylatus, dat he my sende den
Line: 19    propheten Jhesus, de my gesunt make.' Do he to Pylatus quam vnde eme desse
Line: 20    rede segede, do wart he sere vorueret vnde bat, dat he eme geue dach veirteyn
Line: 21    nacht, he wolde darumme seen. Vnder des quam Volucianus to eyner
Line: 22    fruwen huß, de hette Veronica, de was vnseme heren sere hemelijk. Do vragede
Line: 23    he de fruwen, wur he soken scholde den hogen arsten, de Jhesus hette. Do
Line: 24    sprak de fruwe: 'Och leider, dat was myn leue here Jhesus vnde myn god,
Line: 25    den heft Pylatus vnde de yoden gedodet. Do myn leue here Jhesus dat lant
Line: 26    vmme wanderde vnde predekede, dat ik en to allen tijden nicht seen mochte,
Line: 27    do wolde ik hebben laten gemaket eyn bilde na em an enen dock. Do ik to
Line: 28    dem meler ghan wolde, do entmotte my myn leue here vnde nam den dock
Line: 29    vnde druchtene an syn antlat. Dar wart eyn bilde an deme dake, dat was
Line: 30    gestalt also myn leue here. Dat bilde hebbe ik. Wil dyn here, de keyser, dar
Line: 31    an gelouen, he wert gesunt van al syner suke.' Do vor de vruwe myt dem
Line: 32    boden to deme keysere vnde vorde dat antlat myt sijk. Do quam de bode to
Line: 33    deme keysere vnde sprak: 'Here, de hoge arste Jhesus de ys dot. Den leit
Line: 34    Pylatus an eyn cruce hengen. Nu is hijr komen eyn fruwe myt my, de heft
Line: 35    syn bilde bracht. Wultu dar an gelouen, du schalt gesunt werden van al dyner
Line: 36    suke.' Do leit de keyser den wech myt syden wande bespreden vnde leit sijk
Line: 37    dat antlat bringen vnde bedede dat an myt groter innicheit vnde wart gesunt
Line: 38    van aller suke. To hant leit he Pylatus halen. Pylatus nam den rock vnses
Line: 39    leuen heren vnde toch den an. Dar mede quam he vor den keyser. De keyser
Page: 182   Line: 1    hadde vor des synen dot gesworen; de stunt vp vnde entfengk ene leiffliken.
Line: 2    Des wunderde alle den, de dar weren. Do nam he orloff vnde gengk van derne
Line: 3    keysere. To hant began de keyser to dauen van torne vnde hedde Pylatus
Line: 4    gerne myt den tennen tobeten vnde leit en wedda halen. Do he wedder
Line: 5    quam, do vorgingk em all syn torn vnde vntfengk ene echter leiffliken. Do
Line: 6    wunderde den luden sere, wo dat mochte wesen. To lest wart yd en to wetene,
Line: 7    dat he vnses leuen heren rock ane hedde. Den togen se eme vt. Do leit on de
Line: 8    keyser leggen in den torn vnde gengk to rade, welkes dodes he steruen scholde.
Line: 9    Dat vornam Pylatus vnde toch sin mest vnde mordede sijk suluen. Do bant
Line: 10    men eme eynen molen steyn to deme halse vnde warp ene in de Tibere. Dar
Line: 11    dreuen de ouelen geiste so grot vnstur, dat se en wedder vt wunnen vnde
Line: 12    worpen en in eyn water, dat heit Rodanus. Dar dreuen se echter so grot
Line: 13    vnstur, dat se en wedder vt thogen vnde vorden ene in de wostenie in dat
Line: 14    gebergete. Dar worpen se ene in eynen depen putte. Dar dreuen de ouelen
Line: 15    geiste noch mer vnstures. Also nam Pylatus synen ende, darumme dat he
Line: 16    vnsen leuen heren hadde tho vnrechte vorordelet. Vnde de yoden, de dar
Line: 17    vulbort to geuen, de worden ock vordelget. Dar van wil ik dij eyn bilde
Line: 18    seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.