TITUS
Alexanderroman (Der Grosse Seelentrost)
Part No. 178
Previous part

Chapter: 5_16a  
16a. Herodes Ascalonita


Line: 31    Konningk Herodes Ascalonite de hadde seuen sone. Erer twe kyueden myt dem
Line: 32    vadere vnde togen to Rome vnde clageden ouer den vader. Vnder des wart
Line: 33    vnse leue here geboren, vnde de hilgen dre konninge weren vp eynem berge in
Line: 34    Osterlande. Do segen se eyne nyge sterne, de was grot, vnde in der sterne segen
Line: 35    se eyn kint, vppe syneme houede segen se eyn gulden cruce, dat schen schone,
Line: 36    vnde horden eyne stemme, de sprak also: 'Ghat snelliken to deme yodeschen
Page: 186   Line: 1    lande. Dar vinde gij eynen nigen konningk geboren vnde brenget eme yuwe
Line: 2    offer.' Do togen se hen vnde quemen to Jherusalem vnde vrageden, wor de
Line: 3    nyge konningk were, de nu geboren were. Do Herodes dat horde, do wart he
Line: 4    sere bedrouet vnde hadde angest, dat en de nyge konningk mochte vordrynen
Line: 5    van syneme rijke, vnde sprak to yennen konningen: 'Ghat hen vnde vraget
Line: 6    vlitliken na deme konninghe. Wan gij ene vinden, so vntbedet my, so wil ik
Line: 7    komen vnde wil en ok anbeden.' Des en menede he nicht, wente he wolde
Line: 8    en gemordet hebben. Do de dre konninge vnsen heren gefunden hadden, do
Line: 9    quam de engel vnde vorbot en, dat se nicht wedder komen scholden to Herodes.
Line: 10    Do togen se eynen anderen wech wedder to huß. Do konningk Herodes dat
Line: 11    vornam, do begrep he dat in syneme herten, dat he alle de kindere wolde
Line: 12    laten doden, de in deme lande weren, vppe dat he vnsen leuen heren mede
Line: 13    dodede. Vnder des quam eme eyn bode van Rome vnde segede eme, dat he
Line: 14    scholde komen to Rome, syne sone hedden ouer en geclaget. Do vor he tho
Line: 15    Rome vnde was twe yar vte. Vnder des quam de engel to Josephe vnde sprak:
Line: 16    'Sta vp vnde nem dat kint vnde syne moder vnde vlu in dat lant to Egipten,
Line: 17    wente Herodes wil dat kint laten soken vnde wil yd morden.' Do stunt Joseph
Line: 18    vp vnde nam dat kint vnde de moder vnde quam in dat lant to Egipten vnde
Line: 19    was dar seuen jar. Do Herodes wedder van Rome quam, do leit he doden all
Line: 20    de kindere, de twiger jar olt weren vnde dar beneden. Darna wart Herodese
Line: 21    geseget, dat syne kindere ene doden wolden. Do leit he erer twe morden. Do
Line: 22    dat de keyser vornam, do sprak he: 'Ik wolde leuer wesen Herodes swin dan
Line: 23    sin kint.' Dar na beghan Herodes sere to suken, vnde sin licham wart vol
Line: 24    worme vnde stanck so vule, dat en neymant handelen machte. Do makeden
Line: 25    eme de arsten eyn bat in olye. Do se ene vt nemen, do lach he, alse he dot were.
Line: 26    Do quam de mere in de stat, dat Herodes dot were. Do vrauwede sijk al de
Line: 27    stad. Do he wedder to sijk suluen quam vnde dat vornam, do leit he van alle
Line: 28    de borgheres kindere vnde leit se leggen in den torn vnde beuol syner suster
Line: 29    Salome, wan he dot were, so scholde se al de kindere laten doden. So moste
Line: 30    al de stad bewenen synen dod ane eren danck. Do hadde Herodes syner sone,
Line: 31    eyn in den torn gheleget. To eyner tijd scholde Herodes enen appel schellen
Line: 32    vnde hadde dat mest in der hant. Vnder des quam eme eyn hoste, vnde he
Line: 33    sloch sijk myt dem meste vor dat herte. Do stunden dar knapen, de segen dat
Line: 34    vnde menden, dat he sijk suluen hodde dore slagen. Do vloch de mere vt, dat
Page: 187   Line: 1    Herodes hedde sijk suluen ghemordet. Do beghan sijk de sone to vrauwen in
Line: 2    deme thorne. Do dat Herodes vornam, do sande he syne knapen vnde leit den
Line: 3    sone morden. Dar na ouer viff dage starff Herodes, vnde syn suster leit aller
Line: 4    borgher kindere loß. Also nam de erste konningk Herodes synen ende, de
Line: 5    hette Ascalonita.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.