TITUS
Alexanderroman (Der Grosse Seelentrost): Part No. 195

Chapter: DAS_SECHSTE_GEBOT 

DAS SECHSTE GEBOT


Page: 196 
Line: 1 
    Vader leue, ik bidde juw dorch den milden god, leret my, welk ys dat seste
Line: 2 
    bod. Kint leue, dat wil ik gerne leren dij, vppe dat du gode biddest vor mi
Line: 3 
    Dat seste bot spreket also: Mynsche, du en schalt nicht vnkusch wesen. Kint
Line: 4 
    leue, dat schaltu also vornemen: Du neschalt nycht vnkusch wesen, noch myt
Line: 5 
    dynen danken, noch myt worden, noch myt werken, noch myt dyner begerunge,
Line: 6 
    noch myt vulbort, noch myt rade, noch myt seende, noch myt horende,
Line: 7 
    noch myt al dynen synnen. Du en schalt ock de vnkuscheit nicht mede weten.
Line: 8 
    Du en schalt ok in dyneme huß des nicht staden, noch in dyneme houe,
Line: 9 
    noch nergen in dyneme egendome. Deistu dat, du bist der sunde deilhaftich.
Line: 10 
    Darumme neschaltu neyn vnkusche ingesinde holden. De vnkuscheit de
Line: 11 
    mishaget vnseme leuen heren so sere, dat he dorch der sunde willen to eyner
Line: 12 
    tijd wolde de werlt altomale vordelget hebben vnde sprak also, dat eme dat
Line: 13 
    ruwede, dat he den mynschen hedde gemaket.


Subchapter: 1._Noahs_Arche 

1. Noahs Arche


Line: 14 
    Do gebot vnse leue here eyneme hilgen manne, de hette Noe, dat he scholde
Line: 15 
    maken eyne arken. De arke buwede Noe wol hundert jar. Dar na, do de arke
Line: 16 
    rede was, do wachtede noch vnse leue here twintich jar, vppe dat sijk de mynsche
Line: 17 
    bekerde vade leite van der vnkuscheit. Do he nicht afflaten wolde, do bot he
Line: 18 
    deme hilgen manne Noe, dat he scholde ghan in de arken myt synen dren
Line: 19 
    sonen vnde darto syn husfruwe vnde syner sone husfruwen vnde scholde
Line: 20 
    allerhande creature mit sijk nemen in de arken. Van den creaturen, de schedelijk
Line: 21 
    sin vnde vnreyne, der scholde he nemen eyn par, eynen hey vnde eyne sei, alse
Line: 22 
    wulne, beren, lauwen, vosse, hunde, catten, ratten, muse vnde des gelijk. Van
Line: 23 
    den creaturen, de vnschedelijk syn vnde nutte, der scholde he nemen drey par
Line: 24 
    vnde eyn dar bouen -- dat weren seuen stucke, dre hey vnde dre sei vnde eyn
Line: 25 
    dar bouen -- dat scholde he gode offeren, wan he wedder vt der arken genge.
Line: 26 
    Dijt weren vnschedelike creature, de nutte mochten sin, der scholde he mer
Line: 27 
    hebben dan der anderen, also sint schap, koye vnde segen vnde des gelijk. Do

Page: 197 
Line: 1 
    alle desse creatur weren komen in dey arken, do slot vnse leue here de arken
Line: 2 
    buten to vnde leit do regen vertich dage vnde vertich nacht, dat yd nu vp helt,
Line: 3 
    vnde de arke vlot bouen allen bergen veftich vademe ho. Vnde alle dat leuendich
Line: 4 
    was vp der erden, dat vordrank, behaluer de in der arken weren. Do dat
Line: 5 
    water so hadde gestan hundert daghe vnde veftich dage, do beghan yd to
Line: 6 
    vallen. Do yd geuallen hadde wol vertich dage, do dede Noe dat vinster vp
Line: 7 
    vnde sande den rauen vt. De vant eyn azs vleten, dar bleff he vppe vnde ne
Line: 8 
    quam nicht wedder. Dar na sande he de duuen vth. De ne vant nergen neyn
Line: 9 
    lant, dar se vppe mochte rasten, do quam se wedder to der arken. Dar na
Line: 10 
    ouer seuen dage sande he auer de duuen vth. Do quam se wedder vnde brochte
Line: 11 
    eynen gronen telgen van eyneme oly bome. Do wachtede he nochtan seuen
Line: 12 
    dage, do sande he auer de duuen vth, de ne quam do nicht mer wedder. Do
Line: 13 
    prouede he wol, dat se droge lant vunden hadde. Do gengk he vte der arken
Line: 14 
    myt alle den creaturen, de dar weren. Do buwede he eynen altar vnde offerde
Line: 15 
    vnseme heren gode van al den creaturen dat seuede houet. Aldus wart al de
Line: 16 
    werlt vordelget vppe achte mynschen dorch der groten sunde willen der
Line: 17 
    vnkuscheit. -- Leue kint, hirumme schaltu der vnkuscheit vormiden.




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.