TITUS
Alexanderroman (Der Grosse Seelentrost): Part No. 196

Subchapter: 2._Der_Untergang_Sodoms 

2. Der Untergang Sodoms


Line: 18 
    Kynt leue, dorch der vnkuscheit willen so gengen viff stede in de affgrunde.
Line: 19 
    De weren geheten: Sodoma, Gomorra, Seboym, Sela, Segor. Do vnse leue
Line: 20 
    here de stede vordelgen wolde, do quam he erst to Hern Abraham vnde kundigedet
Line: 21 
    eme, dat he de stede vordelgen wolde. Do sprak Her Abraham:
Line: 22 
    ʼO leue here, wultu de guden delgen myt den bosen? Des en schaltu nicht don.
Line: 23 
    O leue here, ofte in den viff steden weren viftich gude lude, woldestu den
Line: 24 
    steden icht schonen dorch der lude willen?ʼ ʼJa,ʼ sprak vnse leue here, ʼweren
Line: 25 
    dar viftich gude lude in den viff steden, ik wolde erer schonen.ʼ Do sprak Her
Line: 26 
    Abraham: ʼOffte dar weren viff vnde vertich, wat woldestu don?ʼ Vnse leue
Line: 27 
    here sprak: ʼJa, ik wolde erer schonen.ʼ Abraham sprak: ʼO leue here, off
Line: 28 
    dar weren vertich?ʼ Vnse leue here sprak: ʼYa, ik wolde er schonen.ʼ Her
Line: 29 
    Abraham sprak: ʼOff dar weren viff vnde dertich?ʼ Vnse leue here sprak:
Line: 30 
    ʼYa, ik wolde er schonen.ʼ Abraham sprak: ʼOffte dar weren drittich?ʼ Vnse
Line: 31 
    leue here sprak: ʼYa, ik wolde erer schonen.ʼ Also stech he nedder wente vppe
Line: 32 
    teyne. Do sprak vnse leue here: ʼWeren dar teyn gude lude, ik wolde erer
Line: 33 
    schonen.ʼ Do ne sach he vnsen heren nicht mer. Do was dar in der stad to
Line: 34 
    Sodoma eyn ghut man, de hette Loth. Deme sande god twe engele vnde

Page: 198 
Line: 1 
    vnbot eme, dat he vte der stad ghan scholde, wente god wolde de stad delgen.
Line: 2 
    Do was he dar wat trach tho. Do nemen en de engele myt synem wiue vnde
Line: 3 
    myt synen twen dochteren vnde vorden se vt der stad vnde spreken: ʼGhaet
Line: 4 
    vor juw den berch vp vnde en seit nicht to rugge.ʼ Se gingen hen. Do sande
Line: 5 
    god van deme hemele blixem, vur vnde sweuel vnde vorbrande de stad vnde
Line: 6 
    de anderen stede. Do Lottes wijff dat scrient horde, do sach se to rugge. To
Line: 7 
    hant wart se to eme stene vnde steit noch al dar. Alse vordelgede god de stede
Line: 8 
    dorch der vnkuscheit willen. Do gengk Loth vp den berch myt synen twen
Line: 9 
    dochteren vnde wonede dar in eyner stenkulen. Do menden de dochtere, dat
Line: 10 
    de werlt altomale vordelget were myt dem vure vnde menden, dat neyn
Line: 11 
    mynsche in der werlde were wan se dre. Do dachten se eynen rad, wo se de
Line: 12 
    werlt mochten wedder oken, vnde geuen erem vadere starken win drinken,
Line: 13 
    dat he al dore sad wart. Do gengk de ene dochter bij eme slapen. Der telede
Line: 14 
    he eyn kint in syner vordrunkenicheit, dat he des nicht enwiste, dat se syn
Line: 15 
    dochter was. He mende, dat se syn husfruwe were. Dar na, eynes anderen nachtes,
Line: 16 
    do gengk de ander dochter bij eme. De vntfengk ock eyn kint; dat was eyn sone.
Line: 17 
    Hedde Loth nochteren wesen, he hedde dat node gedan. He dede dat in vordrunkener
Line: 18 
    wise. -- Kynt leue, dijt schal dij eyn lere wesen: Wultu eyn kusch leuent
Line: 19 
    hebben, so schaltu dij bewaren vor vordrunkenicheit vnde vor ouer vlodicheit an
Line: 20 
    eten vnde an drinken. Du schalt dynen licham castigen myt hungere, myt dorste,
Line: 21 
    myt wakene, myt bedene, myt harden clederen, myt hardeme leghere, myt
Line: 22 
    roden, myt swepen vnde des gelijk.




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.