TITUS
Alexanderroman (Der Grosse Seelentrost): Part No. 204
Subchapter: 10._Die_Sünde_eines_alten_Mönchs
10. Die Sünde eines alten Mönchs
Line: 11
Dat was eyn olt hillich broder, de was sek vnde krank. De bat orloff van syneme
Line: 12
abbete, dat he moste varen in dat lant to Egipten, vp dat he deme clostere
Line: 13
nicht to swar were Do sprak de abbet: ʼVader, bliuet to huß. Kome gij vt,
Line: 14
gij mogen vallen in vnkuscheit.ʼ Do sprak yenne: ʼO hilge vader, warumme
Line: 15
sprekestu also? Ik byn eyn olt krank man vnde myn licham ys alrede vordodet;
Line: 16
ik mach dat wol bewaren.ʼ He toch hen vnde quarn in eyne stad, dar
Line: 17
lach he vnde was krank. Dar was eyn yunck derne, de denede eme vnde
Line: 18
makede eme syn bedde. Do he stark was geworden, do vorwan ene de bekoringe,
Line: 19
dat he to valle quam myt der dernen, vnde se wan eyn kint. Do beghan
Line: 20
eme dat sere to beruwen, dat he de groten sunde hadde beghan. Do nam he
Line: 21
dat kint in synen arm eynes hilgen dages, do al de moneke in der kerkern
Line: 22
weren, vnde gengk vor se alle stan vnde bekande openbare syner sunde vnde
Line: 23
wenede vnde sprak: ʼDijt ys eyn kint der vnhorsamicheit.ʼ Do begunden al de
Line: 24
brodere myt eme to wenen, dat he to sulkem yamere komen was. Do sprak he:
Line: 25
ʼLeuen brodere, bewaret juw. Seet wat my gescheen ys vp myne olden daghe.ʼ
Line: 26
Do vor he wedder in synne klus vnde genk syne bote al de wile, dat he leuede.
Line: 27
Kynt leue, wultu vnkuscheit vormiden, so schaltu fruwen kumpanige vlen,
Line: 28
Nym eyn bilde an deme kuschen Yosepe, de Hern Jacopts sone was. Van
Line: 29
syneme leuende wil ik dij eyn cleyne seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
