TITUS
Alexanderroman (Der Grosse Seelentrost): Part No. 208

Subchapter: 14._Salomo 

14. Salomo


Line: 22 
    Salomon de was koningk Dauites sone, vnde Bersabee hette syn moder. Do
Line: 23 
    konningk Dauid olt was vnde krank, do lach he vppe synem bedde vnde ne
Line: 24 
    mochte nicht ghan. Do was he van oldere also kolt, dat he sijk nicht yrwermen
Line: 25 
    konde, allene dat men vele cledere eme ouer leghede. Do hadde he bij sijk
Line: 26 
    ene eddele juncfruwen, de hette Abisag Sunamitis, wente se was bordich van
Line: 27 
    Suna. Se denede eme vnde slep bij eme, vppe dat he wermnisse hedde van er,
Line: 28 
    vnde se bleff nochtan eyn reyne kusch maget. Do hadde konningk Dauid
Line: 29 
    eynen sone, de hette Adonyas. De wolde sijk des koningkrikes vnderwinden
Line: 30 
    vnde makede eyne grote blitschap. Dar quemen al de yenne, de eme gudes
Line: 31 
    gunden, vnde makeden ene dar to konninge. Dijt vornam Bersabee vnde gengk
Line: 32 
    to konningk Dauite vnde sprak: ʼHere, du haddest my dat ghesworen, dat
Line: 33 
    myn sone Salomon scholde na dij dat koningkrike besitten. Vnde nu heft
Line: 34 
    Adonyas eyne samninge gemaket vnde ys konningk worden.ʼ Do sprak

Page: 208 
Line: 1 
    konningk Dauid to deme propheten Nathan vnde to deme prestere Sadoch:
Line: 2 
    ʼNemet Salomone vnde settet ene vp myne mule vnde voret ene al de stad
Line: 3 
    vmme vnde wiget ene to konninge.ʼ Dar beghan dat volk van vrauden to
Line: 4 
    ropene, vnde de basunen de klungen, vnde de lut quam to yenner blitschap.
Line: 5 
    Dar togengk de hoff, vnde Salomon wart weldich koningk. Do was he in
Line: 6 
    syneme teynden jare, vnde syn vader starff. Do sande Adonias Bersabee to
Line: 7 
    konningk Salomon vnde leit bidden vmme de juncfruwen Abisag. Do sprak
Line: 8 
    Bersabee: ʼSone, ik bidde dij, dat du geuest Adonyas de juncfruwen.ʼ ʼJa,ʼ
Line: 9 
    sprak he, ʼmoder, bidde my, dat ik eme geue dat gantze koningkrike. Du sust
Line: 10 
    dat wol, dat se ys also meer also eyn koningynne, vnde he were ock gerne
Line: 11 
    konningk, vnde worde eme de juncfruwe, wu scholdet my dan ghan. He heft
Line: 12 
    gebeden eyne bede, de eme an syn leuent tred.ʼ Dar sande he hen vnde leit
Line: 13 
    ene dot slan.




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.