TITUS
Alexanderroman (Der Grosse Seelentrost): Part No. 225
Subchapter: 3._Nutzung_gestohlenen_Gutes
3. Nutzung gestohlenen Gutes
Line: 11
Heft eyn mynsche eyn dingk vorstolen vnde genut, alle de vrucht, de dar van
Line: 12
komen ys, de mot he weddergeuen. Stelet eyn mynsche eyne ko, alle de
Line: 13
kaluere, de dar van quemen vnde vort dar van, de mot he altomale
Line: 14
weddergeuen. Vnde stelet eyn mynsche korn vnde seyede dat, alle dat dar van
Line: 15
queme, dat moste he weddergeuen, dar to hedde he alle de kost volorn, de he
Line: 16
darup gedragen hedde; de nemoste he nicht affslan. Stelet eyn mynsche eynen
Line: 17
penningk vnde wunne dar mede dusent mark, he mostet altemale weddergeuen.
Line: 18
Heit eyn mynsche eyn dingk vorstolen vnde wil dat weddergeuen vnde yset
Line: 19
vnder em ergher worden, he schal den schaden vprichten to rechte.
Copyright
TITUS Project
Frankfurt a/M 1999-2000. No parts of this document may be republished in any form without prior permission by the copyright holder.
