TITUS
Alexander der Groote
Part No. 11
Previous part

Chapter: 11     
Line: 1        Doe was Alexander machtich coninc van Macedonien, ende hi
Line: 2     ghinc sitten op des conincs stoel ende hi ontboet alle die heren ende
Line: 3     al sijn volc voir hem ende sprac hem alle toe ende seide: "Alexander
Line: 4     sel u vry maken van allen uwen vyanden." Ende hi dede hem allen
Line: 5     sweren, dat si hem na volgen souden, waer hi voer toge. Coninc
Line: 6     Alexander, die toech uut mit groter mogentheit ende wan voel landen,
Line: 7     steden ende sloten ende sie hulden hem allen voir haer heer. Doe quam
Line: 8     Alexander voir een stat, die hiet Conici. Daer sende hi sijn boden
Line: 9     toe, of si hem op wouden geven. Die uut der stede die namen die boden
Line: 10     ende hingen se. Doe wort die coninc toornich ende belach die stede
Line: 11     ende hi wanse ende destrueerdese ende maectese te niet. Doe Page of edition: [117d ]
Line: 12     die Romeynen vernamen den zege, die Alexander hadde, doen senden sie
Line: 13     hem IIM ridders te hulp ende maecte worscap [= maecten vrienscap]
Line: 14     ende vrede mit hem. Doe Alexander naecte dat lant van Judeen, doe
Line: 15     sach hi op eenre nacht een visioen in sinen slaep; hem docht, datter
Line: 16     een biscop tot hem quam mit biscop gewade [= biscopsgewaden], mit
Line: 17     enen myter op sijn hoeft, een palster in sijn hant ende hantscoen an
Line: 18     mit vingerlingen van goude ende hadde gulden scoenen an sijn voeten.
Line: 19     Ende die biscop sprac tot hem ende seide: "Alexander, als gi in een
Line: 20     lant coemt, daer gi aldusdanigen man siet mit aldusdanigen abijt u
Line: 21     gemoeten, misdoet dien lande niet, mer doet hem eer ende vrientscap,
Line: 22     so sellen u alle dingen voerspoedelic gaen."

Next part


This text is part of the TITUS edition of Alexander der Groote.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.