TITUS
Beatrijs
Part No. 6
Previous part

Chapter: (6) 
Verse: 159    Dit gheloefde elc anderen.
Verse: 160    Hi nam orlof en[de] ghinc wandere[n]

Verse: 161    D[aer] sijn rosside ghesadelt stoet.
Verse: 162    Hi satter op metter spoet

Verse: 163    En[de] reet wech sinen telt
Verse: 164    Ter stat w[aer]t ouer een velt.

Verse: 165    Sijns lieues hi niet en v[er]gat.
Verse: 166    Sand[er]s daghes ghinc hi in die stat;

Verse: 167    Hi cochte blau ende scaerlaken,
Verse: 168    Daer hi af dede maken

Verse: 169    Mantele en[de] caproen groet
Verse: 170    Ende roc ende sorcoet

Verse: 171    En[de] na recht gheuoedert wel.
Verse: 172    Niemen en sach beter vel

Verse: 173    Ond[er] v[ro]uwen cledere draghen;
Verse: 174    Si prijsdent alle, diet saghen.

Verse: 175    Messe, gordele en[de] almoniere
Verse: 176    Cochti haer goet en[de] diere,

Verse: 177    Huuen, vingherline van goude
Verse: 178    En[de] chierheit menechfoude.

Verse: 179    Om al die chierheit dede hi proeue[n]
Verse: 180    Die eneg[er] bruut soude behoeuen.

Verse: 181    Met hem nam hi .vc. pont
Verse: 182    Ende voer in ere avonstont

Verse: 183    Heymelike buten der stede;
Verse: 184    Al dat scoenheide voerdi mede

Verse: 185    Wel ghetorst op sijn paert,
Verse: 186    En[de] voer alsoe ten cloest[er]e w[aer]t,

Verse: 187    Daer si seide inden v[er]gier,
Verse: 188    Onder enen eglentier.

Verse: 189    Hi ghinc sitten ned[er] int cruut,
Verse: 190    Tote sijn lief soude comen wt.


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.