TITUS
Beatrijs
Part No. 7
Previous part

Chapter: (7) 
Verse: 191    Van hem latic nv die tale
Verse: 192    En[de] segghe v vand[er] scoend[er] smale.

Verse: 193    Vore midd[er]nacht lude si mettine.
Verse: 194    Die mi[n]ne dede h[aer] grote pine.

Verse: 195    Als mettene[n] waren ghesongen
Verse: 196    Beide van ouden en[de] van iongen,

Verse: 197    Die daer waren int couent,
Verse: 198    En[de] si weder waren ghewent

Verse: 199    Opten dormter al ghemene,
Verse: 200    Bleef si inden coer allene

Verse: 201    En[de] si sprac haer ghebede,
Verse: 202    Alsi te voren dicke dede.

Verse: 203    Si knielde voerden outaer
Verse: 204    En[de] sprac met groten vaer:

Verse: 205    'Maria, moeder, soete name,
Verse: 206    Nv en mach minen lichame

Verse: 207    Niet langher in dabijt gheduren.
Verse: 208    Ghi kint wel in allen vren

Verse: 209    Smenschen herte en[de] sijn wesen.
Verse: 210    Jc hebbe gheuast en[de] ghelesen

Verse: 211    En[de] ghenomen discipline;
Verse: 212    Hets al om niet dat ic pine.

Verse: 213    Minne worpt mi ond[er] voet
Verse: 214    Dat ic der werelt dienen moet.

Verse: 215    Alsoe waerlike als ghi, here lieue,
Verse: 216    Wort ghehanghe[n] tussche[n] .ij. dieue

Verse: 217    En[d]e aent cruce wort gherecket,
Verse: 218    En[d]e ghi lazaruse verwecket,

Verse: 219    D[aer] hi lach inden graue doet,
Verse: 220    Soe moetti kinnen mine[n] noet

Verse: 221    En[de] mine mesdaet mi v[er]gheuen;
Verse: 222    Jc moet in sware[n] sonde[n] sneuen.'


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.