TITUS
Beatrijs
Part No. 8
Previous part

Chapter: (8) 
Verse: 223    Na desen ghinc si vten core
Verse: 224    Teene[n] beelde, daer si vore

Verse: 225    Knielde en[de] sprac hare ghebede,
Verse: 226    D[aer] maria stont ter stede.

Verse: 227    Si riep: 'Maria, onuersaghet,
Verse: 228    Jc hebbe v nach(t) en[de] dach geclagh[et]

Verse: 229    Ontfermelike mijn v[er]noy,
Verse: 230    En[de] mi en es niet te bat een hoy.

Verse: 231    Jc werde mijns sins te male quijt,
Verse: 232    Bliuic langher in dit abijt.'

Verse: 233    Die couel toech si vte al daer
Verse: 234    En[de] leidse op onser v[ro]uwe[n] outaer.

Verse: 235    Doen dede si vte hare scoen.
Verse: 236    Nv hoert, watsi sal doen!

Verse: 237    Die slotele vander sacristien
Verse: 238    Hinc si voer dat beelde marien;

Verse: 239    En[de] ict segt v ouer waer
Verse: 240    Waer o[m]me dat sise hinc al daer:

Verse: 241    Ofmense te priemtide sochte,
Verse: 242    Datmense best d[aer] vinden mochte.

Verse: 243    Hets wel recht in alder tijt,
Verse: 244    Wie vore marien beelde lijt,

Verse: 245    Dat hi sijn oghen derw[aer]t sla
Verse: 246    Ende segge 'Aue', eer hi ga,

Verse: 247    'Aue maria'; d[aer] o[m]me si ghedinct,
Verse: 248    W[aer] o[m]me dat si die slotel d[aer] hinc.


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.