TITUS
Beatrijs
Part No. 9
Previous part

Chapter: (9) 
Verse: 249    Nv ghinc si dane[n] dorden noet
Verse: 250    Met enen pels al bloet,

Verse: 251    Daer si een dore wiste,
Verse: 252    Die si ontsloet met liste,

Verse: 253    En[de] ghincker heymelijc vut,
Verse: 254    Stillekine sonder gheluut.

Verse: 255    Jnden v[er]gier quam si met vare.
Verse: 256    Die iongelinc w[er]t haers gheware.

Verse: 257    Hi seide: 'Lief, en verueert v niet,
Verse: 258    Hets v vrient, dat ghi hier siet.'

Verse: 259    Doe[n] si beide te samen quamen,
Verse: 260    Si begonste hare te scamen,

Verse: 261    Om dat si in enen pels stoet,
Verse: 262    Bloets hoeft en[de] baruoet.

Verse: 263    Doen seidi: 'Wel scone lichame,
Verse: 264    V soe waren bat bequame

Verse: 265    Scone ghewaden en[de] goede cleder.
Verse: 266    Hebter mi om niet te leder,

Verse: 267    Jc salse v gheuen sciere.'
Verse: 268    Doe[n] ghinge[n] si ond[er] de[n] eglentiere,

Verse: 269    En[de] alles, dies si behoeft,
Verse: 270    Des gaf hi hare ghenoech.

Verse: 271    Hi gaf haer cleder twee paer;
Verse: 272    Blau waest, dat si aen dede daer,

Verse: 273    Wel ghescepen int gheuoech.
Verse: 274    Vriendelike hi op haer loech.

Verse: 275    Hi seide: 'Lief, dit hemelblau
Verse: 276    Staet v bat dan dede dat grau.'

Verse: 277    Twee cousen toech si ane
Verse: 278    Ende twee scoen cordewane,

Verse: 279    Die hare uele bat stonden
Verse: 280    Dan scoen die waren ghebonden.

Verse: 281    Hoet cleder van witter ziden
Verse: 282    Gaf hi hare te dien tiden,

Verse: 283    Die si op haer hoeft hinc.
Verse: 284    Doen cussese die ionghelinc

Verse: 285    Vriendelike aen haren mont.
Verse: 286    He[m] dochte, d[aer] si voer he[m] stont,

Verse: 287    Dat die dach verclaerde.
Verse: 288    Haestelike ghinc hi tsine[n] paerde;

Verse: 289    Hi settese voer he[m] int ghereide.
Verse: 290    Dus voren si henen beide

Verse: 291    Soe verre, dat began te daghen,
Verse: 292    Dat si he[n] nyemen volghe[n] en saghe[n].

Verse: 293    Doen begant te lichtene int oest.
Verse: 294    Si seide: 'God, alder werelt troest,

Verse: 295    Nv moeti ons bewaren!
Verse: 296    Jc sie den dach v[er]claren.

Verse: 297    Waric met v niet comen wt,
Verse: 298    Jc soude prime hebbe[n] gheluut,

Verse: 299    Als ic wilen was ghewone
Verse: 300    Jnden cloester van religione.

Verse: 301    Jc ducht, mi die vaert sal rouwe[n]:
Verse: 302    Die werelt hout soe cleine trouwe,

Verse: 303    Al hebbic mi ghekeert daer an;
Verse: 304    Si slacht den losen coman

Verse: 305    Die vingherline van formine
Verse: 306    V[er]coept voer guldine.'


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.