TITUS
Beatrijs
Part No. 13
Previous part

Chapter: (13) 
Verse: 433    Sj sp[ra]c: 'Hets mi comen soe,
Verse: 434    Dat ic duchte spade en[de] vroe.

Verse: 435    Jc ben in uele doghens bleuen.
Verse: 436    Die ghene heeft mi begheuen

Verse: 437    D[aer] ic mi trouwen toe v[er]liet.
Verse: 438    Maria, vrouwe, oft ghi ghebiet,

Verse: 439    Bidt vore mi en[de] mine .ij. ionghere
Verse: 440    Dat wi n[iet] en steruen van hongh[er]e.

Verse: 441    Wat salic doen, elendech wijf!
Verse: 442    Jc moet beide ziele ende lijf

Verse: 443    Beulecken met sondeghen daden.
Verse: 444    Maria, v[ro]uwe, staet mi in staden!

Verse: 445    Al constic enen roc spinnen
Verse: 446    Jn mochter niet met winnen

Verse: 447    Jn tween weken een broet.
Verse: 448    Jc moet gaen dorden noet

Verse: 449    Buten der stat op tfelt
Verse: 450    En[de] winne[n] met mine[n] lichame ghelt,

Verse: 451    D[aer] ic met mach copen spise.
Verse: 452    Jn mach in ghere wise

Verse: 453    Mijn kinder niet begheuen.'
Verse: 454    Dus ghinc si in een sondech leue[n],

Verse: 455    Want men seit ons ouerwaer,
Verse: 456    Dat si langhe seue iaer,

Verse: 457    Ghemene wijf ter werelt ghinc
Verse: 458    Ende meneghe sonde ontfinc,

Verse: 459    Dat haer was wel onbequame,
Verse: 460    Die se dede metten lichame,

Verse: 461    D[aer] sie cleine ghenuechte hadde in,
Verse: 462    Al dede sijt om een cranc ghewin,

Verse: 463    D[aer] si haer kinder met onthelt.
Verse: 464    Wat holpt al vertelt,

Verse: 465    Die scamelike sonde en[de] die zwaer
Verse: 466    D[aer] si in was .xiiij. iaer!

Verse: 467    M[aer] emmer en lietsi achter niet,
Verse: 468    Hadsi rouwe oft verdriet,

Verse: 469    Sine las alle daghe met trouwe[n]
Verse: 470    Die seuen ghetiden van ons[er] v[ro]uwe[n].

Verse: 471    Die las si h[aer] te loue[n] en[de] teren,
Verse: 472    Dat sise moeste bekeren

Verse: 473    Vten sondeliken daden,
Verse: 474    D[aer] sie was met beladen

Verse: 475    Bi ghetale .xiiij. iaer,
Verse: 476    Dat segghic v ouer waer:

Verse: 477    Si was seuen iaer metten man,
Verse: 478    Die .ij. kind[er]e an hare wan,

Verse: 479    Diese liet in ellinde,
Verse: 480    D[aer] si doghede groet meswinde.

Verse: 481    Dierste .vij. iaer hebdi ghehoert.
Verse: 482    V[er]staet hoe si leuede voert.


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.