TITUS
Brandane
Part No. 7
Previous part

Chapter: 7     
Verse: 295     Doe versach sente Brandaen
Verse: 296     Eenen sconen werf staen.

Verse: 297     Hi dochte den wijsen heere
Verse: 298     Wel .vj. milen lanc of meere;

Verse: 299     Die stont vp den rugghe van eenen vissch(e).
Verse: 300     Die bouc maect ons ghewisse,

Verse: 301     Dat daer een soete water ant meer gaet;
Verse: 302     Daer hadde die visch sinen haet [= aet]

Verse: 303     Ghenomen wel menich iaer,
Verse: 304     So die bouc seit, ouer waer.

Verse: 305     Daer vp dien werf stont een wout.
Verse: 306     Die Gods helden bout

Verse: 307     Trocken haer scip in een hauene
Verse: 308     Ende ghinghen alle doe aue

Verse: 309     Ghenen sconen werf scauwen.
Verse: 310     Sie ghinghen oec hout houwen

Verse: 311     Omme te ziedene haer heten [= eten];
Verse: 312     Die hongher liets hen niet vergheten.

Verse: 313     Haren ketel si vp hinghen.
Verse: 314     Om hout datsi ghinghen;

Verse: 315     Eenen droeghen boem si vonden.
Verse: 316     Doe sine te houwene begonden,

Verse: 317     Doe so scoet al dat eylant
Verse: 318     Onder twater te hant,

Verse: 319     So dat die heleghe man
Verse: 320     Te tijde cume sijn scip ghewan;

Verse: 321     Met haesten si int scip pronghen;
Verse: 322     Den lof Gods dat si zonghen,

Verse: 323     Dat Hise bi der ghenaden zine
Verse: 324     Verloest hadde van dier pine.

Verse: 325     Die werf die ghinc al onder.
Verse: 326     Dit was dat derde wonder

Verse: 327     Dat die heeren saghen.
Verse: 328     Die wint die ghincse jaghen

Verse: 329     Bi den zeyle vaste.
Verse: 330     Doe leden si meneghe onraste

Verse: 331     Ende menic onghemac.
Verse: 332     Die heleghe abdt doe sprac:

Verse: 333     "Dit mochte wel een visch zijn,
Verse: 334     Die desen werf dus trac in; Manuscript page: 181a  [181a]

Verse: 335     Seker hi was wel hout,
Verse: 336     Eer ghewies al dat hout

Verse: 337     Vp sinen rugghe braden."
Verse: 338     Gode si dicken baden

Verse: 339     Met ghestaden moede
Verse: 340     Dor sine grote goede,

Verse: 341     Dat Hise saen ghesande
Verse: 342     Tote eenen ghestadeghen lande.


Next part


This text is part of the TITUS edition of Brandane.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.