TITUS
Brandane
Part No. 28
Previous part

Chapter: 28     
Verse: 2161     Si voeren voert een lettel bat.
Verse: 2162     Doe quamen si teenre stat

Verse: 2163     Daer twater was so dinne,
Verse: 2164     Datsi onder hoerden daer jnne

Verse: 2165     Clocken luden ende clinghen
Verse: 2166     Ende oec papen zinghen;

Verse: 2167     Sie hoerden paerden neyen
Verse: 2168     Ende oec voghelen screyen;

Verse: 2169     Sie hoerde die honde bijlen
Verse: 2170     Ende met hoernen ghijlen

Verse: 2171     Ende vroylike zinghen
Verse: 2172     Ende dansen ende springhen

Verse: 2173     Van mannen ende van wiuen.
Verse: 2174     So horden si onlede driuen.

Verse: 2175     Doe si dit hoerden daer onder,
Verse: 2176     So hadden zijs groet wonder,

Verse: 2177     Dat hem so bi was
Verse: 2178     Ende si niet en saghen das.

Verse: 2179     Die heeren bi rade ghemeene
Verse: 2180     Worpen hute [= ute] zinckel steene,

Verse: 2181     Hoe diepe dat twater ware,
Verse: 2182     Die steene waren zware. Manuscript page: 192a  [192a]

Verse: 2183     In wel corter stonde
Verse: 2184     So waren si te gronde.

Verse: 2185     Den ancker worpen si hute [= ute] daer naer;
Verse: 2186     Dies wart hem te moede zwaer:

Verse: 2187     In den eersten valle
Verse: 2188     Die ancker wart met allen

Verse: 2189     Onder gheuaen ende ghebonden.
Verse: 2190     Daer hilden si langhe stonden

Verse: 2191     Ende hadden wel groet wonder,
Verse: 2192     Wiene hilde daer onder.

Verse: 2193     Die meester stierman seide doe:
Verse: 2194     "Ic en weet wat ic best doe;

Verse: 2195     Snijdic den ancker reep ontwee,
Verse: 2196     So en moghen wi nemmee

Verse: 2197     Den gront der zee ghewinnen sciere.
Verse: 2198     Helpt ons, drochtijn, van hiere,

Verse: 2199     Dore dijnre moeder eere.
Verse: 2200     Nu en moghen wi nemmermeere

Verse: 2201     Onser vaert ghenieten."
Verse: 2202     Dat zeil si neder lieten.


Next part


This text is part of the TITUS edition of Brandane.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.