TITUS
Novum Testamentum graece
Part No. 164
Previous part

Chapter: 13 
Verse: 1    ἐπὶ στόματος δύο μαρτύρων καὶ τριῶν σταϑήσεται πᾶν ῥῆμα.
Verse: 2    προείρηκα καὶ προλέγω ὡς παρὼν τὸ δεύτερον καὶ ἀπὼν νῦν τοῖς προημαρτηκόσιν καὶ τοῖς λοιποῖς πᾶσιν, ὅτι ἐὰν ἔλϑω εἰς τὸ πάλιν οὐ ϕείσομαι,
Verse: 3    ἐπεὶ δοκιμὴν ζητεῖτε τοῦ ἐν ἐμοὶ λαλοῦντος Χριστοῦ· ὃς εἰς ὑμᾶς οὐκ ἀσϑενεῖ ἀλλὰ δυνατεῖ ἐν ὑμῖν.
Verse: 4    καὶ γὰρ ἐσταυρώϑη ἐξ ἀσϑενείας, ἀλλὰ ζῇ ἐκ δυνάμεως ϑεοῦ. καὶ γὰρ ἡμεῖς ἀσϑενοῦμεν ἐν αὐτῷ, ἀλλὰ ζήσομεν σὺν αὐτῷ ἐκ δυνάμεως ϑεοῦ εἰς ὑμᾶς.
Verse: 5    ῾Εαυτοὺς πειράζετε εἰ ἐστὲ ἐν τῇ πίστει, ἑαυτοὺς δοκιμάζετε· ἢ οὐκ ἐπιγινώσκετε ἑαυτοὺς ὅτι Χριστὸς ᾽Ιησοῦς ἐν ὑμῖν; εἰ μήτι ἀδόκιμοί ἐστε.
Verse: 6    ἐλπίζω δὲ ὅτι γνώσεσϑε ὅτι ἡμεῖς οὐκ ἐσμὲν ἀδόκιμοι.
Verse: 7    εὐχόμεϑα δὲ πρὸς τὸν ϑεὸν μὴ ποιῆσαι ὑμᾶς κακὸν μηδέν, οὐχ ἵνα ἡμεῖς δόκιμοι ϕανῶμεν, ἀλλ' ἵνα ὑμεῖς τὸ καλὸν ποιῆτε, ἡμεῖς δὲ ὡς ἀδόκιμοι ὦμεν.
Verse: 8    οὐ γὰρ δυνάμεϑά τι κατὰ τῆς ἀληϑείας, ἀλλὰ ὑπὲρ τῆς ἀληϑείας.
Verse: 9    χαίρομεν γὰρ ὅταν ἡμεῖς ἀσϑενῶμεν, ὑμεῖς δὲ δυνατοὶ ἦτε· τοῦτο καὶ εὐχόμεϑα, τὴν ὑμῶν κατάρτισιν.
Verse: 10    διὰ τοῦτο ταῦτα ἀπὼν γράϕω, ἵνα παρὼν μὴ ἀποτόμως χρήσωμαι κατὰ τὴν ἐξουσίαν ἣν ὁ κύριος ἔδωκέν μοι, εἰς οἰκοδομὴν καὶ οὐκ εἰς καϑαίρεσιν.
Verse: 11    Λοιπόν, ἀδελϕοί, χαίρετε, καταρτίζεσϑε, παρακαλεῖσϑε, τὸ αὐτὸ ϕρονεῖτε, εἰρηνεύετε, καὶ ὁ ϑεὸς τῆς ἀγάπης καὶ εἰρήνης ἔσται μεϑ' ὑμῶν.
Verse: 12    ἀσπάσασϑε ἀλλήλους ἐν ἁγίῳ ϕιλήματι. ἀσπάζονται ὑμᾶς οἱ ἅγιοι πάντες.
Verse: 13    ῾Η χάρις τοῦ κυρίου ᾽Ιησοῦ Χριστοῦ καὶ ἡ ἀγάπη τοῦ ϑεοῦ καὶ ἡ κοινωνία τοῦ ἁγίου πνεύματος μετὰ πάντων ὑμῶν.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.