TITUS
Novum Testamentum graece
Part No. 237
Previous part

Chapter: 5 
Verse: 1    Πᾶς ὁ πιστεύων ὅτι ᾽Ιησοῦς ἐστιν ὁ Χριστὸς ἐκ τοῦ ϑεοῦ γεγέννηται, καὶ πᾶς ὁ ἀγαπῶν τὸν γεννήσαντα ἀγαπᾷ [καὶ] τὸν γεγεννημένον ἐξ αὐτοῦ.
Verse: 2    ἐν τούτῳ γινώσκομεν ὅτι ἀγαπῶμεν τὰ τέκνα τοῦ ϑεοῦ, ὅταν τὸν ϑεὸν ἀγαπῶμεν καὶ τὰς ἐντολὰς αὐτοῦ ποιῶμεν.
Verse: 3    αὕτη γάρ ἐστιν ἡ ἀγάπη τοῦ ϑεοῦ, ἵνα τὰς ἐντολὰς αὐτοῦ τηρῶμεν· καὶ αἱ ἐντολαὶ αὐτοῦ βαρεῖαι οὐκ εἰσίν,
Verse: 4    ὅτι πᾶν τὸ γεγεννημένον ἐκ τοῦ ϑεοῦ νικᾷ τὸν κόσμον· καὶ αὕτη ἐστὶν ἡ νίκη ἡ νικήσασα τὸν κόσμον, ἡ πίστις ἡμῶν.
Verse: 5    τίς [δέ] ἐστιν ὁ νικῶν τὸν κόσμον εἰ μὴ ὁ πιστεύων ὅτι ᾽Ιησοῦς ἐστιν ὁ υἱὸς τοῦ ϑεοῦ;
Verse: 6    Οὗτός ἐστιν ὁ ἐλϑὼν δι' ὕδατος καὶ αἵματος, ᾽Ιησοῦς Χριστός· οὐκ ἐν τῷ ὕδατι μόνον ἀλλ' ἐν τῷ ὕδατι καὶ ἐν τῷ αἵματι· καὶ τὸ πνεῦμά ἐστιν τὸ μαρτυροῦν, ὅτι τὸ πνεῦμά ἐστιν ἡ ἀλήϑεια.
Verse: 7    ὅτι τρεῖς εἰσιν οἱ μαρτυροῦντες,
Verse: 8    τὸ πνεῦμα καὶ τὸ ὕδωρ καὶ τὸ αἷμα, καὶ οἱ τρεῖς εἰς τὸ ἕν εἰσιν.
Verse: 9    εἰ τὴν μαρτυρίαν τῶν ἀνϑρώπων λαμβάνομεν, ἡ μαρτυρία τοῦ ϑεοῦ μείζων ἐστίν, ὅτι αὕτη ἐστὶν ἡ μαρτυρία τοῦ ϑεοῦ, ὅτι μεμαρτύρηκεν περὶ τοῦ υἱοῦ αὐτοῦ.
Verse: 10    ὁ πιστεύων εἰς τὸν υἱὸν τοῦ ϑεοῦ ἔχει τὴν μαρτυρίαν ἐν αὑτῷ· ὁ μὴ πιστεύων τῷ ϑεῷ ψεύστην πεποίηκεν αὐτόν, ὅτι οὐ πεπίστευκεν εἰς τὴν μαρτυρίαν ἣν μεμαρτύρηκεν ὁ ϑεὸς περὶ τοῦ υἱοῦ αὐτοῦ.
Verse: 11    καὶ αὕτη ἐστὶν ἡ μαρτυρία, ὅτι ζωὴν αἰώνιον ἔδωκεν ἡμῖν ὁ ϑεός, καὶ αὕτη ἡ ζωὴ ἐν τῷ υἱῷ αὐτοῦ ἐστιν.
Verse: 12    ὁ ἔχων τὸν υἱὸν ἔχει τὴν ζωήν· ὁ μὴ ἔχων τὸν υἱὸν τοῦ ϑεοῦ τὴν ζωὴν οὐκ ἔχει.
Verse: 13    Ταῦτα ἔγραψα ὑμῖν ἵνα εἰδῆτε ὅτι ζωὴν ἔχετε αἰώνιον, τοῖς πιστεύουσιν εἰς τὸ ὄνομα τοῦ υἱοῦ τοῦ ϑεοῦ.
Verse: 14    καὶ αὕτη ἐστὶν ἡ παρρησία ἣν ἔχομεν πρὸς αὐτόν, ὅτι ἐάν τι αἰτώμεϑα κατὰ τὸ ϑέλημα αὐτοῦ ἀκούει ἡμῶν.
Verse: 15    καὶ ἐὰν οἴδαμεν ὅτι ἀκούει ἡμῶν ὃ ἐὰν αἰτώμεϑα, οἴδαμεν ὅτι ἔχομεν τὰ αἰτήματα ἃ ᾐτήκαμεν ἀπ' αὐτοῦ.
Verse: 16    ᾽Εάν τις ἴδῃ τὸν ἀδελϕὸν αὐτοῦ ἁμαρτάνοντα ἁμαρτίαν μὴ πρὸς ϑάνατον, αἰτήσει, καὶ δώσει αὐτῷ ζωήν, τοῖς ἁμαρτάνουσιν μὴ πρὸς ϑάνατον. ἔστιν ἁμαρτία πρὸς ϑάνατον· οὐ περὶ ἐκείνης λέγω ἵνα ἐρωτήσῃ.
Verse: 17    πᾶσα ἀδικία ἁμαρτία ἐστίν, καὶ ἔστιν ἁμαρτία οὐ πρὸς ϑάνατον.
Verse: 18    Οἴδαμεν ὅτι πᾶς ὁ γεγεννημένος ἐκ τοῦ ϑεοῦ οὐχ ἁμαρτάνει, ἀλλ' ὁ γεννηϑεὶς ἐκ τοῦ ϑεοῦ τηρεῖ αὐτόν, καὶ ὁ πονηρὸς οὐχ ἅπτεται αὐτοῦ.
Verse: 19    οἴδαμεν ὅτι ἐκ τοῦ ϑεοῦ ἐσμεν, καὶ ὁ κόσμος ὅλος ἐν τῷ πονηρῷ κεῖται.
Verse: 20    οἴδαμεν δὲ ὅτι ὁ υἱὸς τοῦ ϑεοῦ ἥκει, καὶ δέδωκεν ἡμῖν διάνοιαν ἵνα γινώσκομεν τὸν ἀληϑινόν· καὶ ἐσμὲν ἐν τῷ ἀληϑινῷ, ἐν τῷ υἱῷ αὐτοῦ ᾽Ιησοῦ Χριστῷ. οὗτός ἐστιν ὁ ἀληϑινὸς ϑεὸς καὶ ζωὴ αἰώνιος.
Verse: 21    Τεκνία, ϕυλάξατε ἑαυτὰ ἀπὸ τῶν εἰδώλων.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.