TITUS
Novum Testamentum graece
Part No. 238
Previous part

Book: 2.Jo. 
ΙΩΑΝΝΟΥ Β

Epistola catholica beati Ioannis apostoli secunda




Chapter: _ 
Verse: 1    ῾Ο πρεσβύτερος ἐκλεκτῇ κυρίᾳ καὶ τοῖς τέκνοις αὐτῆς, οὓς ἐγὼ ἀγαπῶ ἐν ἀληϑείᾳ, καὶ οὐκ ἐγὼ μόνος ἀλλὰ καὶ πάντες οἱ ἐγνωκότες τὴν ἀλήϑειαν,
Verse: 2    διὰ τὴν ἀλήϑειαν τὴν μένουσαν ἐν ἡμῖν, καὶ μεϑ' ἡμῶν ἔσται εἰς τὸν αἰῶνα.
Verse: 3    ἔσται μεϑ' ἡμῶν χάρις ἔλεος εἰρήνη παρὰ ϑεοῦ πατρός, καὶ παρὰ ᾽Ιησοῦ Χριστοῦ τοῦ υἱοῦ τοῦ πατρός, ἐν ἀληϑείᾳ καὶ ἀγάπῃ.
Verse: 4    ᾽Εχάρην λίαν ὅτι εὕρηκα ἐκ τῶν τέκνων σου περιπατοῦντας ἐν ἀληϑείᾳ, καϑὼς ἐντολὴν ἐλάβομεν παρὰ τοῦ πατρός.
Verse: 5    καὶ νῦν ἐρωτῶ σε, κυρία, οὐχ ὡς ἐντολὴν γράϕων σοι καινὴν ἀλλὰ ἣν εἴχομεν ἀπ' ἀρχῆς, ἵνα ἀγαπῶμεν ἀλλήλους.
Verse: 6    καὶ αὕτη ἐστὶν ἡ ἀγάπη, ἵνα περιπατῶμεν κατὰ τὰς ἐντολὰς αὐτοῦ· αὕτη ἡ ἐντολή ἐστιν, καϑὼς ἠκούσατε ἀπ' ἀρχῆς, ἵνα ἐν αὐτῇ περιπατῆτε.
Verse: 7    ὅτι πολλοὶ πλάνοι ἐξῆλϑον εἰς τὸν κόσμον, οἱ μὴ ὁμολογοῦντες ᾽Ιησοῦν Χριστὸν ἐρχόμενον ἐν σαρκί· οὗτός ἐστιν ὁ πλάνος καὶ ὁ ἀντίχριστος.
Verse: 8    βλέπετε ἑαυτούς, ἵνα μὴ ἀπολέσητε ἃ εἰργάσασϑε ἀλλὰ μισϑὸν πλήρη ἀπολάβητε.
Verse: 9    πᾶς ὁ προάγων καὶ μὴ μένων ἐν τῇ διδαχῇ τοῦ Χριστοῦ ϑεὸν οὐκ ἔχει· ὁ μένων ἐν τῇ διδαχῇ, οὗτος καὶ τὸν πατέρα καὶ τὸν υἱὸν ἔχει.
Verse: 10    εἴ τις ἔρχεται πρὸς ὑμᾶς καὶ ταύτην τὴν διδαχὴν οὐ ϕέρει, μὴ λαμβάνετε αὐτὸν εἰς οἰκίαν καὶ χαίρειν αὐτῷ μὴ λέγετε·
Verse: 11    ὁ λέγων γὰρ αὐτῷ χαίρειν κοινωνεῖ τοῖς ἔργοις αὐτοῦ τοῖς πονηροῖς.
Verse: 12    Πολλὰ ἔχων ὑμῖν γράϕειν οὐκ ἐβουλήϑην διὰ χάρτου καὶ μέλανος, ἀλλὰ ἐλπίζω γενέσϑαι πρὸς ὑμᾶς καὶ στόμα πρὸς στόμα λαλῆσαι, ἵνα ἡ χαρὰ ἡμῶν πεπληρωμένη ᾖ.
Verse: 13    ᾽Ασπάζεταί σε τὰ τέκνα τῆς ἀδελϕῆς σου τῆς ἐκλεκτῆς.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.