TITUS
Novum Testamentum graece
Part No. 239
Previous part

Book: 3.Jo. 
ΙΩΑΝΝΟΥ Γ

Epistola catholica beati Ioannis apostoli tertia




Chapter: _ 
Verse: 1    ῾Ο πρεσβύτερος Γαίῳ τῷ ἀγαπητῷ, ὃν ἐγὼ ἀγαπῶ ἐν ἀληϑείᾳ.
Verse: 2    ᾽Αγαπητέ, περὶ πάντων εὔχομαί σε εὐοδοῦσϑαι καὶ ὑγιαίνειν, καϑὼς εὐοδοῦταί σου ἡ ψυχή.
Verse: 3    ἐχάρην γὰρ λίαν ἐρχομένων ἀδελϕῶν καὶ μαρτυρούντων σου τῇ ἀληϑείᾳ, καϑὼς σὺ ἐν ἀληϑείᾳ περιπατεῖς.
Verse: 4    μειζοτέραν τούτων οὐκ ἔχω χαράν, ἵνα ἀκούω τὰ ἐμὰ τέκνα ἐν τῇ ἀληϑείᾳ περιπατοῦντα.
Verse: 5    ᾽Αγαπητέ, πιστὸν ποιεῖς ὃ ἐὰν ἐργάσῃ εἰς τοὺς ἀδελϕοὺς καὶ τοῦτο ξένους,
Verse: 6    οἳ ἐμαρτύρησάν σου τῇ ἀγάπῃ ἐνώπιον ἐκκλησίας, οὓς καλῶς ποιήσεις προπέμψας ἀξίως τοῦ ϑεοῦ·
Verse: 7    ὑπὲρ γὰρ τοῦ ὀνόματος ἐξῆλϑον μηδὲν λαμβάνοντες ἀπὸ τῶν ἐϑνικῶν.
Verse: 8    ἡμεῖς οὖν ὀϕείλομεν ὑπολαμβάνειν τοὺς τοιούτους, ἵνα συνεργοὶ γινώμεϑα τῇ ἀληϑείᾳ.
Verse: 9    ῎Εγραψά τι τῇ ἐκκλησίᾳ· ἀλλ' ὁ ϕιλοπρωτεύων αὐτῶν Διοτρέϕης οὐκ ἐπιδέχεται ἡμᾶς.
Verse: 10    διὰ τοῦτο, ἐὰν ἔλϑω, ὑπομνήσω αὐτοῦ τὰ ἔργα ἃ ποιεῖ, λόγοις πονηροῖς ϕλυαρῶν ἡμᾶς· καὶ μὴ ἀρκούμενος ἐπὶ τούτοις οὔτε αὐτὸς ἐπιδέχεται τοὺς ἀδελϕοὺς καὶ τοὺς βουλομένους κωλύει καὶ ἐκ τῆς ἐκκλησίας ἐκβάλλει.
Verse: 11    ᾽Αγαπητέ, μὴ μιμοῦ τὸ κακὸν ἀλλὰ τὸ ἀγαϑόν. ὁ ἀγαϑοποιῶν ἐκ τοῦ ϑεοῦ ἐστιν· ὁ κακοποιῶν οὐχ ἑώρακεν τὸν ϑεόν.
Verse: 12    Δημητρίῳ μεμαρτύρηται ὑπὸ πάντων καὶ ὑπὸ αὐτῆς τῆς ἀληϑείας· καὶ ἡμεῖς δὲ μαρτυροῦμεν, καὶ οἶδας ὅτι ἡ μαρτυρία ἡμῶν ἀληϑής ἐστιν.
Verse: 13    Πολλὰ εἶχον γράψαι σοι, ἀλλ' οὐ ϑέλω διὰ μέλανος καὶ καλάμου σοι γράϕειν·
Verse: 14    ἐλπίζω δὲ εὐϑέως σε ἰδεῖν, καὶ στόμα πρὸς στόμα λαλήσομεν.
Verse: 15    εἰρήνη σοι. ἀσπάζονταί σε οἱ ϕίλοι. ἀσπάζου τοὺς ϕίλους κατ' ὄνομα.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.