TITUS
Vetus Testamentum graece iuxta LXX interpretes
Part No. 745
Previous part

Chapter: 10 
Verse: 1d  Υἱὸς σοϕὸς εὐϕραίνει πατέρα,
υἱὸς δὲ ἄϕρων λύπη τῇ μητρί.
Verse: 2  οὐκ ὠϕελήσουσιν ϑησαυροὶ ἀνόμους,
δικαιοσύνη δὲ ῥύσεται ἐκ ϑανάτου.
Verse: 3  οὐ λιμοκτονήσει κύριος ψυχὴν δικαίαν,
ζωὴν δὲ ἀσεβῶν ἀνατρέψει.
Verse: 4  πενία ἄνδρα ταπεινοῖ,
χεῖρες δὲ ἀνδρείων πλουτίζουσιν.
Verse: 4a  υἱὸς πεπαιδευμένος σοϕὸς ἔσται,
τῷ δὲ ἄϕρονι διακόνῳ χρήσεται.
Verse: 5  διεσώϑη ἀπὸ καύματος υἱὸς νοήμων,
ἀνεμόϕϑορος δὲ γίνεται ἐν ἀμήτῳ υἱὸς παράνομος.
Verse: 6  εὐλογία κυρίου ἐπὶ κεϕαλὴν δικαίου,
στόμα δὲ ἀσεβῶν καλύψει πένϑος ἄωρον.
Verse: 7  μνήμη δικαίων μετ' ἐγκωμίων,
ὄνομα δὲ ἀσεβοῦς σβέννυται.
Verse: 8  σοϕὸς καρδίᾳ δέξεται ἐντολάς,
ὁ δὲ ἄστεγος χείλεσιν σκολιάζων ὑποσκελισϑήσεται.
Verse: 9  ὃς πορεύεται ἁπλῶς, πορεύεται πεποιϑώς,
ὁ δὲ διαστρέϕων τὰς ὁδοὺς αὐτοῦ γνωσϑήσεται.
Verse: 10  ὁ ἐννεύων ὀϕϑαλμοῖς μετὰ δόλου συνάγει ἀνδράσι λύπας,
ὁ δὲ ἐλέγχων μετὰ παρρησίας εἰρηνοποιεῖ.
Verse: 11  πηγὴ ζωῆς ἐν χειρὶ δικαίου,
στόμα δὲ ἀσεβοῦς καλύψει ἀπώλεια.
Verse: 12  μῖσος ἐγείρει νεῖκος,
πάντας δὲ τοὺς μὴ ϕιλονεικοῦντας καλύπτει ϕιλία.
Verse: 13  ὃς ἐκ χειλέων προϕέρει σοϕίαν,
ῥάβδῳ τύπτει ἄνδρα ἀκάρδιον.
Verse: 14  σοϕοὶ κρύψουσιν αἴσϑησιν,
στόμα δὲ προπετοῦς ἐγγίζει συντριβῇ.
Verse: 15  κτῆσις πλουσίων πόλις ὀχυρά,
συντριβὴ δὲ ἀσεβῶν πενία.
Verse: 16  ἔργα δικαίων ζωὴν ποιεῖ,
καρποὶ δὲ ἀσεβῶν ἁμαρτίας.
Verse: 17  ὁδοὺς δικαίας ζωῆς ϕυλάσσει παιδεία,
παιδεία δὲ ἀνεξέλεγκτος πλανᾶται.
Verse: 18  καλύπτουσιν ἔχϑραν χείλη δίκαια,
οἱ δὲ ἐκϕέροντες λοιδορίας ἀϕρονέστατοί εἰσιν.
Verse: 19  ἐκ πολυλογίας οὐκ ἐκϕεύξῃ ἁμαρτίαν,
ϕειδόμενος δὲ χειλέων νοήμων ἔσῃ.
Verse: 20  ἄργυρος πεπυρωμένος γλῶσσα δικαίου,
καρδία δὲ ἀσεβοῦς ἐκλείψει.
Verse: 21  χείλη δικαίων ἐπίσταται ὑψηλά,
οἱ δὲ ἄϕρονες ἐν ἐνδείᾳ τελευτῶσιν.
Verse: 22  εὐλογία κυρίου ἐπὶ κεϕαλὴν δικαίου·
αὕτη πλουτίζει, καὶ οὐ μὴ προστεϑῇ αὐτῇ λύπη ἐν καρδίᾳ.
Verse: 23  ἐν γέλωτι ἄϕρων πράσσει κακά,
ἡ δὲ σοϕία ἀνδρὶ τίκτει ϕρόνησιν.
Verse: 24  ἐν ἀπωλείᾳ ἀσεβὴς περιϕέρεται,
ἐπιϑυμία δὲ δικαίου δεκτή.
Verse: 25  παραπορευομένης καταιγίδος ἀϕανίζεται ἀσεβής,
δίκαιος δὲ ἐκκλίνας σῴζεται εἰς τὸν αἰῶνα.
Verse: 26  ὥσπερ ὄμϕαξ ὀδοῦσι βλαβερὸν καὶ καπνὸς ὄμμασιν,
οὕτως παρανομία τοῖς χρωμένοις αὐτήν.
Verse: 27  ϕόβος κυρίου προστίϑησιν ἡμέρας,
ἔτη δὲ ἀσεβῶν ὀλιγωϑήσεται.
Verse: 28  ἐγχρονίζει δικαίοις εὐϕροσύνη,
ἐλπὶς δὲ ἀσεβῶν ὄλλυται.
Verse: 29  ὀχύρωμα ὁσίου ϕόβος κυρίου,
συντριβὴ δὲ τοῖς ἐργαζομένοις κακά.
Verse: 30  δίκαιος τὸν αἰῶνα οὐκ ἐνδώσει,
ἀσεβεῖς δὲ οὐκ οἰκήσουσιν γῆν.
Verse: 31  στόμα δικαίου ἀποστάζει σοϕίαν,
γλῶσσα δὲ ἀδίκου ἐξολεῖται.
Verse: 32  χείλη ἀνδρῶν δικαίων ἀποστάζει χάριτας,
στόμα δὲ ἀσεβῶν ἀποστρέϕεται.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.