TITUS
Vetus Testamentum graece iuxta LXX interpretes
Part No. 769
Previous part

Chapter: 31 
Verse: 10  Γυναῖκα ἀνδρείαν τίς εὑρήσει;
τιμιωτέρα δέ ἐστιν λίϑων πολυτελῶν ἡ τοιαύτη.
Verse: 11  ϑαρσεῖ ἐπ' αὐτῇ ἡ καρδία τοῦ ἀνδρὸς αὐτῆς,
ἡ τοιαύτη καλῶν σκύλων οὐκ ἀπορήσει·
Verse: 12  ἐνεργεῖ γὰρ τῷ ἀνδρὶ ἀγαϑὰ πάντα τὸν βίον.
Verse: 13  μηρυομένη ἔρια καὶ λίνον ἐποίησεν εὔχρηστον ταῖς χερσὶν // αὐτῆς.
Verse: 14  ἐγένετο ὡσεὶ ναῦς ἐμπορευομένη μακρόϑεν,
συνάγει δὲ αὕτη τὸν βίον.
Verse: 15  καὶ ἀνίσταται ἐκ νυκτῶν
καὶ ἔδωκεν βρώματα τῷ οἴκῳ
καὶ ἔργα ταῖς ϑεραπαίναις.
Verse: 16  ϑεωρήσασα γεώργιον ἐπρίατο,
ἀπὸ δὲ καρπῶν χειρῶν αὐτῆς κατεϕύτευσεν κτῆμα.
Verse: 17  ἀναζωσαμένη ἰσχυρῶς τὴν ὀσϕὺν αὐτῆς
ἤρεισεν τοὺς βραχίονας αὐτῆς εἰς ἔργον.
Verse: 18  ἐγεύσατο ὅτι καλόν ἐστιν τὸ ἐργάζεσϑαι,
καὶ οὐκ ἀποσβέννυται ὅλην τὴν νύκτα ὁ λύχνος αὐτῆς.
Verse: 19  τοὺς πήχεις αὐτῆς ἐκτείνει ἐπὶ τὰ συμϕέροντα,
τὰς δὲ χεῖρας αὐτῆς ἐρείδει εἰς ἄτρακτον.
Verse: 20  χεῖρας δὲ αὐτῆς διήνοιξεν πένητι,
καρπὸν δὲ ἐξέτεινεν πτωχῷ.
Verse: 21  οὐ ϕροντίζει τῶν ἐν οἴκῳ ὁ ἀνὴρ αὐτῆς, ὅταν που χρονίζῃ·
πάντες γὰρ οἱ παρ' αὐτῆς ἐνδιδύσκονται.
Verse: 22  δισσὰς χλαίνας ἐποίησεν τῷ ἀνδρὶ αὐτῆς,
ἐκ δὲ βύσσου καὶ πορϕύρας ἑαυτῇ ἐνδύματα.
Verse: 23  περίβλεπτος δὲ γίνεται ἐν πύλαις ὁ ἀνὴρ αὐτῆς,
ἡνίκα ἂν καϑίσῃ ἐν συνεδρίῳ μετὰ τῶν γερόντων κατοίκων // τῆς γῆς.
Verse: 24  σινδόνας ἐποίησεν καὶ ἀπέδοτο,
περιζώματα δὲ τοῖς Χαναναίοις.
Verse: 25  στόμα αὐτῆς διήνοιξεν προσεχόντως καὶ ἐννόμως
καὶ τάξιν ἐστείλατο τῇ γλώσσῃ αὐτῆς.
Verse: 26  ἰσχὺν καὶ εὐπρέπειαν ἐνεδύσατο
καὶ εὐϕράνϑη ἐν ἡμέραις ἐσχάταις.
Verse: 27  στεγναὶ διατριβαὶ οἴκων αὐτῆς,
σῖτα δὲ ὀκνηρὰ οὐκ ἔϕαγεν.
Verse: 28  τὸ στόμα δὲ ἀνοίγει σοϕῶς καὶ νομοϑέσμως,
ἡ δὲ ἐλεημοσύνη αὐτῆς ἀνέστησεν τὰ τέκνα αὐτῆς, καὶ ἐπλούτησαν,
καὶ ὁ ἀνὴρ αὐτῆς ᾔνεσεν αὐτήν
Verse: 29  Πολλαὶ ϑυγατέρες ἐκτήσαντο πλοῦτον,
πολλαὶ ἐποίησαν δυνατά,
σὺ δὲ ὑπέρκεισαι καὶ ὑπερῆρας πάσας.
Verse: 30  ψευδεῖς ἀρέσκειαι καὶ μάταιον κάλλος γυναικός·
γυνὴ γὰρ συνετὴ εὐλογεῖται,
ϕόβον δὲ κυρίου αὕτη αἰνείτω.
Verse: 31  δότε αὐτῇ ἀπὸ καρπῶν χειρῶν αὐτῆς,
καὶ αἰνείσϑω ἐν πύλαις ὁ ἀνὴρ αὐτῆς. //




Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.