TITUS
Divyavadana
Part No. 4
Previous part

Chapter: 4 
********** Avadāna 4 **********

Page of edition: 41 
Line of edition: 1 
4 brāhmaṇadārikāvadānam \


Line of edition: 2    bʰagavān nyagrodʰikāmanuprāptaḥ \
Line of edition: 2    atʰa bʰagavān pūrvāhṇe nivāsya pātracīvaramādāya nyagrodʰikāṃ piṇḍāya prāvikṣat \
Line of edition: 2    kapilavastuno brāhmaṇasya dārikā nyagrodʰikāyāṃ niviṣṭā \
Line of edition: 3    adrākṣīt sā brāhmaṇadārikā bʰagavantaṃ dvātriṃśatā mahāpuruṣalakṣaṇaiḥ samalaṃkr̥tamaśītyānuvyañjanairvirājitagātraṃ vyāmaprabʰālaṃkr̥taṃ sūryasahasrātirekaprabʰaṃ jaṅgamamiva ratnaparvataṃ samantato bʰadrakam \
Line of edition: 5    sahadarśanādasyā etadabʰavat - ayaṃ sa bʰagavāñ śākyakulanandanaścakravartikulād rājyamapahāya spʰītamantaḥpuraṃ spʰītāni ca kośakoṣṭʰāgārāṇi pravrajita idānīṃ bʰikṣāmaṭate \
Line of edition: 6    yadi mamāntikātsaktukabʰikṣāṃ pratigr̥hṇīyāt, ahamasmai dadyāmiti \
Line of edition: 7    tato bʰagavatā tasyāścetasā cittamājñāya pātramupanāmitam - yadi te bʰagini parityaktam, ākīryatāmasmin pātra iti \
Line of edition: 8    tato bʰūyasyā mātrayā tasyāḥ prasāda utpannaḥ \
Line of edition: 9    jānāti me bʰagavāṃścetasā cittamiti viditvā tīvreṇa prasādena bʰagavate saktubʰikṣāṃ dattavatī \
Line of edition: 10    tato bʰagavatā smitamupadarśitam \
Line of edition: 10    dʰarmatā kʰalu yasmin samaye buddʰā bʰagavantaḥ smitaṃ prāviṣkurvanti, tasmin samaye nīlapītalohitāvadātāḥ puṣparāgapadmarāgavajravaiḍūryamusāragalvārkalohitakādakṣiṇāvartaśaṅkʰaśilāpravālajātarūparajatavarṇā arciṣo mukʰānniścārya kāścidadʰastādgaccʰanti, kāścidupariṣṭādgaccʰanti \
Line of edition: 13    yā adʰastādgaccʰanti, tāḥ saṃjīvaṃ kālasūtraṃ saṃgʰātaṃ rauravaṃ mahārauravaṃ tapanaṃ pratāpanamavīcimarbudaṃ nirarbudamaṭaṭaṃ hahava huhuvamutpalaṃ padmaṃ mahāpadmamavīciparyantān narakān gatvā ye uṣṇanarakāsteṣu śītībʰūtvā nipatanti, ye śītanarakāsteṣūṣṇībʰūtvā nipatanti \
Line of edition: 16    tenānugatāsteṣāṃ sattvānāṃ tasmin kṣaṇe kāraṇāviśeṣāḥ, te pratiprasrabʰyante \
Line of edition: 17    teṣāmevaṃ bʰavati - kiṃ nu vayaṃ bʰavantam itaścyutā āhosvidanyatropapannā iti \
Line of edition: 18    teṣāṃ prasādasaṃjananārtʰaṃ bʰagavānnirmitam {darśanam} visarjayati \
Line of edition: 19    teṣāṃ nirmitaṃ dr̥ṣṭvaivaṃ bʰavati - na hyeva vayaṃ bʰavanta itaścyutāḥ, nāpyanyatropapannā iti \
Line of edition: 20    te nirmite cittamabʰiprasādya tannarakavedanīyaṃ karma kṣapayitvā devamanuṣyeṣu pratisaṃdʰiṃ gr̥hṇanti, yatra satyānāṃ bʰājanabʰūtā bʰavanti \
Line of edition: 22    yā upariṣṭādgaccʰanti, tāścāturmahārājikān devān gatvā trāyastriṃśān yāmāṃstuṣitān nirmāṇaratīn paranirmitavaśavartino devān brahmakāyikān brahmapurohitān mahābrahmaṇaḥ parīttābʰānapramāṇābʰānābʰāsvarān parīttaśubʰānapramāṇaśubʰāñ śubʰakr̥tsnānanabʰrakān puṇyaprasavān br̥hatpʰalānabʰr̥hānatapān sudr̥śān sudarśānakaniṣṭʰaparyantān devān gatvā anityaṃ duḥkʰaṃ śūnyamanātmetyudgʰoṣayanti \
Line of edition: 26    gātʰādvayaṃ ca bʰāṣante -

Line of edition: 27       ārabʰadʰvaṃ niṣkrāmata yujyadʰvaṃ buddʰaśāsane \
Line of edition: 28       dʰunīta mr̥tyunaḥ sainyaṃ naḍāgāramiva kuñjaraḥ \\ 1 \\

Line of edition: 29       yo hyasmin dʰarmavinaye apramattaścariṣyati \
Line of edition: 30       prahāya jātisaṃsāraṃ duḥkʰasyāntaṃ kariṣyati \\ 2 \\

Page of edition: 42  Line of edition: 1    atʰa tā arciṣastrisāhasramahāsāhasraṃ lokadʰātumanvāhiṇḍya bʰagavantameva pr̥ṣṭʰataḥ pr̥ṣṭʰataḥ samanubaddʰā gaccʰanti \
Line of edition: 2    tadyadi bʰagavānatītaṃ vyākartukāmo bʰavati, pr̥ṣṭʰato 'ntardʰīyante \
Line of edition: 3    anāgataṃ vyākartukāmo bʰavati, purastādantardʰīyante \
Line of edition: 3    narakopapattiṃ vyākartukāmo bʰavati, pādatale 'ntardʰīyante \
Line of edition: 4    tiryagupapattiṃ vyākartukāmo bʰavati, pārṣṇyāmantardʰīyante \
Line of edition: 4    pretopapattiṃ vyākartukāmo bʰavati, pādāṅguṣṭʰe 'ntardʰīyante \
Line of edition: 5    manuṣyopapattiṃ vyākartukāmo bʰavati, jānunorantardʰīyante \
Line of edition: 6    balacakravartirājyaṃ vyākartukāmo bʰavati, vāme karatale 'ntardʰīyante \
Line of edition: 6    cakravartirājyaṃ vyākartukāmo bʰavati, dakṣiṇe karatale 'ntardʰīyante \
Line of edition: 7    śrāvakabodʰiṃ vyākartukāmo bʰavati, āsye 'ntardʰīyante \
Line of edition: 8    pratyekabodʰiṃ vyākartukāmo bʰavati, ūrṇāyāmantardʰīyante \
Line of edition: 8    yadi anuttarāṃ samyakṣambodʰiṃ vyākartukāmo bʰavati, uṣṇīṣe 'ntardʰīyante \\
Line of edition: 10    atʰa tā arciṣo bʰagavantaṃ triḥ pradakṣiṇīkr̥tyorṇāyāmantarhitāḥ \
Line of edition: 10    atʰāyuṣmānānandaḥ kr̥takarapuṭo bʰagavantaṃ papraccʰa -

Line of edition: 12       nānāvidʰo raṅgasahasracitro vaktrāntarānniṣkramitaḥ kalāpaḥ \
Line of edition: 14       avabʰāsitā yena diśaḥ samantāt divākareṇodayatā yatʰaiva \\ 3 \\

Line of edition: 16    gātʰādvayaṃ ca bʰāṣate -

Line of edition: 17       vigatodbʰavā dainyamadaprahīṇā buddʰā jagatyuttamahetubʰūtāḥ \
Line of edition: 19       nākāraṇaṃ śaṅkʰamr̥ṇālagauraṃ smitamupadarśayanti jinā jitārayaḥ \\ 4 \\

Line of edition: 21       tatkālaṃ svayamadʰigamya dʰīra buddʰyā śrotr̥̄ṇāṃ śramaṇa jinendra kāṅkṣitānām \
Line of edition: 23       dʰīrābʰirmunivr̥ṣa vāgbʰiruttamābʰirutpannaṃ vyapanaya saṃśayaṃ śubʰābʰiḥ \\ 5 \\

Line of edition: 25       nākasmāllavaṇajalādrirājadʰairyāḥ saṃbuddʰāḥ smitamupadarśayanti nātʰāḥ \
Line of edition: 27       yasyārtʰe smitamupadarśayanti dʰīrāstaṃ śrotuṃ samabʰilaṣanti te janaugʰāḥ \\ 6 \\ iti \

Line of edition: 29    bʰagavānāha - evametadānanda, evametat \
Line of edition: 29    nāhetupratyayamānanda tatʰāgatā arhantaḥ samyakṣambuddʰāḥ smitaṃ prāviṣkurvanti \
Line of edition: 30    samyakṣambuddʰāḥ smitaṃ prāviṣkurvanti \
Line of edition: 30    dr̥ṣṭā tavaiṣā sā ānanda brāhmaṇadārikā, yayā <43> prasādajātayā mahyaṃ saktubʰikṣānupradattā ? dr̥ṣṭā bʰadanta \
Page of edition: 43  Line of edition: 1    asāvānanda brāhmaṇadārikā anena kuśalamūlena trayodaśa kalpān vinipātaṃ na gamiṣyati \
Line of edition: 2    kiṃ tarhi devāṃśca manuṣyāṃśca saṃvācyasaṃsr̥tya paścime bʰave paścime nikete paścime samuccʰraye paścima ātmabʰāvapratilambʰe suparṇihito nāma pratyekabuddʰo bʰaviṣyati \
Line of edition: 4    sāmantakena śabdo visr̥taḥ - amukayā brāhmaṇadārikā prasādajātayā bʰagavate saktubʰikṣā pratipāditā, sā bʰagavatā pratyekāyāṃ bodʰau vyākr̥teti \
Line of edition: 6    tasyāśca svāmī puṣpasamidʰāmartʰāyāraṇyaṃ gataḥ \
Line of edition: 6    tena śrutaṃ mama patnyā śramaṇāya gautamāya saktubʰikṣā pratipāditā, sā ca śramaṇena gautamena pratyekāyāṃ bodʰau vyākr̥tā iti \
Line of edition: 8    śrutvā punaḥ saṃjātāmarṣo yena bʰagavāṃstenopasaṃkrāntaḥ \
Line of edition: 8    bʰagavatā sārdʰaṃ saṃmukʰaṃ saṃmodanīṃ saṃrañjanīṃ vividʰāṃ katʰāṃ vyatisārya bʰagavantamidamavocat - agamadbʰavān gautamo 'smākaṃ niveśanam? agamaṃ brāhmaṇa \
Line of edition: 10    satyaṃ bʰavate tayā mama patnyā saktubʰikṣā pratipāditā, sā ca tvayā pratyekāyāṃ bodʰau vyākr̥tā iti? satyaṃ brāhmaṇa \
Line of edition: 11    tvaṃ gautama cakravartirājyamapahāya pravrajitaḥ \
Line of edition: 11    katʰaṃ nāma tvametarhi saktubʰikṣāhetoḥ saṃprajānan mr̥ṣāvādaṃ saṃbʰāṣase, kaste śraddʰāsyati iyatpramāṇasya bījasyetat pʰalamiti? tena hi brāhmaṇa tvameva prakṣyāmi, yatʰā te kṣamate tatʰaivaṃ vyākuru \
Line of edition: 14    kiṃ manyase brāhmaṇa asti kaścittvayā āścaryādbʰuto dʰarmo dr̥ṣṭah? tiṣṭʰantu tāvat bʰo gautama anye āścaryādbʰutā dʰarmāḥ \
Line of edition: 15    yo mayā asyāmeva nyagrodʰikāyāmāścaryādbʰuto dʰarmo dr̥ṣṭaḥ, sa tāvaccʰrūyatām \
Line of edition: 16    asyāṃ bʰo gautama nyagrodʰikāyāṃ pūrveṇa nyagrodʰo vr̥kṣo yasya nāṃneyaṃ nyagrodʰikā, tasyādʰastāt pañca śakaṭaśatāni asaṃsaktāni tiṣṭʰanti anyonyāsambādʰamānāni \
Line of edition: 18    kiyatpramāṇaṃ tasya nyagrodʰasya pʰalam? kiyat tāvat? kedāramātram \
Line of edition: 18    no bʰo gautama kiliñjamātram \
Line of edition: 19    tailikacakramātram \
Line of edition: 19    śakaṭacakramātram \
Line of edition: 19    gopiṭakamātram \
Line of edition: 19    bilvamātram \
Line of edition: 20    kapittʰamātram? no bʰo gautama sarṣapacatuṣṭayabʰāgamātram \
Line of edition: 20    kaste śraddʰāsyati iyatpramāṇasya bījasyāyaṃ mahāvr̥kṣo nirvr̥tta iti? śraddadʰātu me bʰavān gautamo mā vā \
Line of edition: 21    naitat pratyakṣaṃ kṣetram \
Line of edition: 22    tāvadbʰo gautama nirupahataṃ snigdʰamadʰuramr̥ttikāpradeśaṃ bījaṃ ca navasāraṃ sukʰāropitam \
Line of edition: 23    kālena ca kālaṃ devo vr̥ṣyate, tenāyaṃ mahānyagrodʰavr̥kṣo 'bʰinirvr̥ttaḥ \
Line of edition: 23    atʰa bʰagavānasminnutpanne gātʰāṃ bʰāṣate -

Line of edition: 25       yatʰā kṣetre ca bījena pratyakṣastvamiha dvija \
Line of edition: 26       evaṃ karmavipākeṣu pratyakṣā hi tatʰāgatāḥ \\ 7 \\

Line of edition: 27       yatʰā tvayā brāhmaṇa dr̥ṣametadalpaṃ ca bījaṃ sumahāṃśca vr̥kṣaḥ \
Line of edition: 29       evaṃ mayā brāhmaṇa dr̥ṣṭametat alpaṃ ca bījaṃ mahatī ca saṃpat \\ 8 \\ iti \\

Line of edition: 31    tato bʰagavatā mukʰāt jihvāṃ nir namayya sarvaṃ mukʰamaṇḍalamāccʰāditam yāvat keśaparyantamupādāya, sa ca brāhmaṇo 'bʰihitaḥ - kiṃ manyase brāhmaṇa yasya mukʰāt jihvāṃ niścārya sarvam <44> mukʰamaṇḍalamāccʰādayati, api tvasau cakravartirājyaśatasahasrahetorapi saṃprajānan mr̥ṣāvadāṃ bʰāṣeta? no bʰo gautama \
Page of edition: 44  Line of edition: 2    tato 'nveva gātʰāṃ bʰāṣate -

Line of edition: 3       apyeva hi syādanr̥tābʰidʰāyinī mameha jihvārjavasatyavāditā \
Line of edition: 5       tadevametanna yatʰā hi brāhmaṇa tatʰāgato 'smītyavagantumarhasi \\ 9 \\

Line of edition: 7    atʰa sa brāhmaṇo 'bʰiprasannaḥ \
Line of edition: 7    tato 'sya bʰagavatā āśayānuśayaṃ dʰātuṃ prakr̥tiṃ ca jñātvā tādr̥śī caturāryasatyasamprativedʰikī dʰarmadeśanā kr̥tā, yāṃ śrutvā brāhmaṇena viṃśatiśikʰarasamudgataṃ satkāyadr̥ṣṭiśailaṃ jñānavajreṇa bʰittvā srotāpattipʰalaṃ sākṣātkr̥tam - atikrānto 'haṃ bʰadanta atikrāntaḥ \
Line of edition: 10    eṣo 'haṃ bʰagavantaṃ śaraṇaṃ gaccʰāmi dʰarmaṃ ca bʰikṣusaṃgʰaṃ ca \
Line of edition: 10    upāsakaṃ ca māṃ dʰāraya adyāgreṇa yāvajjīvaṃ prāṇopetaṃ śaraṇaṃ gatamabʰiprasannam \
Line of edition: 11    atʰa sa brāhmaṇo bʰagavato bʰāṣitamabʰinandyānumodya bʰagavataḥ pādau śirasā vanditvā uttʰāyāsanāt prakrāntaḥ \\
Line of edition: 13    idamavocadbʰagavān \
Line of edition: 13    āttamanasaste bʰikṣavo bʰagavato bʰāṣitamabʰyanandan \\

Line of edition: 14    iti śrīdivyāvadāne brāhmaṇadārikāvadānaṃ caturtʰam \\




Next part


This text is part of the TITUS edition of Divyavadana.

Copyright TITUS Project, Frankfurt a/M, 5.8.2012. No parts of this document may be republished in any form without prior permission by the copyright holder.