TITUS
Kautiliya Arthasastra: Part No. 102

Book: 5 

Chapter: 1 
Sentence: 47 
    durgarāṣṭradūṣyān vā sattriṇaḥ parasparasyāveśanikān kārayeyuḥ //
   durga-rāṣṭra-dūṣyān vā sattriṇaḥ parasparasya+ āveśanikān kārayeyuḥ //

Sentence: 48 
    tatra rasadā rasaṃ dadyuḥ //
   tatra rasadā rasaṃ dadyuḥ //

Sentence: 49 
    tena doṣeṇetare niyantavyāḥ //
   tena doṣeṇa+ itare niyantavyāḥ //

Sentence: 50 
    bʰikṣukī vā dūṣyarāṣṭramukʰyaṃ "dūṣyarāṣṭramukʰyasya bʰāryā snuṣā duhitā vā kāmayate" ity upajapet //
   bʰikṣukī vā dūṣya-rāṣṭra-mukʰyaṃ "dūṣya-rāṣṭra-mukʰyasya bʰāryā snuṣā duhitā vā kāmayate" ity upajapet //

Sentence: 51 
    pratipannasyābʰaraṇam ādāya svāmine darśayet "asau te mukʰyo yauvanotsikto bʰāryāṃ snuṣāṃ duhitaraṃ vābʰimanyate" iti //
   pratipannasya+ ābʰaraṇam ādāya svāmine darśayet "asau te mukʰyo yauvana-utsikto bʰāryāṃ snuṣāṃ duhitaraṃ vā+ abʰimanyate" iti //

Sentence: 52 
    tayoḥ kalaho rātrau iti samānam //
   tayoḥ kalaho rātrau iti samānam //

Sentence: 53 
    dūṣyadaṇḍopanateṣu tu - yuvarājaḥ senāpatir vā kiṃcid apakr̥tyāpakrānto vikrameta //
   dūṣya-daṇḍa-upanateṣu tu - yuva-rājaḥ senā-patir vā kiṃcid apakr̥tya+ apakrānto vikrameta //

Sentence: 54 
    tato rājā dūṣyadaṇḍopanatān eva preṣayet pʰalgubalatīkṣṇayuktān iti samānāḥ sarva eva yogāḥ //
   tato rājā dūṣya-daṇḍa-upanatān eva preṣayet pʰalgu-bala-tīkṣṇa-yuktān iti samānāḥ sarva eva yogāḥ //

Sentence: 55 
    teṣāṃ ca putreṣv anukṣiyatsu yo nirvikāraḥ sa pitr̥dāyaṃ labʰeta //
   teṣāṃ ca putreṣv anukṣiyatsu yo nirvikāraḥ sa pitr̥-dāyaṃ labʰeta //

Sentence: 56 
    evam asya putrapautrān anuvartate rājyam apāstapuruṣadoṣam //
   evam asya putra-pautrān anuvartate rājyam apāsta-puruṣa-doṣam //


Sentence: 57ab 
    svapakṣe parapakṣe vā tūṣṇīṃ daṇḍaṃ prayojayet /
   sva-pakṣe para-pakṣe vā tūṣṇīṃ daṇḍaṃ prayojayet /

Sentence: 57cd 
    āyatyāṃ ca tadātve ca kṣamāvān aviśaṅkitaḥ //E
   āyatyāṃ ca tadātve ca kṣamāvān aviśaṅkitaḥ //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.