TITUS
Hitopadesa: Part No. 18

Paragraph: 7 
Sentence: 1 
    sa cedam ākarṇya brahmarākṣaso mām apūpujat \
   sa+ ca_idam ākarṇya brahma-rākṣaso+ mām apūpujat \

Sentence: 2 
    asminn eva kṣaṇe nātiprauḍʰapumnāgamukulastʰūlāni muktāpʰalāni saha salilabindubʰir ambaratalād apatan \
   asminn+ eva kṣaṇe na_ati-prauḍʰa-pumnāga-mukula-stʰūlāni muktā-pʰalāni saha salila-bindubʰir+ ambara-talād+ apatan \

Sentence: 3 
    ahaṃ tu "kiṃ nv idam" ity uccakṣur ālokayan kamapi rākṣasaṃ kāñcid aṅganāṃ viceṣṭamānagātrām ākarṣantam apaśyam \
   ahaṃ+ tu "kiṃ+ nv+ idam" ity+ uc-cakṣur+ ālokayan kam=api rākṣasaṃ+ kāñ=cid+ aṅganāṃ+ viceṣṭamāna-gātrām ākarṣantam apaśyam \

Sentence: 4 
    katʰam apaharaty akāmām api striyam anācāro nairr̥ta iti gaganagamanamandaśaktir aśastraś cātapye \
   katʰam apaharaty+ a-kāmām api striyam an-ācāro+ nairr̥ta+ iti gagana-gamana-manda-śaktir+ a-śastraś+ ca_atapye \

Sentence: 5 
    sa tu matsambandʰī brahmarākṣasaḥ "tiṣṭʰa tiṣṭʰa pāpa kvāpaharasi" iti bʰartsayann uttʰāya rākṣasena sama sr̥jyata \
   sa+ tu mat-sambandʰī brahma-rākṣasaḥ "tiṣṭʰa tiṣṭʰa pāpa kva_apaharasi" iti bʰartsayann+ uttʰāya rākṣasena sama sr̥jyata \

Sentence: 6 
    tāṃ tu roṣād anapekṣāpaviddʰām amaravr̥kṣamañjarīm ivāntarikṣād āpatantīm unmukʰaprasāritobʰayakaraḥ karābʰyām agrahīṣam \
   tāṃ+ tu roṣād+ an-apekṣā-apaviddʰām amara-vr̥kṣa-mañjarīm iva_antarikṣād+ āpatantīm unmukʰa-prasārita-ubʰaya-karaḥ karābʰyām agrahīṣam \

Sentence: 7 
    upagr̥hya ca vepamānāṃ sammīlitākṣīṃ madaṅgasparśasukʰenodbʰinnaromāñcāṃ tādr̥śīm eva tām anavatārayann atiṣṭʰam \
   upagr̥hya ca vepamānāṃ+ sammīlita-akṣīṃ+ mad-aṅga-sparśa-sukʰenā_udbʰinna-romāñcāṃ+ tādr̥śīm eva tām an-avatārayann+ atiṣṭʰam \

Sentence: 8 
    tāvat tāv ubʰāv api śailaśr̥ṅgabʰaṅgaiḥ pādapaiś ca rabʰasonmūlitair muṣṭipādaprahāraiś ca parasparam akṣapayetām \
   tāvat tāv+ ubʰāv+ api śaila-śr̥ṅga-bʰaṅgaiḥ pādapaiś+ ca rabʰasa-unmūlitair+ muṣṭi-pāda-prahāraiś+ ca paras-param akṣapayetām \

Sentence: 9 
    punar aham atimr̥duni pulinavati kusumalavalāñcʰite sarastīre ʼvaropya saspr̥haṃ Page of edition: 171 nirvarṇayams tāṃ matprāṇaikavallabʰāṃ rājakanyāṃ kandukavatīm alakṣyam \
   punar+ aham ati-mr̥duni pulinavati kusuma-lava-lāñcʰite saras-tīre+ +avaropya sa-spr̥haṃ+ Page of edition: 171 nirvarṇayams+ tāṃ+ mat-prāṇa-eka-vallabʰāṃ+ rāja-kanyāṃ+ kandukavatīm alakṣyam \

Sentence: 10 
    sā hi mayā samāśvāsyamānā tiryaṅ mām abʰinirūpya jātapratyabʰijñā sakaruṇam arodīt \
   sā hi mayā samāśvāsyamānā tiryaṅ+ mām abʰinirūpya jāta-pratyabʰijñā sa-karuṇam arodīt \

Sentence: 11 
    avādīc ca - "nātʰa tvaddarśanād upoḍʰarāgā tasmin kandukotsave punaḥ sakʰyā candrasenayā tvatkatʰābʰir eva samāśvāsitāsmi \
   avādīc+ ca - "nātʰa tvad-darśanād+ upoḍʰa-rāgā tasmin kanduka-utsave punaḥ sakʰyā candra-senayā tvat-katʰābʰir+ eva samāśvāsitā_asmi \

Sentence: 12 
    tvaṃ kila samudramadʰye majjitaḥ pāpena madbʰrātrā bʰīmadʰanvanā iti śrutvā sakʰījanaṃ parijanaṃ ca vañcayitvā jīvitaṃ jihāsur ekākinī krīḍāvanam upāgamam \
   tvaṃ+ kila samudra-madʰye majjitaḥ pāpena mad-bʰrātrā bʰīma-dʰanvanā iti śrutvā sakʰī-janaṃ+ parijanaṃ+ ca vañcayitvā jīvitaṃ+ jihāsur+ ekākinī krīḍā-vanam upāgamam \

Sentence: 13 
    tatra ca mām acakamata kāmarūpa eṣa rākṣasādʰamaḥ \
   tatra ca mām acakamata kāma-rūpa eṣa+ rākṣasa-adʰamaḥ \

Sentence: 14 
    so ʼyaṃ mayā bʰītayāvadʰūtaprārtʰanaḥ spʰurantīṃ māṃ nigr̥hyābʰyadʰāvat \
   so+ +ayaṃ+ mayā bʰītayā_avadʰūta-prārtʰanaḥ spʰurantīṃ+ māṃ+ nigr̥hya_abʰyadʰāvat \

Sentence: 15 
    atraivam avasito ʼbʰūt \
   atra_evam avasito+ +abʰūt \

Sentence: 16 
    ahaṃ ca daivāt tavaiva jīvita īśasya haste patitā \
   ahaṃ+ ca daivāt tava_eva jīvita īśasya haste patitā \

Sentence: 17 
    bʰadraṃ tava" iti \
   bʰadraṃ+ tava" iti \

Sentence: 18 
    śrutvā ca tayā sahāvaruhya nāvam adʰyāroham \
   śrutvā ca tayā saha_avaruhya nāvam adʰyāroham \

Sentence: 19 
    muktā ca nauḥ prativātapreritā tām eva dāmaliptāṃ pratyupā tiṣṭʰat \
   muktā ca nauḥ prati-vāta-preritā tām eva dāma-liptāṃ+ pratyupā tiṣṭʰat \

Sentence: 20 
    avarūḍʰāś ca vayam aśrameṇa \
   avarūḍʰāś+ ca vayam a-śrameṇa \

Sentence: 21 
    "tanayasya ca tanayāyāś ca nāśād ananyāpatyas tuṅgadʰanvā suhmapatir niṣkalaḥ svayaṃ sakalatra eva niṣkalaṅkagaṅgārodʰasy anaśanenoparantuṃ pratiṣṭʰate \
   "tanayasya ca tanayāyāś+ ca nāśād+ an-anya-apatyas+ tuṅga-dʰanvā suhma-patir+ niṣ-kalaḥ svayaṃ+ sa-kalatra+ eva niṣ-kalaṅka-gaṅgā-rodʰasy+ an-aśanenā_uparantuṃ+ pratiṣṭʰate \

Sentence: 22 
    saha tena martum iccʰaty ananyanātʰo ʼnuraktaḥ pauravr̥ddʰalokaḥ" \
   saha tena martum iccʰaty+ an-anya-nātʰo+ +anuraktaḥ paura-vr̥ddʰa-lokaḥ" \

Sentence: 23 
    ity aśrumukʰīnāṃ prajānām ākrandam aśr̥ṇuma \
   ity+ aśru-mukʰīnāṃ+ prajānām ākrandam aśr̥ṇuma \

Sentence: 24 
    atʰāham asmai rājñe yatʰāvr̥ttam ākʰyāya tadapatyadvayaṃ pratyarpitavān \
   atʰa_aham asmai rājñe yatʰā-vr̥ttam ākʰyāya tad-apatya-dvayaṃ+ pratyarpitavān \

Sentence: 25 
    prītena tena jāmātā kr̥to ʼsmi dāmalipteśvareṇa \
   prītena tena jāmātā kr̥to+ +asmi dāma-lipta-īśvareṇa \

Sentence: 26 
    tatputro madanujīvī jātaḥ \
   tat-putro+ mad-anujīvī jātaḥ \

Sentence: 27 
    madājñaptena cāmunā prāṇavad ujjʰitā candrasenā kośadāsam abʰajat \
   mad-ājñaptena ca_amunā prāṇavad+ ujjʰitā candra-senā kośa-dāsam abʰajat \

Sentence: 28 
    tataś ca simhavarmasāhāyyārtʰam atrāgatya bʰartus tava darśanotsavasukʰam anubʰavāmi" iti \
   tataś+ ca simha-varma-sāhāyya-artʰam atra_āgatya bʰartus+ tava darśana-utsava-sukʰam anubʰavāmi" iti \

Sentence: 29 
    śrutvā "citreyaṃ daivagatiḥ \
   śrutvā "citrā_iyaṃ+ daiva-gatiḥ \

Sentence: 30 
    avasareṣu puṣkalaḥ puruṣakāraḥ" \
   avasareṣu puṣkalaḥ puruṣa-kāraḥ" \

Sentence: 31 
    ity abʰidʰāya bʰūyaḥ smitābʰiṣiktadantaccʰado mantragupte harṣotpʰullaṃ cakṣuḥ Page of edition: 172 pātayāmāsa devo rājavāhanaḥ \
   ity+ abʰidʰāya bʰūyaḥ smita-abʰiṣikta-danta-ccʰado+ mantra-gupte harṣa-utpʰullaṃ+ cakṣuḥ Page of edition: 172 pātayāmāsa devo+ rāja-vāhanaḥ \

Sentence: 32 
    sa kila karakamalena kiñcitsamvr̥tānano lalitavallabʰārabʰasadattadantakṣatavyasanavihvalādʰaramaṇir niroṣṭʰyavarṇam ātmacaritam ācacakṣe - \
   sa+ kila kara-kamalena kiñ=cit-samvr̥ta-ānano+ lalita-vallabʰā-rabʰasa-datta-danta-kṣata-vyasana-vihvala-adʰara-maṇir+ nir-oṣṭʰya-varṇam ātma-caritam ācacakṣe - \


Sentence:  
    [iti śrī daṇḍinaḥ kr̥tau daśakumāracarite mitraguptacaritaṃ nāma ṣaṣṭʰa uccʰvāsaḥ]
   [iti śrī daṇḍinaḥ kr̥tau daśa-kumāra-carite mitra-gupta-caritaṃ+ nāma ṣaṣṭʰa+ uccʰvāsaḥ]


Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.