TITUS
Mahabharata
Part No. 1482
Previous part

Chapter: 154 
Adhyāya 154


Verse: 1  {Yudʰiṣṭʰira uvāca}
Halfverse: a    svādʰyāyakr̥tayatnasya   brāhmaṇasya pitāmaha
   svādʰyāya-kr̥ta-yatnasya   brāhmaṇasya pitāmaha /
Halfverse: c    dʰarmakāmasya dʰarmātman   kiṃ nu śreya ihocyate
   dʰarma-kāmasya dʰarma_ātman   kiṃ nu śreya\ iha_ucyate /1/

Verse: 2 
Halfverse: a    bahudʰā dʰarśane loke   śreyo yad iha manyase
   bahudʰā dʰarśane loke   śreyo yad iha manyase /
Halfverse: c    asmim̐l loke pare caiva   tan me brūhi pitāmaha
   asmim̐l loke pare caiva   tan me brūhi pitāmaha /2/

Verse: 3 
Halfverse: a    mahān ayaṃ dʰarmapatʰo   bahuśākʰaś ca bʰārata
   mahān ayaṃ dʰarma-patʰo   bahu-śākʰaś ca bʰārata /
Halfverse: c    kiṃ svid eveha dʰarmāṇām   anuṣṭʰeyatamaṃ matam
   kiṃ svid eva_iha dʰarmāṇām   anuṣṭʰeyatamaṃ matam /3/

Verse: 4 
Halfverse: a    dʰarmasya mahato rājan   bahuśākʰasya tattvataḥ
   dʰarmasya mahato rājan   bahu-śākʰasya tattvataḥ /
Halfverse: c    yan mūlaṃ paramaṃ tāta   tat sarvaṃ brūhy atandritaḥ
   yan mūlaṃ paramaṃ tāta   tat sarvaṃ brūhy atandritaḥ /4/

Verse: 5  {Bʰīṣma uvāca}
Halfverse: a    hanta te katʰayiṣyāmi   yena śreyaḥ prapatsyase
   hanta te katʰayiṣyāmi   yena śreyaḥ prapatsyase /
Halfverse: c    pītvāmr̥tam iva prājño   jñānatr̥pto bʰaviṣyasi
   pītvā_amr̥tam iva prājño   jñāna-tr̥pto bʰaviṣyasi /5/

Verse: 6 
Halfverse: a    dʰarmasya vidʰayo naike   te te proktā maharṣibʰiḥ
   dʰarmasya vidʰayo na_eke   te te proktā maharṣibʰiḥ /
Halfverse: c    svaṃ svaṃ vijñānam āśritya   damas teṣāṃ parāyaṇam
   svaṃ svaṃ vijñānam āśritya   damas teṣāṃ parāyaṇam /6/

Verse: 7 
Halfverse: a    damaṃ niḥśreyasaṃ prāhur   vr̥ddʰā niścayadarśinaḥ
   damaṃ niḥśreyasaṃ prāhur   vr̥ddʰā niścaya-darśinaḥ /
Halfverse: c    brāhmaṇasya viśeṣeṇa   damo dʰarmaḥ sanātanaḥ
   brāhmaṇasya viśeṣeṇa   damo dʰarmaḥ sanātanaḥ /7/

Verse: 8 
Halfverse: a    nādāntasya kriyā siddʰir   yatʰāvad upalabʰyate {!}
   nādāntasya kriyā siddʰir   yatʰāvad upalabʰyate / {!}
Halfverse: c    damo dānaṃ tatʰā yajñān   adʰītaṃ cātivartate
   damo dānaṃ tatʰā yajñān   adʰītaṃ ca_ativartate /8/

Verse: 9 
Halfverse: a    damas tejo vardʰayati   pavitraṃ ca damaḥ param
   damas tejo vardʰayati   pavitraṃ ca damaḥ param /
Halfverse: c    vipāpmā tejasā yuktaḥ   puruṣo vindate mahat
   vipāpmā tejasā yuktaḥ   puruṣo vindate mahat /9/

Verse: 10 
Halfverse: a    damena sadr̥śaṃ dʰarmaṃ   nānyaṃ lokeṣu śuśruma
   damena sadr̥śaṃ dʰarmaṃ   na_anyaṃ lokeṣu śuśruma /
Halfverse: c    damo hi paramo loke   praśastaḥ sarma dʰarmiṇām
   damo hi paramo loke   praśastaḥ sarma dʰarmiṇām /10/

Verse: 11 
Halfverse: a    pretya cāpi manuṣyendra   paramaṃ vindate sukʰam
   pretya ca_api manuṣya_indra   paramaṃ vindate sukʰam /
Halfverse: c    damena hi samāyukto   mahāntaṃ dʰarmam aśnute
   damena hi samāyukto   mahāntaṃ dʰarmam aśnute /11/

Verse: 12 
Halfverse: a    sukʰaṃ dāntaḥ prasvapiti   sukʰaṃ ca pratibudʰyate
   sukʰaṃ dāntaḥ prasvapiti   sukʰaṃ ca pratibudʰyate /
Halfverse: c    sukʰaṃ paryeti lokāṃś ca   manaś cāsya prasīdati
   sukʰaṃ paryeti lokāṃś ca   manaś ca_asya prasīdati /12/

Verse: 13 
Halfverse: a    adāntaḥ puruṣaḥ kleśam   abʰīkṣṇaṃ pratipadyate
   adāntaḥ puruṣaḥ kleśam   abʰīkṣṇaṃ pratipadyate /
Halfverse: c    anartʰāṃś ca bahūn anyān   prasr̥jaty ātmadoṣajān
   anartʰāṃś ca bahūn anyān   prasr̥jaty ātma-doṣajān /13/

Verse: 14 
Halfverse: a    āśrameṣu caturṣv āhur   damam evottamaṃ vratam
   āśrameṣu caturṣv āhur   damam eva_uttamaṃ vratam /
Halfverse: c    tasya liṅgāni vakṣyāmi   yeṣāṃ samudayo damaḥ
   tasya liṅgāni vakṣyāmi   yeṣāṃ samudayo damaḥ /14/

Verse: 15 
Halfverse: a    kṣamā dʰr̥tir ahiṃsā ca   samatā satyam ārjavam
   kṣamā dʰr̥tir ahiṃsā ca   samatā satyam ārjavam /
Halfverse: c    indriyāvajayo dākṣyaṃ   mārdavaṃ hrīr acāpalam
   indriya_avajayo dākṣyaṃ   mārdavaṃ hrīr acāpalam /15/

Verse: 16 
Halfverse: a    akārpaṇyam asaṃrambʰaḥ   saṃtoṣaḥ priyavāditā
   akārpaṇyam asaṃrambʰaḥ   saṃtoṣaḥ priya-vāditā /
Halfverse: c    avivitsānasūyā cāpy   eṣāṃ samudayo damaḥ
   avivitsā_anasūyā ca_apy   eṣāṃ samudayo damaḥ /16/

Verse: 17 
Halfverse: a    guru pūjā ca kauravya   dayā bʰūteṣv apaiśunam
   guru pūjā ca kauravya   dayā bʰūteṣv apaiśunam /
Halfverse: c    janavādo 'mr̥ṣā vādaḥ   stutinindā vivarjanam
   jana-vādo_amr̥ṣā vādaḥ   stuti-nindā vivarjanam /17/

Verse: 18 
Halfverse: a    kāmaḥ krodʰaś ca lobʰaś ca   darpaḥ stambʰo vikattʰanam
   kāmaḥ krodʰaś ca lobʰaś ca   darpaḥ stambʰo vikattʰanam /
Halfverse: c    moha īrṣyāvamānaś cety   etad dānto na sevate
   moha\ īrṣyā_avamānaś ca_ity   etad dānto na sevate /18/

Verse: 19 
Halfverse: a    anindito hy akāmātmātʰālpeccʰo   'tʰānasūyakaḥ
   anindito hy akāma_ātmā_atʰa_alpa_iccʰo_   _atʰa_anasūyakaḥ /
Halfverse: c    samudrakalpaḥ sa naro   na kadā cana pūryate
   samudra-kalpaḥ sa naro   na kadācana pūryate /19/

Verse: 20 
Halfverse: a    ahaṃ tvayi mama tvaṃ ca   mayi te teṣu cāpy aham
   ahaṃ tvayi mama tvaṃ ca   mayi te teṣu ca_apy aham /
Halfverse: c    pūrvasaṃbandʰisaṃyogān   naitad dānto niṣevate
   pūrva-saṃbandʰi-saṃyogān   na_etad dānto niṣevate /20/

Verse: 21 
Halfverse: a    sarvā grāmyās tatʰāraṇyā   yāś ca loke pravr̥ttayaḥ
   sarvā grāmyās tatʰā_āraṇyā   yāś ca loke pravr̥ttayaḥ /
Halfverse: c    nindāṃ caiva praśaṃsāṃ ca   yo nāśrayati mucyate
   nindāṃ caiva praśaṃsāṃ ca   yo na_āśrayati mucyate /21/

Verse: 22 
Halfverse: a    maitro 'tʰa śīlasaṃpannaḥ   susahāya paraś ca yaḥ
   maitro_atʰa śīla-saṃpannaḥ   susahāya paraś ca yaḥ /
Halfverse: c    muktaś ca vividʰaiḥ saṅgais   tasya pretya mahat pʰalam
   muktaś ca vividʰaiḥ saṅgais   tasya pretya mahat pʰalam /22/

Verse: 23 
Halfverse: a    suvr̥ttaḥ śīlasaṃpannaḥ   prasannātmātmavid budʰaḥ
   suvr̥ttaḥ śīla-saṃpannaḥ   prasanna_ātmā_ātmavid budʰaḥ /
Halfverse: c    prāpyeha loke satkāraṃ   sugatiṃ pratipadyate
   prāpya_iha loke satkāraṃ   sugatiṃ pratipadyate /23/

Verse: 24 
Halfverse: a    karma yac cʰubʰam eveha   sadbʰir ācaritaṃ ca yat
   karma yat śubʰam eva_iha   sadbʰir ācaritaṃ ca yat /
Halfverse: c    tad eva jñānayuktasya   muner dʰarmo na hīyate
   tad eva jñāna-yuktasya   muner dʰarmo na hīyate /24/

Verse: 25 
Halfverse: a    niṣkramya vanam āstʰāya   jñānayukto jitendriyaḥ
   niṣkramya vanam āstʰāya   jñāna-yukto jita_indriyaḥ /
Halfverse: c    kālākāṅkṣī carann evaṃ   brahmabʰūyāya kalpate
   kāla_ākāṅkṣī carann evaṃ   brahma-bʰūyāya kalpate /25/

Verse: 26 
Halfverse: a    abʰayaṃ yasya bʰūtebʰyo   bʰūtānām abʰayaṃ yataḥ
   abʰayaṃ yasya bʰūtebʰyo   bʰūtānām abʰayaṃ yataḥ /
Halfverse: c    tasya dehād vimuktasya   bʰayaṃ nāsti kutaś cana
   tasya dehād vimuktasya   bʰayaṃ na_asti kutaścana /26/

Verse: 27 
Halfverse: a    avācinoti karmāṇi   na ca saṃpracinoti ha
   avācinoti karmāṇi   na ca saṃpracinoti ha /
Halfverse: c    samaḥ sarveṣu bʰūteṣu   maitrāyaṇa gatiś caret
   samaḥ sarveṣu bʰūteṣu   maitrāyaṇa gatiś caret /27/

Verse: 28 
Halfverse: a    śakunīnām ivākāśe   jale vāri carasya vā
   śakunīnām iva_ākāśe   jale vāri carasya vā /
Halfverse: c    yatʰāgatir na dr̥śyeta   tatʰā tasya na saṃśayaḥ
   yatʰā-gatir na dr̥śyeta   tatʰā tasya na saṃśayaḥ /28/

Verse: 29 
Halfverse: a    gr̥hān utsr̥jya yo rājan   mokṣam evābʰipadyate
   gr̥hān utsr̥jya yo rājan   mokṣam eva_abʰipadyate /
Halfverse: c    lokās tejomayās tasya   kalpante śāśvatīḥ samāḥ
   lokās tejomayās tasya   kalpante śāśvatīḥ samāḥ /29/

Verse: 30 
Halfverse: a    saṃnyasya sarvakarmāṇi   saṃnyasya vidʰivat tapaḥ
   saṃnyasya sarva-karmāṇi   saṃnyasya vidʰivat tapaḥ /
Halfverse: c    saṃnyasya vividʰā vidyāḥ   sarvaṃ saṃnyasya caiva ha
   saṃnyasya vividʰā vidyāḥ   sarvaṃ saṃnyasya caiva ha /30/

Verse: 31 
Halfverse: a    kāmeṣu cāpy anāvr̥ttaḥ   prasannātmātmavic cʰuciḥ
   kāmeṣu ca_apy anāvr̥ttaḥ   prasanna_ātmā_ātmavit śuciḥ /
Halfverse: c    prāpyeha loke satkāraṃ   svargaṃ samabʰipadyate
   prāpya_iha loke satkāraṃ   svargaṃ samabʰipadyate /31/

Verse: 32 
Halfverse: a    yac ca paitāmahaṃ stʰānaṃ   brahmarāśi samudbʰavam
   yac ca paitāmahaṃ stʰānaṃ   brahma-rāśi samudbʰavam /
Halfverse: c    guhāyāṃ pihitaṃ nityaṃ   tad damenābʰipadyate
   guhāyāṃ pihitaṃ nityaṃ   tad damena_abʰipadyate /32/

Verse: 33 
Halfverse: a    jñānārāmasya buddʰasya   sarvabʰūtāvirodʰinaḥ
   jñāna_ārāmasya buddʰasya   sarva-bʰūta_avirodʰinaḥ /
Halfverse: c    nāvr̥tti bʰayam astīha   paraloke bʰayaṃ kutaḥ
   na_āvr̥tti bʰayam asti_iha   para-loke bʰayaṃ kutaḥ /33/

Verse: 34 
Halfverse: a    eka eva dame doṣo   dvitīyo nopapadyate
   eka\ eva dame doṣo   dvitīyo na_upapadyate /
Halfverse: c    yad enaṃ kṣamayā yuktam   aśaktaṃ manyate janaḥ
   yad enaṃ kṣamayā yuktam   aśaktaṃ manyate janaḥ /34/

Verse: 35 
Halfverse: a    etasya tu mahāprājña   doṣasya sumahān guṇaḥ
   etasya tu mahā-prājña   doṣasya sumahān guṇaḥ /
Halfverse: c    kṣamāyāṃ vipulā lokāḥ   sulabʰā hi sahiṣṇunā
   kṣamāyāṃ vipulā lokāḥ   sulabʰā hi sahiṣṇunā /35/

Verse: 36 
Halfverse: a    dāntasya kim araṇyena   tatʰādāntasya bʰārata
   dāntasya kim araṇyena   tatʰā_adāntasya bʰārata /
Halfverse: c    yatraiva hi vased dāntas   tad araṇyaṃ sa āśramaḥ
   yatra_eva hi vased dāntas   tad araṇyaṃ sa\ āśramaḥ /36/

Verse: 37  {Vaiśaṃpāyana uvāca}
Halfverse: a    etad bʰīṣmasya vacanaṃ   śrutvā rājā yudʰiṣṭʰiraḥ
   etad bʰīṣmasya vacanaṃ   śrutvā rājā yudʰiṣṭʰiraḥ /
Halfverse: c    amr̥teneva saṃtr̥ptaḥ   prahr̥ṣṭaḥ samapadyata
   amr̥tena_iva saṃtr̥ptaḥ   prahr̥ṣṭaḥ samapadyata /37/

Verse: 38 
Halfverse: a    punaś ca paripapraccʰa   bʰīṣmaṃ dʰarmabʰr̥tāṃ varam
   punaś ca paripapraccʰa   bʰīṣmaṃ dʰarma-bʰr̥tāṃ varam /
Halfverse: c    tapaḥ prati sa covāca   tasmai sarvaṃ kurūdvaha
   tapaḥ prati sa ca_uvāca   tasmai sarvaṃ kuru_udvaha /38/ {E}38


Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.