TITUS
Mahabharata
Part No. 1899
Previous part

Chapter: 64 
Adhyāya 64


Verse: 1  {Brāhmaṇā ūcuḥ}
Halfverse: a    kriyatām upahāro 'dya   tryambakasya mahātmanaḥ
   kriyatām upahāro_adya   tryambakasya mahātmanaḥ /
Halfverse: c    kr̥tvopahāraṃ nr̥pate   tataḥ svārtʰe yatāmahe
   kr̥tvā_upahāraṃ nr̥pate   tataḥ sva_artʰe yatāmahe /1/

Verse: 2  {Vaiśaṃpāyana uvāca}
Halfverse: a    śrutvā tu vacanaṃ teṣāṃ   brāhmaṇānāṃ yudʰiṣṭʰiraḥ
   śrutvā tu vacanaṃ teṣāṃ   brāhmaṇānāṃ yudʰiṣṭʰiraḥ /
Halfverse: c    nirīśasya yatʰānyāyam   upahāram upāharat
   niri_īśasya yatʰā-nyāyam   upahāram upāharat /2/

Verse: 3 
Halfverse: a    ājyena tarpayitvāgniṃ   vidʰivat saṃskr̥tena ha
   ājyena tarpayitvā_agniṃ   vidʰivat saṃskr̥tena ha /
Halfverse: c    mantrasiddʰaṃ caruṃ kr̥tvā   purodʰāḥ prayayau tadā
   mantra-siddʰaṃ caruṃ kr̥tvā   purodʰāḥ prayayau tadā /3/

Verse: 4 
Halfverse: a    sa gr̥hītvā sumanaso   mantrapūtā janādʰipa
   sa gr̥hītvā sumanaso   mantra-pūtā jana_adʰipa /
Halfverse: c    modakaiḥ pāyasenātʰa   māṃsaiś copāharad balim
   modakaiḥ pāyasena_atʰa   māṃsaiś ca_upāharad balim /4/

Verse: 5 
Halfverse: a    sumanobʰiś ca citrābʰir   jālair uccāvacair api
   sumanobʰiś ca citrābʰir   jālair ucca_avacair api /
Halfverse: c    sarvaṃ sviṣṭa kr̥taṃ kr̥tvā   vidʰivad vedapāragaḥ
   sarvaṃ sviṣṭa kr̥taṃ kr̥tvā   vidʰivad veda-pāragaḥ /
Halfverse: e    kiṃkarāṇāṃ tataḥ paścāc   cakāra balim uttamam
   kiṃkarāṇāṃ tataḥ paścāc   cakāra balim uttamam /5/

Verse: 6 
Halfverse: a    yakṣendrāya kuberāya   maṇibʰadrāya caiva ha
   yakṣa_indrāya kuberāya   maṇi-bʰadrāya caiva ha /
Halfverse: c    tatʰānyeṣāṃ ca yakṣāṇāṃ   bʰūtādʰipatayaś ca ye
   tatʰā_anyeṣāṃ ca yakṣāṇāṃ   bʰūta_adʰipatayaś ca ye /6/

Verse: 7 
Halfverse: a    kr̥sareṇa sa māṃsena   nivāpais tilasaṃyutaiḥ
   kr̥sareṇa sa māṃsena   nivāpais tila-saṃyutaiḥ /
Halfverse: c    śuśubʰe stʰānam atyartʰaṃ   devadevasya pārtʰiva
   śuśubʰe stʰānam atyartʰaṃ   deva-devasya pārtʰiva /7/

Verse: 8 
Halfverse: a    kr̥tvā tu pūjāṃ rudrasya   gaṇānāṃ caiva sarvaśaḥ
   kr̥tvā tu pūjāṃ rudrasya   gaṇānāṃ caiva sarvaśaḥ /
Halfverse: c    yayau vyāsaṃ puraskr̥tya   nr̥po ratnanidʰiṃ prati
   yayau vyāsaṃ puraskr̥tya   nr̥po ratna-nidʰiṃ prati /8/

Verse: 9 
Halfverse: a    pūjayitvā dʰanādʰyakṣaṃ   praṇipatyābʰivādya ca
   pūjayitvā dʰana_adʰyakṣaṃ   praṇipatya_abʰivādya ca /
Halfverse: c    sumanobʰir vicitrābʰir   apūpaiḥ kr̥sareṇa ca
   sumanobʰir vicitrābʰir   apūpaiḥ kr̥sareṇa ca /9/

Verse: 10 
Halfverse: a    śaṅkʰādīṃś ca nidʰīn sarvān   nidʰipālāṃś ca sarvaśaḥ
   śaṅkʰa_ādīṃś ca nidʰīn sarvān   nidʰi-pālāṃś ca sarvaśaḥ /
Halfverse: c    arcayitvā dvijāgryān sa   svasti vācya ca vīryavān
   arcayitvā dvija_agryān sa   svasti vācya ca vīryavān /10/ 10

Verse: 11 
Halfverse: a    teṣāṃ puṇyāhagʰoṣeṇa   tejasā samavastʰitaḥ
   teṣāṃ puṇya_aha-gʰoṣeṇa   tejasā samavastʰitaḥ /
Halfverse: c    prītimān sa kuruśreṣṭʰaḥ   kʰānayām āsa taṃ nidʰim
   prītimān sa kuru-śreṣṭʰaḥ   kʰānayām āsa taṃ nidʰim /11/

Verse: 12 
Halfverse: a    tataḥ pātryaḥ sa karakāḥ   sāśmantaka manoramāḥ
   tataḥ pātryaḥ sa karakāḥ   sa_aśmantaka mano-ramāḥ /
Halfverse: c    bʰr̥ṅgārāṇi kaṭāhāṇi   kalaśān vardʰamānakān
   bʰr̥ṅgārāṇi kaṭāhāṇi   kalaśān vardʰamānakān /12/

Verse: 13 
Halfverse: a    vahūni ca vicitrāṇi   bʰājanāni sahasraśaḥ
   vahūni ca vicitrāṇi   bʰājanāni sahasraśaḥ /
Halfverse: c    uddʰārayām āsa tadā   dʰarmarājo yudʰiṣṭʰiraḥ
   uddʰārayām āsa tadā   dʰarma-rājo yudʰiṣṭʰiraḥ /13/

Verse: 14 
Halfverse: a    teṣāṃ lakṣaṇam apy āsīn   mahān karapuṭas tatʰā
   teṣāṃ lakṣaṇam apy āsīn   mahān kara-puṭas tatʰā /
Halfverse: c    trilakṣaṃ bʰājanaṃ rājaṃs   tulārdʰam abʰavan nr̥pa
   tri-lakṣaṃ bʰājanaṃ rājaṃs   tula_ardʰam abʰavan nr̥pa /14/

Verse: 15 
Halfverse: a    vāhanaṃ pāṇḍuputrasya   tatrāsīt tu viśāṃ pate
   vāhanaṃ pāṇḍu-putrasya   tatra_āsīt tu viśāṃ pate /
Halfverse: c    ṣaṣṭir uṣṭrasahasrāṇi   śatāni dviguṇā hayāḥ
   ṣaṣṭir uṣṭra-sahasrāṇi   śatāni dvi-guṇā hayāḥ /15/

Verse: 16 
Halfverse: a    vāraṇāś ca mahārāja   sahasraśatasaṃmitāḥ
   vāraṇāś ca mahā-rāja   sahasra-śata-saṃmitāḥ /
Halfverse: c    śakaṭāni ratʰāś caiva   tāvad eva kareṇavaḥ
   śakaṭāni ratʰāś caiva   tāvad eva kareṇavaḥ /
Halfverse: e    kʰarāṇāṃ puruṣāṇāṃ ca   parisaṃkʰyā na vidyate
   kʰarāṇāṃ puruṣāṇāṃ ca   parisaṃkʰyā na vidyate /16/

Verse: 17 
Halfverse: a    etad vittaṃ tad abʰavad   yad uddadʰre yudʰiṣṭʰiraḥ
   etad vittaṃ tad abʰavad   yad uddadʰre yudʰiṣṭʰiraḥ /
Halfverse: c    ṣoḍaśāṣṭau caturviṃśat   sahasraṃ bʰāralakṣaṇam
   ṣoḍaśa_aṣṭau caturviṃśat   sahasraṃ bʰāra-lakṣaṇam /17/

Verse: 18 
Halfverse: a    eteṣv ādʰāya tad dravyaṃ   punar abʰyarcya pāṇḍavaḥ
   eteṣv ādʰāya tad dravyaṃ   punar abʰyarcya pāṇḍavaḥ /
Halfverse: c    mahādevaṃ ratiyayau   puraṃ nāgāhvayaṃ prati
   mahā-devaṃ rati-yayau   puraṃ nāga_āhvayaṃ prati /18/

Verse: 19 
Halfverse: a    dvaipāyanābʰyanujñātaḥ   puraskr̥tya purohitam
   dvaipāyana_abʰyanujñātaḥ   puraskr̥tya purohitam /
Halfverse: c    goyute goyute caiva   nyavasat puruṣarṣabʰaḥ
   go-yute go-yute caiva   nyavasat puruṣa-r̥ṣabʰaḥ /19/

Verse: 20 
Halfverse: a    sā purābʰimukʰī rājañ   jagāma mahatī camūḥ
   sā purā_abʰimukʰī rājan   jagāma mahatī camūḥ /
Halfverse: c    kr̥ccʰrād draviṇa bʰārārtā   harṣayantī kurūdvahān
   kr̥ccʰrād draviṇa bʰāra_ārtā   harṣayantī kuru_udvahān /20/ (E)20



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.